1
Шар өнгөтэй, чийгтэй, наалдамхай
Насанд хүрсэн хүмүүст ихэнхдээ иймэрхүү хулхи байдаг. Нойтон бөгөөд наалдамхай байх нь, чих загатнах мэдрэмж төрүүлнэ.
2
Саарал
Саарал өнгийн хулхи нь, хачин харагдах хэдий ч та санаа зовох хэрэггүй. Чих нь өөрийгөө цэвэрлэх үедээ саарал хулхийг ялгаруулдаг. Гэхдээ саарал хулхи нь хуурай, хэврэг, мөн таны чихийг загатнуулж байвал энэ нь экзем буюу толбот үлд өвчний шинж тэмдэг байж болно. Хэрвээ саарал хулхи нь эдгээр шинжтэй байвал та эмчид хандаарай.
3
Цайвар шаргал
Хүүхдийн хулхи ихэвчлэн ийм өнгөтэй байдаг. Хүүхдийн чих том хүнийхээс илүү хулхи ялгаруулдаг бөгөөд том болох тусам хэмжээ нь багасч, бараан өнгөтэй болдог байна.
4
Наалдамхай, бараан өнгөтэй
Хулхи нь жирийн үеийнхээс илүү бараан өнгөтэй байвал, та маш их хөлөрдөг гэсэн үг юм. Бараан бол хүхрийн өнгө бөгөөд энэ нь таны биеэс хулмас гэх мэт элдэв үнэр гарах магадлал өндөр байгааг илтгэнэ.
5
Бараан, зузаан байх
Айдас түгшүүртэй болон сэтгэлийн дарамттай байх үед бидний чихнээс жирийн үеийнхээс илүү хулхи ялгардаг. Мөн зузаан хулхи ихээр хуримтлагдах нь сонсголын асуудал үүсгэж болох талтай. Иймд чихнээс тань зузаан хулхи гарч байвал стресээс ангижирч, өөрийгөө тайван байлгахыг зөвлөж байна.
6
Хуурай, цагаан өнгөтэй
Цагаан хулхи гарах нь хамгийн сайн бөгөөд таны бие эрүүл буйн шинж тэмдэг юм.
7
Тод бор эсвэл хар өнгөтэй
Бараан, хар өнгийн хулхи нь эвгүй харагдаж байж болох ч та санаагаа зовоох хэрэггүй. Энэ нь бага зэрэг ядарснаас болж, эсвэл чихээ цэвэрлэхгүй удах үед хулхи нь исэлд орж бараан өнгөтэй болдог байна.
8
Шингэн байвал
Хулхи нь удах тусам таны чихнээс урсаж гардаг бөгөөд энэ нь таны чих өөрийгөө цэвэрлэж байгаа хэвийн үзэгдэл юм. Гэхдээ их хэмжээгээр гоожих, ялангуяа цустай гоожиж байвал, чихний хэнгэрэг гэмтсэн байх магадлалтай юм. Энэ тохиолдолд яаралтай эмчийн зөвлөгөөг авах хэрэгтэй.
9
Цустай хулхи
Мөн л удсан хулхи нь цустай гарч ирж болно. Гэхдээ чихний элдэв өвчин үүссэн байх магадлалтай тул яаралтай арга хэмжээ аваарай.
Дурдсанчлан хулхи нь олон янзын өнгөтэй байдаг бөгөөд ихэнх өнгөнүүд нь таныг эрүүл байгааг илэрхийлж байна. Дараагийн удаа та чихээ цэвэрлэхдээ хулхиа шинжиж үзээд чихэнд тань ямар асуудал тулгарсныг мэдээрэй.
