Ёс заншил хүний аминаас чухал уу?

Рёзо Татами сумо бөхийн барилдааныг нээж үг хэлэхээр дэвжээн дээр зогсож байгаад бие нь муудан унажээ. Энэ үед хэд хэдэн эмэгтэй эмч, туслах нар түүнд анхны тусламж үзүүлэхээр очсон болов ч тэднийг дэвжээрүү оруулаагүй байна. Учир нь Япончууд эртнээс сумо бөхийн дэвжээнд эмэгтэй хүн орохыг хориглодог заншилтай ажээ. Эмч нарыг очиход дэвжээн дээр байсан шүүгчид эмэгтэйчүүдийг дэвжээг орхихыг шаардсаны улмаас захирагчийг дэвжээнээс гаргахаар хамгаалагчид ирэх хэрэгтэй болжээ.

Хотын захирагч Рёзо нэн даруй эмнэлэгт хүргэгдэж яаралтай хагалгаанд орсон бөгөөд түүний биеийн байдал тогтворжсон байна.

"Японы Сумо бөхийн холбоо"-ны дарга болсон явдалд албан ёсоор уучилалт гуйж "Хүний амь настай холбоотой ийм хүнд нөхцөл байдалд бид зохисгүй үйлдэл гаргажээ. Чин сэтгэлээсээ хүлцэл өчиж байна" хэмээжээ.

Хэдий ийнхүү уучилалт гуйсан ч хүмүүс уг болсон явдалд хүмүүс их шүүмжлэлтэй хандаж байгаа юм.