Тэдний хамтдаа байгаа зургийг харахад тэд тун сэтгэл хангалуун байгаа бололтой, байнга л инээмсэглэл нүүрэнд нь тодорч байв.  

Иггиг өнгөрсөн зургадугаар сард ганц бие гэдгээ дэлхий нийтээр зарласны дараахан  Америкийн рэппер Тайга (Tyga) түүн рүү мессеж бичсэн нь хэрэгт дуртай хүмүүсийн анхаарлыг ихэд татсан аж. Кайли Женнерийн экс амраг тэрээр Иггиг тун халуухан гэж боддогоо илэрхийлээд хүсвэл үерхэх талаар үзээд алдаж болох юм гэдгээ ил цагаан хэлсэн аж. Гэвч түүний санал талаар болжээ. 

Жимми Батлер Америкийн мэргэжлийн сагсан бөмбөгийн "Minnesota Timberwolves" багт тоглодог од тамирчин ажээ. Өдгөө 28 настай тэрээр 2.03 метр өндөр, 107 кг жинтэй. 2015 онд  Жимми NBA-гийн  хамгийн их сайжирч яваа тамирчнаар нэрлэгдэж байсан юм. 

Игги өмнө нь мэргэжлийн сагсан бөмбөгч Ник Янг (Nick Young)-тай үерхэж, 2015 онд найз залуугийнхаа 30 насны төрсөн өдрөөр сүй тавьж байсан түүхтэй. Харамсалтай нь 2016 онд Ник Иггиг араар нь тавьснаар тэдний харилцаа төгсгөл болж, бөөн сенсаац тарьж байсан юм.

Үүнээс хойш дуучин Фрэнч Монтанатай (French Montana)-тай хэсэг үерхээд салсан. 

Мөн NFL-ийн буюу Америкийн мэргэжлийн хөлбөмбөгийн тамирчин ДеАндре Хопкинс (DeAndre Hopkins)-той нэр холбогдох болсон. Хэвлэлийнхэн тэднийг холбон бичиж эхлэх үед тамирчин залуу үерхэж байгаа гэдгээ хүлээн зөвшөөрсөн ч Игги "Би ганц бие хэвээрээ" хэмээн мэдэгджээ.