Хамгийн гайхалтай нь хөх томруулах уг үйлчилгээнд ямар ч мэс ажилбар шаардлагагүй юм. 

Токио хот дахь Исаэ Клиникт (Isea Clinic) энэ аргыг анх боловсруулсан байна. Ердөө 30-хан минутын дотор таны хөхөнд ус, сүүн хүчил, электролитуудын найрлагатай шингэнийг шахаж томруулдаг юм. 

Энэ бодис нь хүний ​​биед агуулагдах шингэний найрлагатай ойролцоо байдаг тул эрүүл мэндэд ямар нэгэн сөрөг нөлөөгүй бөгөөд шингэн дутагдсан, эсвэл цус ихээр алдсан өвчтөнүүдийн эмчилгээнд хэрэглэдэг аж.

Хөхөнд шахсан шингэний хүний биед байх хугацааг сунгахын тулд эмч нар спортоор хичээллэхээс зайлсхийж, хоол хүнсний хэрэглээгээ багасгахыг зөвлөдөг юм.

Хэдийгээр "Cinderella plastic" нь барууны орнуудад түгээмэл болоогүй ч Майли Сайрус (Miley Cyrus), Кендалл Женнер (Kendall Jenner) зэрэг Холливудын алдартанууд энэ аргаар хөхөө томруулаад эхэлсэн байна.

Гэвч зарим шинжээчид "Cinderella plastic"-г аюултай гэж үзжээ.

"Шингэнийг шахаж байх явцад их хэмжээгээр цус алдах эрсдэл бий" гэж гоо сайхны мэс засалч Нилеш Согитра (Nilesh Sogitra) анхааруулсан бол Нью-Йоркын төв эмнэлэгийн мэргэжилтэн Сью  Эплгэйт (Sue Applegate) "Энэ шингэнийг ойр ойрхон тариулах юм бол хөхний дотор эмзэгшиж хөөж хавдах аюултай" гэж мэдэгджээ.