1
Та пүүзний төрөлд анхаарал хандуулдаггүй
Автомат угаалгын машинд угаах хориотой хэд хэдэн төрлийн пүүз байдаг.
Үүнд:
- Арьсан: хэлбэрээ алдах магадлалтай
- Элгэн: элэг тэр чигтээ арилах болно
- Төрөл бүрийн гоёл чимэглэлтэй: угааж байх зуур таны пүүзэн дээрх гоёл чимэглэл унах болно. Үүнээс гадна угаалгын машиныг эвдэх магадлалтай.
- Асдаг: гэрэл нь ажиллахаа болино.
- Фосфортой: тасарч унах магадлалтай
- Улны асуудалтай: хэрвээ ул нь бага зэрэг салсан байвал угаасны дараа салж унах болно.
- Төмөр чимэглэлтэй, цайвар пүүз: даавуу нь зэвэрнэ.
2
Өмсөж байсан чигээр нь угаах
Пүүзээ угаахын өмнө тусгайлан бэлдэх хэрэгтэй.
- Нэн түрүүнд үдээсийг нь тайлж авах шаардлагатай. Харин үдээсээ гараараа угаах, эсвэл тусгай даавуун уутанд хийж пүүзтэйгээ цуг угааж болно.
- Улавчийг нь гаргаж аван тусад нь угаагаарай.
3
Угаалгын машин эвдрэх боломжтойг бүү мартаарай
Энэ хэсгийг алгасвал та цэвэрхэн пүүз, эвдэрхий угаалгын машинтай үлдэх аюултай.
- Нэг удаад хоёр хос пүүз угааж болно.
- Хүчтэй мушгих горим дээр тавихгүй байх.
- Пүүзээ тусгай уутанд угаах.
- Пүүзнийхээ улнаас бүх төрлийн шороо, шавар, чулуу гэх мэт бохирдлыг нь цэвэрлэх хэрэгтэй. Цэвэрлэхдээ ширүүн урсгал усанд урсгах, эсвэл чихний хөвөнгөөр ухаж гаргасан ч болно.
4
Буруу горимыг сонгох
- 30-40 градусын температурт угаах: Хэт хүйтэн ус нь бохирдлыг арилгахгүй, харин хэт халуун ус нь гутлын хэвийг алдагдуулна.
- Тохирсон горимыг сонгох: Зарим угаалгын машинд “гутал угаах” горим бий.
- Хамгийн бага дээр мушгих: Сайн мушгих боломжгүй учир хамгийн бага дээр нь мушгих горимыг сонгоорой.
- Хатаагчийг унтраах: хатаагч нь таны гутлын хэвийг алдагдуулах магадлалтай.
5
Угаалгын нунтаг хэрэглэх
Угаалгын нунтгийг арилгахад хэцүү байдаг учир зураас, толбо үлдээдэг. Тиймээс шингэн угаалгын бодисыг хэрэглэх нь зүйтэй. Хэрвээ цагаан пүүзтэй бол бага зэрэг цайруулагч нэмж болно.
6
Буруу хатаах
Хэрхэн зөв хатаах вэ?
- Өрөөний температурт, пааран дээр тавихгүй байх.
- Хэлбэрийг нь алдагдахаас урьдчилан сэргийлж, дотор нь цаас хийх. Пүүзэн дотроо бүх төрлийн алчуур, салфетка, даавуу хийх боломжтой. Харин сонин хийж болохгүй. Учир нь сонингийн цаасны өнгө үлдэх магадлалтай байдаг.
- Пүүз тань бараг хатсан бол гутал хатаагчийг ашиглаж болно.
