Алхалт нь дараах төрлийн өвчнөөс урьдчилан сэргийлэх шилдэг арга юм. Үүнд:
- Сэтгэл санааны гүн хямрал
- Альцгеймерийн өвчин (зөнөх өвчин, мартах өвчин)
- Цусны даралт ихсэх
- Ядаргаа, эрч хүч буурах
- Таргалалт
- Зүрх судасны өвчин, тархины даралт, зүрхний титэм судасны өвчин
- Чихрийн шижин
- Дааврын тэнцвэргүй байдал
- Бүсгүйчүүдийн сарын тэмдэг ирэхийн өмнөх хямрал
- Бамбай булчирхайн өвчин
1
Жингээ хянахад тустай
Жин хасахад заримдаа эрчимтэй бэлтгэл хийснээс илүү энгийн алхалт эерэгээр нөлөөлдөг байна. Дугуй унах, бүжиглэх, аэробик, сэлэх гэх мэт нь зүрхний ачааллыг нэмэгдүүлдэг. Хэдийгээр алхалт нь их хэмжээний ачаалал өгч, олон кг өөхийг шатаахгүй ч эрүүл мэндэд нэн тустай байдаг аж.
2
Үе мөчний өвчний асуудлыг шийдвэрлэнэ
Үргэлж алхах нь цусны эргэлтийг сайжруулж, үе мөчний үйл ажиллагааг хэвийн байлгахад тусалдаг. Хэдийгээр үе мөчний мөгөөрсөнд цус эргэлддэггүй ч хөдөлгөөн хийх үед үе мөчинд байх үений шингэн хөдөлгөөнд орж, гэмтсэн хэсгүүдэд их хэмжээний хүчилтөрөгч ордог байна.
3
Зүрхийг эрүүл байлгахад тустай
2013 оны Америкийн анагаах ухааны сэтгүүлд хурдан алхалт нь зүрхний үйл ажиллагаа, зүрхний цохилтод сайнаар нөлөөлдөг болохыг бичжээ. Үүнээс гадна таны биеийг хүчилтөрөгчөөр хангаж, цусны даралтыг тогтворжуулдаг гэнэ. Туршилтад 1000 гаруй хүн оролцсон бөгөөд алхалт нь зүрх өвдөх, зүрхний титэм судасны өвчнөөс урьдчилан сэргийлдэг болохыг тогтоосон байна.
4
Сэтгэл санааны гүн хямралтай тэмцэж, сэтгэл санааг өөдрөг болоход тустай
Бүх төрлийн дасгал сэтгэл санааны гүн хямралаас аварч, сэтгэл хөдлөлтэй холбоотой бүхий л асуудлыг шийдвэрлэхэд тустай юм.
5
Нас тогтсон үед ясны эрүүл мэндийг хадгалдаг
Үргэлж алхах нь нас тахих тусам ясны масс алдагдахаас сэргийлдэг. Алхах үед та таталцлын хүчтэй тэмцэж, ясаа бэхжүүлж өгдөг учраас яс илүү бат бөх чигээрээ хадгалагддаг байна. Үүнээс гадна яс амархан хугарахаас хамгаалж чадна.
6
Хүссэн газраа хийх боломжтой
Ямар нэгэн тоног төхөөрөмж, тасалгаа шаардахгүй хамгийн хялбар, хамгийн ашиг тустай дасгал бол алхалт юм. Танд хэрэгтэй ганцхан зүйл бол өөрийн завгүй хувиараасаа 30 минутын завыг гаргах л явдал юм. Богино хугацааны алхалт нь зүрхний үйл ажиллагаа, дааврын хэмжээ, булчингийн үйл ажиллагаанд сайнаар нөлөөлнө.
