1
Ходоодны шарх гэж юу вэ?
Ходоодны шарх нь их хэмжээний өвдөлт мэдрэгддэг, ходоодны дотор хэсэг эсвэл гэдсэнд үүсдэг өвчлөл юм. Ходоодны шарх нь хоол боловсруулах эрхтнийг хамгийн ихээр гэмтээдэг гэж ойлгож болно. Ходоодны хананд байрлах салстууд нь хоол боловсруулах үед ялгарах хүчиллэг шүүснээс ходоодыг хамгаалах үүрэгтэй байдаг. Ингэж чадахгүй болох үед хүчил ходоодонд шарх үүсгэдэг байна.
Уг өвчин нь амар хялбар аргаар эмчлэгдэж болох хэдий ч, тохирох эмчилгээг хийлгэлгүй даамжруулбал, хүндрэх аюултай байдаг.
2
Юунаас болж ходоод шархалдаг вэ?
Ходоодны шарх нь дараах хүчин зүйлүүдээс болж үүсдэг байна. Үүнд:
- Бактерын гаралтай үрэвсэл /Хеликобактер/
- Аспирин, ибупрофен зэрэг антибиотикын хэт их хэрэглээ
- Ходоодны хүчил ихсэх, амьдралын буруу хэв маяг /стресстэх, тамхи татах/
- Астмын эсрэг үйлчилгээтэй "стеройд" хэрэглэх
- Кальцийн дутагдалд орох
- Удамших
- Нас ахих /50-аас дээш нас/
- Согтууруулах ундааны хэт их хэрэглээ
3
Илрэх шинж тэмдгүүд
Ходоод шархлах үед хэд хэдэн шинж тэмдгүүд илэрдэг. Цээж болон хэвлий хэсгээр халуу шатаж буй мэдрэмж төрдөг. Өвчний зовиур хэдэн минут эсвэл цөөн хэдэн цаг үргэлжилнэ.
Шинж тэмдгүүд:
- Ходоод өвдөх
- Жин хасах
- Өвчний зовиураас болж, хоолны дуршил буурах
- Хий огих эсвэл бөөлжих
- Хэвлий хийгээр дүүрэх
- Ходоодонд хүчил хэт их ялгарах
- Юм идэхэд бие организм таагүй хүлээж авах
Хэрэв танд эдгээр шинж тэмдгүүд илэрсэн бол, яаралтай мэргэжлийн эмчид хандаж, тохирох эмчилгээг цаг алдалгүй хийлгүүлээрэй гэж хүсье!
