1 Хүйтэн жин тавих

Та нүүрний улайлтыг арилгахын тулд хүйтэн жин тавьж болно. 

• Мөснүүдийг уутанд хийж, нимгэн алчууранд бооно.
• Үүнийгээ нүүрэн дээрээ тавьж, 1 минут байлгаарай.
• Дараа нь 10 минут нүүрээ амрааж, ахин хүйтэн жин тавина.

Анхааруулга: Мөсийг шууд нүүрэн дээрээ тавьж болохгүй. Энэ нь арьсыг гэмтээх аюултай. 

2 Зуун наст

Нүүрний улааныг арилгахад зуун наст нь онцгой тустай. Үрэвслийн эсрэг үйлчилгээтэй зуун наст нь арьсыг чийгшүүлж, төрөл бүрийн харшлыг намдаах аж.

• Зуун настын зүсч, гелийг нь гаргаж авна.
• Үүнийгээ улайлттай хэсэгтээ түрхэж, хатаана.
• Нүүрээ бүлээн усаар угааж, зөөлөн алчуураар арчаарай.
• Өдөрт хэд хэдэн удаа давтаж хэрэглээрэй.

3 Овъёос

2007 онд хийгдсэн нэгэн судалгаагаар овъёос нь арьсыг чийгшүүлж, үрэвслийг намдаах үйлчилгээтэй болохыг тогтоосон байдаг.

• 2-3 халбага овъёосыг нунтаг болгож, устай зуурч бэлтгэнэ.
• Үүнийг нүүрэндээ түрхэж, 15-20 минутын дараа бүлээн усаар угаагаарай.
• Нүүрний тань улаан алга болох хүртэл тус аргыг хэрэглэнэ.

4 Өргөст хэмх

Өргөст хэмх нь үрэвссэн арьсыг тайвшруулж, улайлтыг арилгана.

• Өргөст хэмхээ нарийн хэрчинэ.
• Үүнийгээ хөргөгчинд 20 минут байлгана.
• Тус өргөст хэмхээ улайлттай хэсэгтээ тавьж, 1 минут байлгаад аваарай.
• Дараа нь ахин өөр өргөст хэмхийг асуудалтай хэсэгтээ сольж тавьна.
• 15-20 минут нүүрэндээ өргөст хэмхээр жин тавиарай.
• Өдөрт 2-3 удаа давтаж хийнэ.

5 Ногоон цай

Ногоон цайны тусламжтайгаар нүүрний улайлтыг хялбар алга болгох боломжтой. 

• Нэг аяга ногоон цай бэлтгэж, үүнийгээ хөргөгчинд 30 минут байлгаарай.
• Цайндаа даавуу дүрнэ.
• Нойтон даавуугаа нүүрэн дээрээ тавьж 5 минут байлгах хэрэгтэй.
• Тус аргыг өдөрт 2-3 удаа хэрэглэснээр, үр дүнг мэдрэх болно. 

6 Гамамелион цэцэг

Гамамелион (witch hazel) нь арьсны доорх судсыг хянадаг бөгөөд энэ нь нүүрний улайлтыг бууруулахад тусладаг.

• Тус ургамлын шингэн бэлдмэлээс хөвөнд шингээж авна.
• Хөвөнгөөрөө асуудалтай хэсгээ 5 минут орчим арчих хэрэгтэй.
• 5 өдрийн турш энэхүү аргыг хэрэглэх бөгөөд өдөрт 2-3 удаа давтаж түрхэнэ. 

7 Зөгийн бал

Антиоксидантаар баялаг зөгийн бал нь үрэвслийн эсрэг шинж чанартай билээ. Энэ нь батга болон үрэвслээс үүдэлтэй нүүр улайлтыг эмчлэх аж. 

• Зөгийн балнаас багахан хэмжээтэйг авч нүүрэндээ түрхэнэ.
• 15-20 минутын дараа нүүрээ бүлээн усаар угаана.
• Дараа нь нүүрэндээ бага зэрэг чийгшүүлэгч түрхэх хэрэгтэй.
• Өдөрт нэг удаа энэхүү аргыг хэрэглэхэд хангалттай. 

8 Алимны цуу

Хэрвээ таны арьс үрэвсэл, харшил зэргээс үүдэж, улайсан бол алимны цууг хэрэглэж болох юм. 

• Ижил хэмжээтэй ус болон алимны цууг холиорой. Үүнийгээ хөвөнд шингээж, улайсан хэсгээ арчина. 10 минутын дараа нүүрээ бүлээн усаар угаана. Өдөрт нэг удаа хэрэглээрэй.
• 2 халбага алимны цуу, 1 зөгийн балыг 1 аяга усанд хийж хутгана. Өдөрт 2 удаа тус амталсан усыг ууж, арьсны улайлтыг эмчлэх боломжтой. 

9 Кокосын тос

Хуурайшилтаас үүдэлтэй нүүр улайлтыг арилгахад кокосын тос тохиромжтой. 

• Кокосын тосыг хөвөнд шингээж, асуудалтай хэсгээ арчаарай. Өглөө нь нүүрээ бүлээн усаар угаана. 5 долоо хоногийн турш, өдөр бүр энэхүү аргыг хэрэглэж, арьсаа чийгшүүлэн эмчлээрэй.
• 2-3 дусал цайны модны тос, 1 халбага кокосын тосыг хольж, нүүрэндээ түрхэнэ. 15-20 минутын дараа нүүрээ бүлээн усаар угаагаарай. Өдөрт 2-3 удаа энэхүү аргыг хэрэглэнэ. 

10 Аспирин

Та аспиринийг ашиглаж, арьсны улайлтаа эмчлээрэй.

• 1-2 ширхэг аспиринийг нухаж бэлтгэнэ.
• Үүнийгээ бага зэрэг устай хольж зуураарай.
• Зуурмагаа улайлттай хэсэгтээ түрхэнэ.
• 10 минутын дараа бүлээн усаар нүүрээ угаана.
• Өдөрт 2 удаа давтан хэрэглээрэй. 

Нэмэлт зөвлөмж

• Арьсандаа үл тохирох саван хэрэглэхгүй байх
• Шинээр арьс арчилгааны бүтээгдэхүүн худалдаж авахдаа орцыг нь ажиглаж, таны арьсанд харшил өгөх эсэхийг хараарай.
• Нүүрээ угаасны дараа үргэлж чийгшүүлэгч түрхэж байх хэрэгтэй.
• Орой бүр унтахынхаа өмнө нүүрний будгаа арилгаарай.
• Нүүрэндээ бохир гараараа хүрч болохгүй.
• Наранд гарахдаа нарны тос түрхэж, арьсаа хамгаалах хэрэгтэй.
• Стресс бухимдлаас хол байх нь арьсны улайлтыг дарахад тусладаг.
• Шингэний дутагдалд орохоос сэргийлж, их хэмжээний ус ууж байгаарай.
• Лууван, алим, цоохор майлз, өргөст хэмх, тоор, бууцай, брокколи зэргийг хоол хүнсэндээ тогтмол хэрэглэх шаардлагатай.
• Халуун ногоотой хоол, согтууруулах ундаа, кафейн зэргээс татгалзаарай.
• Хэрвээ арьсны улайлт арилахгүй, амьсгалахад хүндрэлтэй болж, нүүр хавагнах шинж тэмдэг илэрвэл, яаралтай эмчид хандаарай.