1
Жин нэмэгдэх
Шалтгаангүйгээр жин нэмэгдэх үед ядрах, амьсгал давхцах, амьсгалахад хүндрэлтэй болох зэргээр амьсгалын замын өвчний шинжүүд илэрдэг. Энэ нь уушгинд ус нэмэгдэн хавагнаж байгаагийн шинж байж болно. Хэрэв танд эдгээр шинжүүд ажиглагдаж эхэлсэн бол яаралтай эмчид хандаарай.
2
Жингээ алдах
Ямар ч шалтгаангүйгээр жин хасах нь маш олон шалтгаантай ч ямартай ч аль тохиолдолд та эмчид хандах хэрэгтэй. Учир нь шалтгаангүй жин хасагдах нь уушгины архаг үрэвслийн шинж байж ч магадгүй бөгөөд ингэсэн үед үрэвсэл уушгины хэмжээг нэмэгдүүлж ходоодтой тулгах болно. Ингээд аажмаар хоолны дуршил буурч хоол идэх хүсэлгүй болж эхэлдэг.
3
Хөл хавагнах
Хөл хавагнах нь янз бүрийн шалтгаанаас үүдэлтэй бөгөөд удаан хугацаагаар хавантай яваад байж огт болохгүй. Учир нь хөл байнга хавагнах нь уушгитай холбоотой байх боломжтой. Хүчилтөрөгчийн дутагдал нь цусны эргэлт болон тунгалгийн системд нөлөөлж шингэний эргэлтийг удаашруулдаг бөгөөд энэ нь элэг, бөөрөнд хэрэгтэй хэмжээний цус хүргэж чадахгүйд хүргэдэг. Үүнээс болоод эдгээр эрхтнүүд хорт бодис шүүх, ялгаруулах зэргээ хийж чадахгүй болсноор биед хаван үүсдэг.
4
Шалтгаангүйгээр удаан хугацаагаар амьсгаа давхцах
Биедээ ачаалал аваагүй байхад амьсгаадаад байвал та яаралтай эмчид хандах хэрэгтэй. Шалтгаангүйгээр амьсгаадах нь зүрхний юм уу, уушгины өвчний түгээмэл шинж юм.
5
Уруул, хумсны өнгө өөрчлөгдөх
Уруул, хумс хөхрөх бол жинхэнэ аюулын дохио л гэсэн үг. Энэ бол цусан дахь хүчилтөрөгч дутагдаж байгаагийн шинж бөгөөд энэ ажиллагааг хангагч уушгинд доголдол үүссэнийг илтгэж байдаг.
6
Байнга ядрах
Ажлаа зөв зохион байгуулж чадахгүй бол уушги тун амархан ядардаг. Цусан дахь хүчилтөрөгч дутагдсанаас бие организмын бүхий л тогтолцоо хэвийн ажиллагаагаа алдаж хүн шалтгаангүй ядарч эхэлдэг.
7
Мөрөөр өвдөх
Уушгины зарим үрэвсэл мөрний дээд мэдрэлд нөлөөлөн өвдөлт өгч эхэлдэг. Та өмнө нь мөрөндөө эсвэл мөрнийхөө булчинд ямар нэг гэмтэл авч байгаагүй атал мөр тань өвдөөд байвал эмчид яаралтай хандаарай.
8
Архаг ханиад
Удаан хугацаагаар ханиалгах нь амьсгалын замд ямар нэг гэмтэл гарсны дохио юм. Ялангуяа найман долоо хоногоос урт хугацаагаар үргэлжилбэл өвчин архагшдаг тул аль болох эрт эмчид хандах хэрэгтэй. Хэрэв эхнээсээ л цэртэй ханиалгаж эхэлбэл цаг алдалгүй эмчид хандаарай.
9
Нойргүйдэл
Хэрэв та унтаж чадахгүй, хэвтэж байхдаа ч амьсгаадаад байвал уушгинд ямар нэгэн согог байна гэсэн үг. Ийм тохиолдолд бие тавгүйрхэж, нойрны дутагдалд ордог учир мөн л цаг алдалгүй эмнэлэгт хандах хэрэгтэй.
10
Өглөөгүүр толгой өвдөх
Толгой байнга өвдөх нь мөн л уушгины ажиллагаа хэвийн бус байгаагийн шинж юм. Учир нь уушгины архаг үрэвслийн үед хүчилтөрөгчөөр амьсгалж, нүүрс хүчлийн хий ялгаруулах явц удааширч цусан дахь хүчилтөрөгчийн дутагдал, нүүрс хүчлийн илүүдэл үүсэн толгой өвдөх, толгой эргэх шинжүүд илэрдэг.
