1
Төмөр махбодь - 0, 1
Төмөр махбодь нь хүний хатуужилтай, уян зөөлөн, дуулгавартайг илэрхийлж байгаа юм. 1990, 2001 зэрэг онуудад төрсөн хүмүүс байгалиасаа амьдралын баяр баясгалантай, аливаа зүйлд бууж өгдөггүй юм. Зарим төмөр хэлбэрт ордогтой адил эдгээр хүмүүс ч мөн адил нөхцөл байдалд дасан зохицох чадвартай ажээ. Мөн бүх зүйлийг төгс хийхийг эрмэлзэж, үргэлж бусдаас илүү, манлайлагч байхыг хүсдэг.
2
Ус махбодь - 2, 3
Дээрх тоогоор төгссөн онуудад төрсөн хүмүүс уран бүтээлч, гоо зүйн өндөр мэдрэмжтэй байдаг. Тэд бусадтай хэл амаа сайн олдог, тусламж хүссэн ямар ч хүнд сэтгэлээсээ тусалж чаддаг юм. Гэхдээ ус тогтонги байдаггүйтэй адил ус махбодьтой хүмүүс ч мөн адил үргэлж өөрийнхөөрөө, эрх чөлөөтэй амьдрахыг хүсдэг байна.
3
Мод махбодь - 4, 5
1984, 1995 гэх мэт онуудад төрсөн хүмүүс хурц ухаантай нэгэн байдаг. Тэд үргэлж шинэ соргог мэдээлэл олж, бусдадаа түгээдэг юм. Мөн логик сэтгэлгээ сайтай учир үргэлж зөв шийдвэр гаргаж байдгаараа найзууд дундаа алдартай. Тиймээс хүмүүс үргэлж зөвлөгөө авахдаа тэдэн рүү ханддаг.
4
Гал махбодь - 6, 7
Эдгээр онд хүсэл тэмүүлэлдээ автсан нэгэн төржээ. Яг л гал шиг тэд үргэлж эрч хүчээр дүүрэн байдаг учир адал явдлыг эрэлхийлдэг байна. Мөн тэд гадаад үзэмжээрээ, бодож сэтгэж байгаагаараа олны дундаас ялгарч чаддаг. Хэрвээ тэд хүнд дурлавал нөгөө хүндээ бүхнээ зориулахад ч бэлэн байдаг юм.
5
Шороо махбодь - 8, 9
Шороо махбодийн жилд төрөгсөд хамгийн тууштай хүмүүс ажээ. Тэд тэвчээртэй, сэрэмжтэй, найдвартай нэгэн юм. Аливаа зүйлд логик, прагматик сэтгэлгээгээр ханддаг. Эдгээр чанарууд нь тэднийг амжилтад хүрэхэд асар их нөлөөлдөг. Гэхдээ тэд хүнд итгэж чаддаггүй сул талтай.
