1
Амьд цэцэг
Амьд цэцгүүд ямар ч гэрийг халуун дулаан уур амьсгалтай болгож чаддаг. Цэцэг нь сайхан харагдаад зогсохгүй агаарыг чийгшүүлдэг учир амьсгалахад ч таатай байх болно.
2
“Амьд” хана
Гэрийнхээ ханан дээр төрөл бүрийн хөрөг зургийг өлгөх хэрэгтэй. Фото ханын цаас, мозаик, гэр бүлийн хүмүүсийг багтаасан гэр бүлийн мод гэх мэт. Хэрвээ сайн хийж чадвал гэр тань илүү тохилог байх болно.
Үүнээс гадна гэр бүлийн гишүүдийн гавъяа шагналыг хананд өлгөх нь сайхан харагддаг. Харин бага насны хүүхэд амьдардаг гэрт өсөлтийг хэмжих шугам хийж болно.
3
Лаа
Хэрвээ боломжтой бол гэртээ ил гал хийгээрэй. Харин боломжгүй бол ширээ болон цонхныхоо тавцан дээр лаа тавиад асааж болно. Гал нь гэрийн уур амьсгалыг илүү тухтай болгож өгдөг.
4
Ном
Хэдийгээр сүүлийн үед цахим номыг хэрэглэх болсон ч цаасан номыг унших нь танд төдийгүй, гэрийн тань дотоод засал чимэглэлд таатайгаар нөлөөлөх болно.Мөн ном унших булан бүтээгээрэй.
5
Гэрэл
Гэрлийн тусгалаас тухайн гэрийн тав тухын байдал шалтгаална. Тиймээс гэрлийн бүрхүүл дээрээ анхаарал хандуулаарай. Тансаг болор гэрлийн бүрхүүл нь гэрт дулаан уур амьсгалыг бүрдүүлнэ.Харин хүүхдийн өрөөнд гэрэлтүүлэгч тавьж, унтлагын өрөөнд жижиг гэрэл сонгох хэрэгтэй.
6
Амьд материал
Модон ширээ, чулуугаар хийсэн тавилга,нэхмэл хөшиг гэх мэт зүйл нь гэрт халуун уур амьсгалыг бүрдүүлдэг. Ямар ч байсан хуванцар эд хогшлыг бодоход хамаагүй дээр.
7
Аяга таваг
Сайн чанарын аяга тавагтай байх нь тухайн гэрт сайн эзэгтэй байгаагийн илрэл болдог. Тиймээс чанартай аяга, тавганд мөнгө харамлах хэрэггүй.
8
Нэхмэл эдлэл
Ор дэрээ хураагаагүй байх нь хэнд ч таатай санагдахгүй. Хүсвэл та торгон орны бүтээлэг сонгож болно. Харин унтлагын өрөөнийхөө орыг хананыхаа өнгийн дагуу бүтээлгээр бүтээх боломжтой.
Ширээний бүтээлэг, сандлын бүтээлэг, хөшиг гэх мэт зүйл нь гэрт таатай уур амьсгалыг бүрдүүлэхэд нөлөөлнө.
9
Гэрийн бусад чимэглэл
Ихэнхи хүмүүс гэртээ сувенир тавихыг тоос шороо цуглуулна гэж үздэг учир тавих дургүй байдаг. Гэрийн тавиур дээр буй сувенирууд эзнийхээ талаар маш ихийг илэрхийлдэг гэдгийг мартаж болохгүй. Тиймээс гэрийнхээ дотоод засалд тохируулан сувенир сонгож гэрээ чимэглээрэй.
10
Гэрийн тэжээвэр амьтан
Ямар нэг хайртай зүйл тань таныг тэсэн ядан хүлээж буй газар руу очих сайхан байдаг шүү дээ. Хэрвээ та ганц бие эсвэл хараахан хүүхэдтэй болж амжаагүй бол дуртай амьтанаа яагаад тэжээж болохгүй гэж...
