1
Жингээ эрчимтэй хаяна
Хэрвээ та жингээ хасч, гоолиг сайхан биетэй болохыг хүсч байгаа бол эргэлзэх зүйлгүй "кокосын ус"-ийг уугаарай. Энэ нь калори багатай төдийгүй уусны дараа цатгалан мэдрэмж төрүүлж, өлсөхийг бууруулна. Та хоол идэхээс өмнө 1 стакан кокосын ус ууснаар, харьцангуй бага хоол идэж, таргалахаас сэргийлж чадна.
2
Арьсанд чийгшил өгнө
Кокосын ус нь биен дэх шингэний хэмжээг тэнцвэржүүлж, энергийг тэнцүү хувиарладаг байна. Тиймдээ ч таны арьсыг чийгшүүлж, гэрэлтсэн толигор болгох аж.
3
Хоол боловсруулах системийг дэмжинэ
Кокосын усанд эслэг ихээр агуулагддаг бөгөөд энэ нь гэдэсний халдвараас урьдчилан сэргийлэх тустай аж. "Дэлхийн Эрүүл Мэндийн Байгууллага"-аас хүүхдийн суулгалтыг эмчлэхийн тулд кокосын усыг уулгах хэрэгтэй гэж зөвлөсөн байдаг.
4
Даралтыг тогтворжуулна
Судалгаанаас үзэхэд, кокосын ус ууснаар систолын даралтыг 71%-иар, диастолын даралтыг 29%-иар бууруулдаг болохыг тогтоожээ.
5
Арьсыг гэрэлтсэн болгоно
Антиоксидантаар баялаг кокосын ус нь биеэс хорт бодисыг гадагшлуулах төдийгүй биед шим тэжээлийг хуримтлуулдаг. Та энэхүү усыг ууж хэрэглэхээс гадна нүүрэндээ түрхэж болох бөгөөд энэ нь арьсыг толигор, гэрэлтсэн болгож, элдэв батга, үрэвслийг эмчилдэг аж.
6
Стресс бухимдлаас ангижирна
Олон төрлийн витаминаар баялаг кокосын ус нь стресс бухимдлыг дарж, сэтгэл санааг тогтворжуулдаг. Мөн тус усанд агуулагдах магни нь биеийн сератонин дааврыг нэмэгдүүлж, танд баяр хөөрийг бэлэглэх болно.
7
Шарталтыг эмчилнэ
Хэрвээ та хэтрүүлэн наргиснаас болж, гүн шарталтанд орсон бол танд кокосын ус тус болох аж. Энэ нь олон төрлийн витамин, амин дэмээр баялаг тул биеийг сэргээж, өвдөлтийг намдаана. Кокосын усны 95 хувь нь цэвэр ус байдаг бөгөөд үүнийг ууснаар бие дэх усны баланс тэнцвэрждэг байна.
8
Хөгшрөлтийг удаашруулна
"Кокосын ус" нь бидний эрүүл мэндэд гайхамшигтай сайн нөлөө үзүүлдэг ургамлын даавар болох цитокининий байгалийн эх үүсвэр юм. Тус даавар нь хөгшрөлтийн эсрэг үр нөлөөг үзүүлдэг төдийгүй хорт хавдар, тромбоз зэрэг өвчний эрсдлийг бууруулдаг.
Та "кокосын ус"-ийг томоохон сүлжээ дэлгүүрүүдээс худалдан авах боломжтой.
