1
Толгой өвдөх, анхаарал сулрах
Толгой өвдөх, анхаарал сулрах зэрэг шинж тэмдэг нь ихэнхдээ стресстэх, нойргүйдэх зэрэгтэй холбоотой байдаг. Гэхдээ мөн дархлаа сулрахад ийм шинж тэмдэг илэрч болно.
2
Батга, толбо, арьсны үрэвсэл
Арьсны асуудал нь гоо сайхны хувьд хамгийн хэцүү зүйлүүдийн нэг билээ. Нүүрэн дээр юм гарсан үед өөртөө итгэлгүй болж масктай явахаас өөр аргагүйд хүрдэг шүү дээ. Зүгээр нэг эм уугаад намдчихдаггүй тул заавал эмчид очихыг зөвлөж байна.
3
Харшил (астма)
Зарим тохиолдолд дархлаа суларснаас болж астматай болдог. Ер нь дархлаа сулрах нь бүх л өвчлөлийг үндэс болдог байна.
4
Ядрах
Дархлаа суларснаас хүний бие маш их ядарч сульддаг. Хэчнээн их унтсан ч, амарсан юм шиг санагдахгүй бие хүнд оргиод байдаг аж. Тиймээс эрч хүчтэй байхын тулд дархлаа сайжруулах нэмэлт бэлдмэл ууж, амин дэмтэй хоол хүнс идээрэй!
5
Булчин өвдөх , сулрах, хөшүүн болох
Мөн булчин хөндүүр болж, шатаар алхах, хүнд юм өргөх зэрэг биеийн хүчний ажлуудад булчин бага зэргийн өвдөлт өгч, хөндүүрлэдэг. Дархлаагаа сайжруулахгүй энэ мэтчилэн булчин хөндүүрлэсээр удвал биеэр юм туурах, ходоодны өвчлөл, үе мөчний хэрэх өвчтэй болох эрсдэлтэй байдаг.
6
Гэдэс дүүрэх, суулгах эсвэл өтгөн хатах
Хоол боловсруулах чадвар эрс буурдаг. Үүнээс үүдэн бүдүүн гэдэсний шархлаа, бамбай булчирхайн өвчлөлд хүргэж болзошгүй.
7
Жин нэмэх, хасах
Дархлаа муудсанаар бамбай булчирхайд нөлөөлдөг. Хүний бамбай нь бие махбодын бодисын солилцоог хянадаг байна. Энэ байдал алдагдсанаар хэт их гормон ялгарч хүний биеийн жин нэмэгдэх, эсвэл хасагддаг байна.
8
Гар салганах, шөрмөс татах
Энэ нь тийм ч чухал шинж тэмдэг биш ч долоо хоногт хэд хэдэн удаа илэрвэл ноцтой тул эмчид үзүүлээрэй. Мөн манайхан өвчнийг өөрөөрөө эмчлэх гэж оролддог буруу талтай. Энэ алдаагаа засч, аль болох мэргэжлийн хүнд үзүүлж хэвшээрэй!
9
Үс унах
Хэрэв бидний дархлаа суларвал хамгийн түрүүнд үсэнд нөлөөлж эхэлдэг байна. Эхлээд хуйх үрэвсэнэ. Дараа нь энэ нь үсэндээ нөлөөлж эцэст нь үс унадаг.
10
Бага зэрэг халуурах
Ямар нэгэн өөр шинж тэмдэг илрэлгүй зөвхөн халуурах үед бид ихэвчлэн үл тоодог. Гэтэл энэ нь хамгийн их анхаарах ёстой шинж тэмдгүүдийн нэг юм. Халуурах нь олон өвчний илрэх анхны шинж тэмдэг болдог байна. Дархлаа сулрахад мөн л хамгийн түрүүнд халуурдаг. Тиймээс хожим харамсахгүйн тулд эртхэн эмнэлэг бараадах нь зүйтэй юм.
