Бид ихэнхидээ элэг шарах, элэгний нухаш хийж иддэг. Магадгүй одоо элэг идэхээс залхсан байж болох юм. Ингээд маш амархан аргаар амтат элэгтэй өндөг хийж идэцгээе.

Орц:

Тахианы элэг 300-400 гр

Өндөг – 2 ш

Сонгино – 1 ш

Давс - 1/3 цайны халбага

Ургамалын тос – 50 гр

Хар нунтаг перец

Хийх арга:

1. Тахианы элгээ маш сайн угааж цэвэрлэх хэрэгтэй.

2. 1.5 х 1.5 см хэмжээтэй элгээ хэрчинэ.

3. Сонгиноо арилгаад жижигхэн дөрвөлжин хэлбэртэй хэрчинэ.

4. Хайруулын тавган дээр ургамалын тосоо халаагаад сонгиноо алтлаг өнгөтэй болтол нь 5-7 минут шарна.

5. Сонгиноо бэлэн болмогц дээрээс нь элгээ нэмээд 15 минут орчим шарж, бүх усыг ширгээх хэрэгтэй.

6. Харин дараа нь дээрээс нь өндөг нэмнэ.

7. Ингээд өндгөө болтол нь бага зэрэг хуурахад л хангалттай.

Шарсан элэгтэй өндгийг бүлээнээр нь төмс, гоймонтой хамт идэж болно. Ингээд энэхүү амтат жор танд таалагдсан бол та туршаад үзээрэй. Харин дараа нь найз нөхөддөө дуулгахаа мартуузай.