1
1991 он эхлэл
Бүх зүйл 1991 онд даруулсан энэ зургаас эхлэлтэй. Хосууд төрөөд сар ч хүрээгүй байгаа бяцхан хүүгийн хамт гар гараасаа хөтлөлцөн зогсжээ. Тэдний өмссөн хувцасыг ажиглавал нарлаг өдөр байсан бололтой. Цайвар цамц өмссөн хосуудыг харахад хүүхэдтэй болоход нэлээд настай харагдах аж.
2
1992 он
Жилийн дараа санамсаргүйгээр дахин авахуулсан гэрэл зураг хосуудад үүнийг жил бүр уламжлал болгох сэдлийг төрүүлсэн байна. Хүү хараахан ганцаараа зогсож чадахгүй байгаа тул хосууд хүүг хөтөлжээ. Харин аавынх нь үс өнгөрсөн жилийн мөн үеийнхээс арай л багассан харагдаж байгаа биз. Тэгээд ч хүүхэд өсгөнө гэдэг тийм ч санаснаар болчихдог зүйл биш шүү дээ.
3
1993 он
Мэдээж гэр бүлийн уламжлал бас нэгэн инээд хөөр аз жаргалтай зургаар үргэлжилжээ. Харин бяцхан хүү камерийн өмнө инээмсэглэхээ ч мэддэг болсон байна шүү.
4
1994 он
Бүсгүйн өмссөн хар толбон хээтэй өмд муугүй сонголт байсныг хэлэх нь зүйтэй болов уу. Камерийн өмнө догдлон зогсох ээж аавтай нь харьцуулбал хүүд энэ бүхэн тийм ч сонирхолтой биш байгаа бололтой.
5
1995 он
Аав, ээж, хүү 3 яагаад ийм хол хөндий зогсоно вэ? Тухайн жилд энэ гэр бүлд ямар нэг зүйл тохиолдсон юм болов уу? Эсвэл тэд зүгээр л хэвийн орон зайгаа илүүд үзэв үү? Эсвэл энэ зурагчны санаа байв уу? Олон асуулт энэ зурагт хариугүй үлджээ.
6
1996
Тэд өмнөх алдаанаасаа суралцаж энэ удаад урьд өмнөхөөсөө ч илүү дотно гарцгаажээ. Эхнэрээ тэврэн аз жаргалтайгаар инээмсэглэх нөхрийнхөө хайранд бүсгүй тун ч сэтгэл хангалуун харагдана. Бүсгүй ч үсээ будаж өөртөө анхаарал тавьсан нь сайны дохио ч юм билүү. Харин хүү нь ичингүйрэн инээмсэглэжээ
7
1997
Өмнөх зургаас хойш даруй нэг жил өнгөрсөн ч ээжийнх нь үсний өнгө цайрч хүү бага зэрэг жин нэмснээс өөр ямар нэг өөрчлөлт харагдсангүй. Харин аав нь урьдын л адил хэвээрээ.
8
1998 он
Жилийн өмнөхэй харьцуулахад хүүгийн өндөр мэдэгдэхүйц өсчээ. Харин энэ удаад тэд гуталгүй зураг авхуулах шийдвэрээ дахин гаргасан бололтой. Жил ирэх тусам багассаар байгаа нэг зүйл нь мэдээж аавынх нь үс.
9
1999 он
Өнгөрсөн жилийн зургаас өөрчлөгдсөн зүйлс олон байгааг бид харж байна. Аав нь шил зүүдэг болж, ээж нь үсээ богино засалтаар зассан байгаа бол хүү илүү биеэ даасан шинжтэй болсон байна.
10
2000 он
Тэдэнд дахин нэг аз жаргалтай үйл явдал тохиолдсон бололтой. Инээмсэглэл нь урьд урьдынхаас ч илүү тодорч харагдана. Хүүгийн өсч томорч байгаа нь бүр ч илүү мэдэгдэх болжээ.
11
2001 он
Харин энэ удаад хүү өөрийн шүтэн биширдэг хамтлагийн зурагтай цамцыг зураг авалтандаа өмсөхөөр шийджээ. Тэр бол хүүхэд залуусыг байлдан дагуулж байсан Лимп Бизкит хамтлаг юм. Харин ээж нь хүүгийнхээ хувцаслалтыг шоглосон янзтай инээмсэглэх агаад аав нь ч мөн инээдээ барьж ядаж байгааг тодорхой харж болно.
