17
Анхны Тесла - 2008
Тесла Роадстер буюу "Харанхуйн Од" нэртэй хамгийн анхны цахилгаан үүсгэвэрээр ажилладаг энэхүү машиныг Тесла Моторс компани үйлдвэрлэжээ. Гэвч 2012 онд үйлдвэрлэлтээ зогсоосон бөгөөд 2020 он гэхэд шинэчилсэн загвараа дахин гаргана гэдгээ компаний зүгээс мэдэгдсэн билээ.
16
Шөнийн кафе - 1888
Дээрхи зураг нь Винсент Ван Гохын хамгийн анхны уран бүтээл бөгөөд энэхүү кафе нь Францын Арлес хотын Place du Forum гэх газар бодитоор байдаг ажээ. Түүхэнд хамгийн анхны шөнийн кафе хэмээн нэрлэгддэг.
15
Анхны хиймэл зүрх - 2015
АбиоКор бол хамгийн анхны хиймэл зүрх юм. Уг хиймэл эрхтэн нь дахин цэнэглэгдэх боломжтой бөгөөд 15 өвчтөнд туршиж үзсэн боловч тус бүтээгдэхүүнийг дахин үйлдвэрлэхээ больсон ажээ.
14
Анхны гар утас - 1973
Энэхүү төхөөрөмж нь 1кг-аас илүү жинтэй, 10 цагийн турш цэнэглэж байж хагас цагийн туршид л цэнэгээ барьдаг байна. Мартин Күүпэр энэхүү гар утсыг хамгийн анх зохион бүтээж дуусаад өрсөлдөгч компани руугаа залган, би өөрийнхөө гар утсаар ярьж байна гэж хэлсэн байдаг.
13
Анхны селфи зураг - 1839
Роберт Корнелиус нь Луис Дагуэрийн технологийг хөгжүүлснийхээ үр дүнд уг зургийг авсан байдаг. Энэ нь хамгийн анхны селфи зураг төдийгүй хамгийн анхны хүн гэж мэдэгдэхээр гарсан зураг юм.
12
Анхны өнгөтэй зураг - 1861
Түүхэн дэх хамгийн анхны өнгөтэй зургийг Жеймс Максвел 3 өнгө бүхий технологийнхоо туршилтийн үеэр авсан байдаг. Энэхүү зурганд дөрвөлжин хээтэй даавуугаар хийсэн тууз гарчээ.
11
Цахилгаан цахиж буй анхны зураг - 1882
Байгалийн содон үзэгдэл болох цахилгаан цахиж байгаа зургийг хамгийн анх Виллиам Женнингс хальснаа буулгасан байна. Түүний гол зорилго нь цахилгаан үнэхээр далий цахидаг эсэхийг мэдэх байжээ.
10
Анхны машин - 1896
Хэнри Фордын граждаа зохион бүтээсэн хамгийн анхны машин нь "Ford Quadricycle" байсан бөгөөд газолинаар ажиллаж, унадаг дугуйны 4 дугуйн дээр явдаг байсан байна. Энэхүү амжилтынхаа дараа тэрээр 1903 онд "Форд Мотор" компаниа байгуулсан түүхтэй.
9
Анние Эдсон Тэйлор - 1901
Энэхүү эмэгтэй нь мөнгө олохын тулд адал явдал эрэлхийлэгч нэгэн болсон юм. Түүний гол зорилго нь модон торхон дотор ороод Ниагара Фаллс хүрхрээн дундуур гарах байсан бөгөөд 63 настай тэрээр ийм зүйл хийх хамгийн анхны хүн болсон.
8
Анхны Рокфеллер төвийн зул сарын мод - 1931
1931 онд Манхаттан дахь Рокфеллер төвийн гаднах зул сарын модыг лааз, тоглоом, цангис жимс зэргийг ашиглан чимэглэсэн байна. 1933 оноос хойш энэ нь уламжлал болж, жил бүрийн 12 сарын эхээр модоо засаж, чимэглэх болсон билээ.
7
Салли Халтермэн - 1937
Энэ бол Вашингтон дахь хамгийн анхны мотоцикл унах эрхийн үнэмлэх авсан эмэгтэйн зураг юм. Түүнийг үнэмлэх авахад хэтэрхий залуу байна гэж үзсэн ч Салли шалгалтыг хэд хэдэн удаа амжилттай давж, өөрийнхөө эрхийн төлөө тэмцсээр, эцэст нь үнэмлэхээ авч чаджээ.
6
Лас Вегас дахь анхны неон хаяг - 1941
Уг хаяг нь "Гэрлийн хот" гэж нэрлэгддэг Лас Вегас дахь хамгийн анхны гэрэлтдэг неон хаяг бөгөөд "El Rancho" нэртэй казиногийн дээвэр дээр суурилуулсан ажээ. .
5
Нийтэд танилцуулсан анхны усны хувцас - 1946
Усны хувцасны шинэ загварыг "Bikini Atoll" буюу АНУ-ын цөмийн зэвсэг туршсан арлын нэрээр нэрлэсэн байдаг. Энэхүү бикини хувцасны загварыг Парисаас гаралтай загвар зохион бүтээгч Луис Реард гаргаж, 1946 оны 6 сарын 5-нд "Casino de Paris"-ийн бүжигчин Мишелинь Бернардини өмсөж олон нийтэд танилцуулж байсан түүхтэй.
4
Анхны МакДоналдс-ийн салбар - 1948
Сан Бернардинод байрлах тус хоолны газар анх Ричард, Маурис Макдоналд нар ил гал дээр шарсан хоолоор үйлчилдэг байгаад хаагдсан ч дахин нээгдэхдээ менюгээ шинэчилж шарсан төмс, жүржийн шүүс, хамбургер, Кока Кола зэргээр үйлчилдэг болжээ. Харин одоо та энд очвол хоолны газраас гадна музей, бэлэг дурсгалын дэлгүүрт ч мөн зочлох боломжтой.
3
Анхны робот - 1957
2.5 метрийн өндөртэй энэхүү роботын нэр "Cygan" бөгөөд түүнийг "Олон төрлийн чадамжтай робот" хэмээн сурталчилж байв. Түүнийг хортой болон дэлбэрэх бодис туршиж үзэхэд туслуулах болон гэртээ үйлчлэгч маягаар ажиллуулах боломжтой хэмээн заавар дээр нь дурдсан байдаг.
2
Спутник 1 - 1957
Зөвлөлт Холбоот улсаас хамгийн анхны хиймэл дагуулыг хөөргөж байна.
1
Анхны "Apple" компьютер - 1976
Стив Возниакын зохион бүтээсэн хамгийн анхны компьютерийг Стив Жобс олон нийтэд танилцуулжээ. Гэвч үүнийг нь ганцхан хүн худалдаж авсан нь Фаул Террел байсан юм. Дараагийн өдөр нь Террелийн компьютерийн дэлгүүр болох "The Byte Shop"-д Жобс хөл нүцгэн ирж, "Apple" компанийн түүхэн дэх хамгийн анхны хэлэлцээрийг байгуулсан ажээ.
