1 Дүр төрхөө малгайгаар чимээрэй!

Дэгжин, загварлаг малгай нь таныг нарны хурц туяанаас хамгаалаад зогсохгүй нүүрээ хөнгөн будсан, үсээ янзалж амжаагүй үед тун тохиромжтой шийдэл байх болно.

2 Бэлхүүсээ хэт барих хэрэггүй

Франц бүсгүйчүүд хамаг бие барьсан хувцаснаас илүүтэй, сул загвартайг нь илүүд үздэг. Нимгэн, замбараагүй, сул загвартай хувцсыг тохируулан өмссөнөөр илүү энгийн, загварлаг харагдах юм.

3 Хөндлөн судалтай цамц

Энэ бол Франц бүсгүйчүүд шиг харагдах хамгийн энгийн арга юм. Ялангуяа сүүлийн үед эмэгтэйчүүд хөх, цагаан хөндлөн судалтай даавуун цамцыг өргөнөөр өмсөх болсон шүү дээ.

4 Пүүз, кетнээс аль болох татгалз

Та дугуй унаж явах байлаа ч гэсэн эмэгтэйлэг төрхөө хадгалахын тулд үдээсгүй, загварлаг кет, эсвэл сандаал өмсөж болох юм. Үдээсгүй кет болон сандаал нь чөлөөтэй хувцаслалтанд ч, үдшийн болзооны үеэр ч таныг эвгүй байдалд оруулахгүй. Түүнчлэн өндөр өсгийт өмсөхөөр бол, нэгэн хэвийн бус, илүү өвөрмөц, өнгөлөг загвартайгаас нь сонгоорой! Энэ нь таныг гал цогтой, басхүү халуухан харагдуулж чадна.

5 Сул өмд өмсөх

Францад тирко шиг өмд өмссөн эмэгтэй тун ховор байдаг. Илүү загварлаг, эмэгтэйлэг хэв маягтай цамц, футболкны доор эрэгтэй хүнийх шиг өргөн сул өмд өмсөөд, доогуур нь углааш, кет, өндөр өсгийт, алийг нь ч өмссөн та жирийн үеийнхээсээ илүү донжтой харагдах болно.

6 Найз залуугийнхаа хувцасны шүүгээг ч бас хараарай!

Загварлаг харагдах хамгийн хялбар бөгөөд хямд төсөр арга нь найз залуугийнхаа цагаан цамцны ханцуйг нь нугалж, товчийг нь бага зэрэг дутуу товчилж өмсөх юм. Энэ цамц нь цайвар өнгийн жийнсэн өмд, шортон дээр гайхалтай зохицох болно. Харин илүү этгээд, өвөрмөц харагдахыг хүсч байвал даавуун цамцаа индүүдэхгүй байсан ч болно.

7 Арзайсан үс

Үс чинь бага зэрэг долгиолж, сэгсийсэн байвал тэр чигт нь орхих хэрэгтэй. Ялимгүй сэгсийсэн үс нь илүү өвөрмөц харагдана.

Эмэгтэй хүн өөрийнхөө гоо үзэсгэлэнг тодотгохын тулд заавал гялтганасан, биеэ барьсан хувцас өмсөх шаардлагагүй, харин өөрийнхөөрөө байхад л хангалттай.