12
2002 он
Тэд яагаад инээмсэглээгүй юм бол? Зураг авалтын өмнө хүүгийн хувцасны сонголт эсвэл ээжийнх нь гуталны сонголт маргаан дагуулав уу?
13
2003 он
Энэ удаад тэд ядаж л хувцасны сонголтын маргаанаа зогсоож муугүй дүр төрхийг бүтээцгээжээ. Хүү ч халаасандаа гараа шургуулаагүй байгаа нь сайн хэрэг юм. Аав ээж хоёр нь биеийн жиндээ анхаарал тавьдаг гэдгээ харуулсаар л байна.
14
2004 он
Хамгийн ихээр өөрчлөгдөж байгаа хүн бол мэдээж хүү билээ. Одоо тэр ээжтэйгээ ижил өндөртэй болсон байна. Түүний өмссөн хэлхгэр өмд тухайн үед хамгийн их борлуулалттай байсан гэдгийг сануулах нь илүүц биз. Харин аав нь шилээ зүүхээ больсон бололтой.
15
2005 он
Харин энэ зурагт бид бяцхан хүү биш өсвөр насны хүүг харж байна. Одоо тэр бараг л аавтайгаа адил өндөртэй болж шүү. Хувцаслалтыг харин энэ удаад тэд хүүдээ даатгасан бололтой.
16
2006 он
2006 онд ч хэлхгэр өмд загварын тайзнаас буугаагүй л байжээ. Түүнчлэн 2000 оноос гэр бүлийн гишүүд гар гараасаа хөтлөлцөн зургаа авхуулаагүй байгааг та анзаарсан уу?
17
2007 он
Өсвөр насны хүү жүжигчин Зак Эфроны дэлгэрүүлээд байсан үсний засалтаар гоёсон байна. Энэ нь ч түүнд өөрийгөө насанд хүрсэн нэгэн мэтээр төсөөлөхөд хүргэсэн бололтой. Харин ээж нь энэ зурганд анх удаа шил зүүжээ.
18
2008 он
Хэр том болж хэд насалж хөгшрөхөөс үл хамааран эцэг эхүүд хүүхдээ хэзээд жаахан сахиусан тэнгэр хэвээр мэт санана. Эцэг эхийн хүүхдэдээ зориулах хайранд хязгаар гэж үгүй. Хүү аав ээжтэйгээ ижилхэн өндөртэй болсон хэдий ч яагаад чухам одоо болтол халаасандаа гараа хийсээр л байгаа юм бол?
19
2009 он
Хүү нь ааваасаа өндөр болжээ. Хүүхэд асарна гэдэг цэцэрлэгт хүрээлэнд хүүхдээ зугаацуулахаас ялгаатай шүү. Аав ээж хүүгээ өсгөхөд маш их анхаарсан бололтой. Зарим хүүхдүүд гэр бүлийн зураг авахуулахыг хүсээд байдаггүй. Харин энэ хүүгийн хувьд тэр асуудал биш бололтой.
20
2010 он
Зургаас харвал хүү үсээ цэвэрхэн засуулж, халааснаасаа гараа авч зохистой хувцаслажээ. Харин аав нь өмнөх зурагтай харьцуулбал бага зэрэг жин хаясан шинжтэй байна. Харин ээж нь урьдын л адил загварлаг хэвээр. Гэхдээ энэ бүх зургийг зөвхөн нэг зурагчин дардаг болов уу.
21
2011 он
Удаан хугацаанд компьютерийн ард сууж тоглосны дүнд хүүгийн хараа муудсан бололтой. Одоо тэр аав шигээ нүдний шил зүүдэг болчихож. Бид ер нь өмнө нь ээжийнх нь хувцаслалтын талаар дурдсан бил үү? Түүнд цэцэгтэй үсний хавчаар ирвэсний эрээн гутал нь гайхалтай зохижээ.
22
2012 он
Цаг хугацаа ямар хурдан өнгөрөх нь энэ вэ! Хорин жил өнгөрөхөд эцэг нь эх нь хөгширч харин хүү нь эрийн цээнд хүрч яг л аав ээжтэйгээ адилхан болж шүү. Харин одоо тэр эцэг эх нь түүнийг жаахан байхаас нь хэрхэн өсгөснийг нь харсан болохоор тэднийгээ асрах хэрэгтэй гэдгээ ойлгох цаг нь нэгэнт болсон бололтой.
