1 Цагаан цамц

Таны хувцасны шүүгээнд байх ёстой хувцаснуудын нэг бол яах аргагүй цагаан сорочкон цамц юм. Учир нь цагаан цамц ажил хэрэгч хувцаслалт, болзоонд явах гэх мэт бүхий л үед, ямар ч хувцсан дээр зохицдог универсаль хувцас билээ.

2 Цагаан футболк

Цагаан футболк нь мөн адил ямар ч хувцсан дээр зохицдог, дангаар нь ч, хувцасны дотуур өмсөхөд ч эвтэйхэн билээ. Ялангуяа жийнсэн өмд, мөрөвчтэй өмд, сарафан болон банзал дээр өмсөхөд тохиромжтой.

3 Хоолойтой, ноосон цамц

Хоолойтой цамц бол хамгийн энгийн мөртлөө загварлаг хувцаснуудын нэг юм. Үүнийг жийнсэн өмд, дунд зэргийн урттай банзал, бүр даашинзан дээр өмссөн ч сайхан харагдах болно.

4 Бариу, дунд зэргийн урт банзал

Бариун банзал дээр цагаан сорочкан цамц өмсөөд албаны, эсвэл гоёлын цамц өмсөөд болзоонд явахдаа өмссөн ч тохиромжтой. Иймэрхүү банзал нь таныг хаана ч сайхан биетэй, эмэгтэйлэг харагдуулж чадна.

5 Жинсэн өмд

Эмэгтэй хүний хувцасны шүүгээд жийнсэн өмдгүйгээр төсөөлөхөд бэрх билээ. Биеийнхээ галбирт тохирсон, сайн чанарын, өнгө загвар сайтай жинсэн өмдийг хаана ч өмсөх боломжтой юм.

6 Даавуун өмд

Та даавуун өмдийг зөвхөн ажил хэрэгч хувцас гэдэг талаас нь хардаг бол эндүүрчээ. Даавуун өмдийг цамц, гуталтайгаа зохицуулаад өмсөхөд хаана ч таныг эвгүй байдалд оруулахгүй. Харин ч илүү эмэгтэйлэг харагдуулах болно.

7 Классик гутал

Классик өнгөтэй, өндөр өсгийт нь ямар ч хувсан дээр сайхан зохицдог төдийгүй эмэгтэй хүний бэлхүүс, өгзгийг илүү сайхан харагдуулдаг. Тиймээс бүсгүй хүн бүрт заавал байх ёстой гутал юм.

8 Хар даашинз

“Сайхан загвартай даашинз ямар ч эмэгтэйг сайхан харагдуулдаг.” Коко Шанель.
Түүний хэлсэнчлэн даашинз зохидоггүй эмэгтэй хүн гэж байхгүй. Ялангуяа хар даашинз бол ямар ч үед өмсөж болох универсаль хувцаснуудын тэргүүн эгнээнд жагсдаг юм.

9 Хар савхин хүрэм

Савхин эдлэл хүнийг илүү өөртөө итгэлтэй, чөлөөтэй харагдуулдаг. Хар савхин хүрмийг өмд, даашинз гээд ер нь юутай ч хослуулж өмсөх боломжтой.

10 Цув

Цувыг ихэвчлэн хавар, намрын улиралд өмсөхөд тохиромжтой бөгөөд бүсгүй хүнийг илүү загварлаг харагдуулдаг. Цув нь мөн л даашинз, өмд гээд юутай ч зохицдог.

11 Углааш

Хөл өвдсөн, илүү биед эвтэйхэн хувцас өмсмөөр санагдсан үед углааш хамгийн сайхан сонголт байх болно.

12 Түрийтэй гутал

Өсгийтэй болон өсгийгүй түрийтэй гутлыг чөлөөт болон ажил хэрэгч хувцаслалтын алинд нь зохицуулж өмсөж болно. Харин та өмд, эсвэл даашинзаа зөв тохируулж өмсөхөө мартуузай.

13 Гар цүнх

Гар цүнхгүй эмэгтэй хүн гэж бараг байхгүй бизээ. Гар цүнх бол эд зүйлсийг агуулах савнаас гадна хувцаслалтыг чимж өгөх деталиудын нэг юм шүү.

14 Нарны шил

Нүүрний хэлбэрт тохирсон хар өнгийн нарны шил нь нүдийг хамгаалаад зогсохгүй загварлаг харагдах энгийн аргуудын нэг юм.

15 Бугуйн цаг

Сайхан өнгө, загвартай цаг нь таныг утаснаасаа цагаа хардаг зуршлаас салгах төдийгүй хувцаслалтыг тань чимж өгөх болно.