1
Хүнсний хэрэглээгээ хязгаарла
Хүнсний үйлдвэрлэл бол байгальд хамгийн хөнөөлтэй салбаруудын нэг юм. Тиймээс та идэж хэрэглэдэг хүнсний бүтээгдэхүүний тоо болон хэмжээг бууруулах тал дээр анхаараарай.
2
Байгаль хамгаалах талаар мэдлэгээ дээшлүүлэх
Далайд дусал нэмэр гэдгээр та ямар нэг хүвь хүн болон Засгийн газрын хэрэгжүүлж буй байгальд ээлтэй төсөлд бага ч болов хувь нэмрээ оруулахаа бүү мартаарай.
3
Усны зохистой хэрэглээ
Дэлхийн дулаарлыг хамгийн ихээр амсаж буй бүс нутагт манай орон ордог. Иймд та бүхэн шүд ам, үсээ угаахдаа усаа түр хаах, шүршүүрт удаан ордог бол түүнийгээ багасгаж хэдхэн минут зарцуулах хэрэгтэй. Тэгснээр, та ус хэмнэхээс гадна мөн эрчим хүчийг хэмнэн, төлбөр тооцоо ч багасах болно.
4
Мод тарьцгаая!
Орчноо тохижуулан мод тарих ажлыг өөрөө өөрөөсөө эхэлцгээе. Та цонхныхоо өмнө мод, бут тариарай. Үр хүүхэд тань тарьсан модыг услан арчилж байгаль эхтэй харилцаж сурах болно. Бусдыг бас энэ үйл хэрэгтэй уриалан дуудаарай.
5
Өөрсдөө хийцгээе!
- Хоол, хүнс: Аль болох бэлэн хоолноос татгалзаж өөрсдөө хоолоо хийж сураарай!
- Арчилгааны бүтээгдэхүүн: Арьс, үс гээд бараг бүх гоо сайхны бүтээгдэхүүнийг гэрийн нөхцөлд хийж болдгийг санаарай!
- Цэвэрлэгээний бүтээгдэхүүн: Цонх, тавилга, хивс хивсэнцэр гээд бүх зүйлийг цэвэрлэж болох бодисыг хүнсний сода болон уксус найруулан гаргаж авч болно.
6
Орчин тойрноо хайрла
Аалз, зөгий гэх мэтийн амьтадын алахгүй байх, амьтны үүр бэлдэх, амьтад хооллох, шавьжны хор хэрэглэхгүй байх зэрэг нь таны орчин тойрныг эрүүл байлгана.
7
Бордоо хэрэглэ
Ганцхан ногоо тарьж байгаа хүмүүс гэлтгүй бид бүгдээрээ бордоо хэрэглэх цаг иржээ. Та идэлгүй үлдээсэн хүнсний бүтээгдэхүүнээ хаяхын оронд цуглуулан эргэн тойрны ногоон байгууламжаа бордох бүрэн боломжтой.
8
Бага хэрэглэж бага хаяцгаая!
Хуучин хувцсаа хаялгүй юм арчих, олон машинаар бус нэг л машинаар аялах, хэрэгтэй хэрэггүй юм цуглуулахгүй байх зэргээр та хэмнэлттэй амьдарснаар байгаль орчин төдийгүй эдийн засгаа сайжруулж чадна.
9
Олон дахин ашиглагдах уутыг хэрэглэцгээе!
Даавуун уут хэрэглэх нь маш зөв сонголт. Учир нь та нэг удаа худалдан аваад дахин дахин хэрэглэх боломжтой. Энэ нь бат бөх, мөнгө хэмнэдэг учраас олон ашиглагдах тор ашиглаарай.
