Арабын ханхүүгийн сонирхолтой амьдрал

1 Араб даяар нэр хүндтэй ханхүү

Арабын шейх Хамдан төрсөн цагаасаа эхлэн тансаг орчинд амьдарч буй. Учир нь тэрээр Арабын Нэгдсэн Эмират улсын дэд ерөнхийлөгч болон Ерөнхий сайд, Дубайн шейх Мухаммеда бин Рашида аль-Мактумагийн гэр бүлд төрсөн байна. Үүнээс гадна тэрээр зургаан ах дүү болон есөн эгч дүүстэй аж. Арабын Эмиратад Хамдан маш нэр хүндтэй, алдартай нэгэн юм.

2 Англид өндөр боловсрол эзэмшсэн эр

Амьдралынхаа ихэнх хугацааг Хамдан төрөлх нутагтаа биш, харин Их Британид өнгөрүүлж, өндөр боловсрол эзэмшсэн байна. Эхлээд тэрээр ихэвчлэн язгууртнууд сурдаг Сандхерс дахь тансаг зэрэглэлийн цэргийн сургуульд суралцжээ. Харин дараа нь Лондон хотыг зорьж, санхүүгийн чиглэлээр боловсрол эзэмшсэн гэнэ. Хэсэг хугацааны турш Альбионд амьдарсан Хамдан эх орондоо очихоос өөр аргагүй болсон шалтгаан нь түүнийг улс төрд оруулах гэсэн аавынх нь шийдвэртэй холбоотой.

3 Үндэсний хувцсаараа тэр бусдаас ялгардаг

Хамданыг бага байхаас нь эхлэн эцэг нь түүнийг Эмиратын улс төрд оролцуулах зорилгоор бэлтгэж байсан гэнэ. Тиймээс ч Хамдан улс төрийн янз бүрийн уулзалт, хуралдаанд байнга оролцдог бөгөөд өөрийн үндэсний хувцас кандуре, арафатк өмсдөгөөрөө ялгардаг.

4 Романтик залуу

Харин өдөр тутмын амьдралдаа тэрээр “Формула-1”-ийн зурагтай футболка болон орчин үеийн залуусын чөлөөт хувцас өмсөх дуртай гэнэ. Мөн Хамдан улс төрд тийм ч дуртай биш бөгөөд шонхрын ан хийж, морь унаж, аялах дуртай, тун ч романтик нэгэн юм.

5 Морин спортын тамирчин

Ханхүү Хамдан морин спортоор хичээллэдэг бөгөөд нэг удаа Арабад зохион байгуулдаг томоохон наадамд оролцож, морин дээрээ хамгийн сайн тогтож учраас тухайн төрөлдөө түрүүлсэн байна.

6 Нууцлаг ханхүү

Арабын шейх Хамдан Их Британийн ханхүү Харри, Уильям нараас тэс өөр хүн. Ханхүүгийн хувийн амьдрал маш нууцлаг бөгөөд энэ талаар мэдээлэл гарсан ч ямар нэгэн таамаг л байдаг. Ханхүүгийн ордны имижмейкерүүд түүний хувцаслалтаас гадна давтагдашгүй онцгой төрхөнд анхаарал хандуулдаг байна.

7 Тэр хүүхдэд хайртай

Хамдан үргэлж бяцхан хүүхдүүд болон үеэлүүдтэйгээ зургаа авахуулдаг бөгөөд зураг бүр дээр сайхан инээмсэглэл тодруулсан ялдам залуугийн төрхтэй гардаг. Гэхдээ мэдээж хэн ч түүнийг хааны гэр бүлийн гишүүн гэдгийг мартдаггүй. Учир нь тэрээр шонхор, арслан, тансаг зэрэглэлийн машин, төгс засвартай ордныхоо үүдэнд авахуулсан зургаа хүртэл олон нийттэй хуваалцдаг.

8 Өгөөмөр Хамдан

Мэдээж баян хүмүүс сайн үйлсийн аян зохион байгуулдаг жишгээр тэр хэд хэдэн хандивын сантай бөгөөд заримдаа тусламж хэрэгтэй хүмүүст өөрийн биеэр очиж чин сэтгэлээсээ харамгүй тусалдаг.

9 Тэр сүй тавьсан гэв үү?

Түүний хувийн амьдралын талаар АНЭУ-ын иргэдийн дунд цуу яриа төдий зүйл л байдаг. Хэзээ гэрлэх вэ гэсэн асуултад тэрээр "Намайг хүүхэд байх үед гэр бүлийнхэн маань ээжийн минь талын эмэгтэйтэй сүй тавиулсан юм. Тиймээс ирээдүйд эхнэрээ сонгох тал дээр асуудал байхгүй" гэж хэлжээ. Хамданы үл таних бүсгүйтэй авахуулсан зураг хэвлэл мэдээллийн хэрэгслээр цацагдаж байсан ч уг эмэгтэй гивлүүртэй байсан учир царайг нь таних боломжгүй байжээ.

10 Сайхан залууд олон бүсгүй дурлажээ

Шейх хэдэн ч эхнэртэй байх боломжтой учир түүний хайр дурлалын асуудлыг судлах тийм ч шаардлагагүй болов уу. Хамданы эцэг болох Мохаммед таван эхнэртэй байх гэсэн яриа бий. Гэхдээ энэ бол ердөө таамаглал юм. Учир нь энэ талаар тодорхой баримт үгүй.

Нууцлаг ханхүүтэй холбоо тогтоох, түүний талаар мэдээлэл олох нь тийм ч хялбар биш. Мэдээж хааны гэр бүлд орох бүсгүйг Хамдан ганцаараа сонгох нь юу л бол. Гэсэн ч түүнд маш олон бүсгүй дурласан гэх яриа байдаг энэ сайхан залууг харахыг хэн ч хориглоогүй шүү дээ.