1
Чарльз Дикенсийн зээнцэр хүү Харри Лойд
Харри Лойдыг манай уншигчид "The Game of Thrones" киноны Висерис Таргариений дүрээр нь мэдэх байх. Тэрээр Викториагийн үеийн агуу зохиолч Чарльз Дикенсийн зээнцэр аж. Харри олон уран бүтээл дээр ажилласан бөгөөд өвөөгийнх нь бичсэн туужаас сэдэвчилсэн "Great hopes" цувралд мөн дүрээ мөнхлөн үлдээжээ.
2
Фёдор Достоевский зээнцэр хүү Дмитри Достоевский
Дмитри гадаад байдал болоод зан чанарын хувьд элэнц өвөөтэйгээ маш адилхан харагддаг. Түүний хэлснээр тэр "Амьдралын гүнд нь нэвтэрч, янз бүрийн хүмүүстэй уулзаж, бүхий л зүйлсийг суралцахыг хүссэн" гэдэг. Үр дүнд нь тэрээр 28 ном зохиол гаргаж, трамвайны жолооч, Достоевскийн музейд хөтөч хүртэл хийж байжээ. Харин одоо тэрээр тэтгэвэртээ гарсан ч урьдынх шигээ эрч хүчтэй ажиллахаар хичээж байгаа гэнэ.
3
Пабло Пикассогийн ач охин Диана Видмэйр Пикассо
Диана хуульч мэргэжилтэй боловч түүний ген үнэхээр хүчтэй байлаа. Сорбонны их сургуульд мастерын зэрэг хамгаалсан ч урлаг, уран зурагт судалгаа хийх сонирхлоо тэр хожим илрүүлжээ. Тэр үзэсгэлэн зохион байгуулж, дуудлага худалдааны төвүүд, уран зураг цуглуулагч нарт зөвлөгөө өгдөг байна. Диана мөн өвөөгийнхөө талаар "Пикассо: Зөвхөн урлаг л эротик байж чадна" ном бичиж хэвлүүлжээ.
4
Че Геварагийн охин Алеида Гевара Марч
Алейда бол түүний хамгийн том охин юм. Тэрээр хүүхдийн эмч мэргэжилтэй бөгөөд Ангол, Эквадор, Никарагуа улсад харшлын чиглэлээр мэргэшин ажиллаж байжээ. Алейда нийгэм, улс төрийн салбарт маш идэвхтэй нэгэн юм. Тэрээр хөгжлийн бэрхшээлтэй болон цагаач иргэдийн хүүхдүүдэд туслах төвд ажилладаг аж.
5
Грэйс Келлигийн зээ охин Чарлотте Касираги
Монакогийн хааны залгамжлагч найм дахь хүн бол бизнес эрхлэгч, сэтгүүлч, пилантрофист, загвар өмсөгч, тамирчин Чарлотте Касираги юм. Тэрээр байгаль орчин болон нэн ховордсон ан амьтныг хамгаалж, залуу авьяастнуудыг дэмжиж, тэдэнд чадах бүхнээрээ тусалдаг байна. Түүнийг эмээгийнхээ адил дэлхий дээрх хамгийн үзэсгэлэнт бүсгүйчүүдийн нэг гэж тооцдог.
6
Чарли Чаплины зээ Уна Чаплин
Унаг бид "Game of Thrones" киноны Талисагийн дүрээр нь сайн мэднэ. Түүний гэр бүл кино театртай салшгүй холбоотой. Түүний өвөө нь алдарт хошин шогийн жүжигчин Чарли Чаплин бол ээж нь жүжигчин, аав нь зураглаач ажээ. Бусад алдартай жүжигчдийн адил Уна "Royal Academy of Dramatic Art"-ыг төгссөн бөгөөд түүнийг тун удахгүй "Avatar" киноны дараагийн ангиас харах нь ээ.
7
Жосеф Бродскигийн охин Анна Александра Бродская Соззани
Нобелийн шагналтан Жосеф Бродскигийн охин Италид амьдардаг. Мэдээж хэрэг Анна аавтайгаа төстэй харагддаг. Гэхдээ тэрээр төрсөн нутагтаа ганцхан удаа буюу аавынхаа 75 насны ойгоор л зочилж байжээ.
8
Эрнест Хемингуэйн зээнцэр Дрие Хемингуэй
Загвар өмсөгч Дрие бол алдарт зохиолчийн зээнцэр бөгөөд жүжигчин Мариэл Хемингуэйн охин юм. Тэрээр "Givenchy", "Calvin Klein", "Gucci", "Chanel" зэрэг загварын брэндүүдтэй хамтран ажилладаг байна. 2016 онд "Playboy" сэтгүүлийн "Сарын шилдэг бүсгүй" болж байжээ. Сонирхуулахад, тэрээр уг шагналыг авсан, нүцгэн зургаа авахуулаагүй хамгийн анхны загвар өмсөгч юм.
9
Жосеф Сталины ач охин Крис Эванс
Сталины хамгийн бага ач охин бол Ольга Петерс юм. Гэвч тэрээр нэрээ Крис Эванс болгон солиулжээ. Крис мексик хоолонд дуртай, нохойдоо хайртай гэнэ. Мөн сэтгүүлч, сурвалжлагч нараас аль болох дөлж явдаг аж. Тэр өвөрмөц, онцгой байдалд дуртай. Түүний эгчийг Екатерина Зданова гэдэг бөгөөд Камчаткад галт уулын судлаач мэргэжлээр ажилладаг.
10
Элвис Преслигийн ач охин Райли Кио
Дуучин Элвис Преслигийн ач охин Райли Кио өвөөгийнхөө туулсан замаар явж жүжигчин болсон юм. Түүний хамгийн алдартай дүр нь "Mad Max: The Road of Fury" киноны дүр бөгөөд үүнээс гадна загвар өмсөгчөөр ажиллаж, "IMG" компанитай хамтран ажиллаж буй юм.
11
Жон Ленноны хүү Сиан Леннон
Сиан Таро Оно Леннон бол Жон Леннон болон Ёко Онно нарын хүү юм. Тэрээр дуу зохиогч, дуучин, жүжигчин, кино зохиолч нэгэн бөгөөд аав, ээжтэйгээ маш адилхан харагддаг. Тэр аавтайгаа нэг өдөр буюу аравдугаар сарын 9-нд төрсөн. Гурван цомог, дөрвөн дуу гаргаад амжсан. 2017 онд Лана Дел Рэйтэй хамтарсан уран бүтээлээ гаргажээ.
Жон Леннон анхны эхнэрээсээ Жулиан гэх хүүтэй бөгөөд тэр нь рок хөгжимчин аж. Дашрамд дурдахад, бяцхан Жулианаас "Битлз" хамтлаг сэдэвлэж "Lucy in the Sky with Diamonds" дуугаа зохиосон байдаг.
12
Франк Синатрагийн охин Нанси Синатра
Нанси мөн л аавынхаа амьдралын замналыг дагасан билээ. Тэр Элвис Преслитэй хамтран "Speedway" кинонд тоглосон байдаг. Мөн "Жэймс Бонд" цувралын тавдугаар ангийн дуу болох "You Only Live Twice"-ыг аавтайгаа хамтран дуулсан. Үүгээр ч зогсохгүй тэр 45 настайдаа "Playboy" сэтгүүлийн зураг авалтанд оролцож байжээ.
