Тус зуушны 100 граммд ердөө 83 ккал илчлэг агуулагддаг тул та жин нэмэхвий хэмээн санаагаа чилээх хэрэггүй. Мөн зөөлөн, амт чанар сайтай тул бага насны хүүхдээс эхлээд, настан буурлууд түүнчлэн жингээ барьж байгаа эзэгтэй нарт таалагдах нь лавтай. 

Орц:
Цэцэгт байцаа - 300 гр
Тахианы цээж мах - 300 гр
Сүү 1% - 200 мл
Бяслаг - 100 гр
Сонгино - 1 хэсэг
Давс, перец - амталгаагаар

Хийх арга: 

• Ус буцалгаж, дээр нь 1 цайны халбага давс хийнэ.
• Харин дараа нь, тахианы цээж махаа хийж, сайтар чанаж болгоорой!
• Тахианы махыг болгож байх зуур, цэцэгт байцаагаа жижиглэн хэрчинэ.
• Харин дараа нь буцалц буй халуун усанд цэцэгт байцаагаа хийж, 5-7 минут буцалгаж дутуу болно.
• Үүний дараа бяслагаа үрэгчинд үрж нунтаглаад, сүүн дээрээ хийж, дээр нь давс, перецээ хийж өгнө.
• Цэцэгт байцаа болон тахианы мах болсны дараа хооронд нь сайтар хольж, дундаж хэмжээтэй саванд хийнэ.
• Савандаа хийсний дараа, дээр нь сүүтэй зуурмагаа жигд асгаж өгөөрэй. Ингээд цельсийн 180 С хэмд 20 минутын турш жигнэх хэрэгтэй.
• Ингэснээр тахианы мах зөөлөн, амтлаг болдог. 

Та бүхэн сайхан хооллоорой!