Тим Чунг (Tim Chung) бол Кардашианы эгч дүүсийн халуухан бие хамгаалагчдын нэг бөгөөд тэдний ажилтан болоод нэлээд хэдэн жилийг өнгөрүүлсэн юм. 

Лос Анжелес хотын цагдаагийн ажлынхаа хажуугаар загвар өмсдөг тэрээр инстаграм хуудаснаа 430 мянган дагагчтай аж. 

Кайлигийн бие хамгаалагч учраас түүнтэй хамт хэд хэдэн арга хэмжээнд дагалдан явж байгаад камерын дуранд өртжээ. 

Харин Кайлид түүний тусламж хэрэггүй үед цагдаа болон загвар өмсөгчөөр ажилладаг байна. 

Мөн тэрээр Ким, Кортни нарын бие хамгаалагчийн үүргийг ч хааяа хүлээдэг.  Түүний инстаграмаас харахад тэрээр таван эгчтэй ажээ. 

Харин түүнийг Кайлигийн охины эцэг гэх шуугиан бяцхан Стормигийн зураг олон нийтэд цацагдсанаар эхэлсэн юм. 

Цахим сайтуудаар гурван сартай Сторми охин Тимтэй хэтэрхий адилхан байгаа талаар маргалдаж, жинхэнэ аав нь Тим байх гэсэн таамаглалууд ихээр бичигджээ. 

Харин "Hollywood Life" хуудсанд мэдээлснээр Кайли, Тревис хоёрт энэ бүхэн инээдтэй санагдаж байгаа гэнэ.

Хосууд өөрсдийн аз жаргалтай байгаа зургаа саяхан цахим хуудсандаа нийтэлсэн юм. 

Тэд охиныхоо хамтаар Турк Кайкосын арлууд руу аялж амраад ирсэн байна. Тэд дээд зэрэглэлийн гэдгээрээ алдартай Аманяара амралтын газарт байрласан ажээ. 

Хосууд бяцхан Стормиг орхиод хамтдаа завиар зугаалсан гэнэ шүү.