Бүтэн сар гарахын ач тус

Олон эрдэмтэн судлаачид сарыг бурхадтай холбож тайлбарладаг бөгөөд зарим шашины зан үйлд сар нь дэлхий ертөнцтэй холбогдож, хүмүүст баяр баясал бэлэглэдэг хэмээн үздэг байна. Үүний илрэл нь бүтэн сар гарах явдал бөгөөд энэ үед хүмүүст тулгарч буй асуудлууд шийдэгдэж, аз жаргалыг мэдрэх боломжтой болдог байна. 

1 Цэвэрлэгээ хийх

Хүн бүр өөрийн гэр орондоо хамгийн их цагийг өнгөрүүлдэг. Тэгвэл бүтэн сар гарахаас өмнө амжиж хийх ёстой зүйлсийн нэг бол гэрээ цэвэрлэж, тоос шорооноосоо салах явдал юм. Бүтэн жилийн турш хэрэглэж, хуучирч элэгдсэн болон хугацаа нь дууссан эд зүйлсийг ямар нэгэн юм бодож саналгүйгээр гаргаж хаяарай гэж зөвлөе. Мөн хана, цонхыг заавал угааж цэвэрлэх хэрэгтэй бөгөөд энэ нь гэрт шингэсэн муу, сөрөг энергийг үлдэн хөөж байгаа хэрэг юм. 

2 Хуучин ил захидал болон зургийг устгах

Зурганд гарсан хүн, амьтан эсвэл газар нь өөртөө энергийг шингээсэн байдаг. Хэрэв та нас барсан болон таны амьдралаас алга болсон хүний зураг, одоо байхгүй болсон газрын зургийг хадгалдаг бол, энэ нь буруу ажээ. Учир нь эдгээр зүйлс нь таны амьдралд муу зүйлсийг авчирдаг. Үүнд мөн хэн нэгний танд зориулан илгээсэн хуучин захидал ч гэсэн, хамаатай болохыг анхаарна уу.

3 Хоолны дэглэмээ өөрчлөх

Бүтэн сар гарахаас өмнө хоолны дэглэмээ өөрчилж, жин хасах эсвэл эрүүл мэнддээ анхаарах хэрэгтэй. Тос ихтэй, шорвог, утсан хоол хүнс болон амттанаас татгалзахад гэмгүй. Эрүүл, зөв хооллолтыг бүтэн сар гарахаас өмнө амьдралдаа хэвшил болгосноор та ирээдүйд жингээ хасч, хүссэн хэмжээгээр турахад тань илүү амар байх болно. 

4 Шаардлагагүй харилцааг дуусгавар болгох

Таны эргэн тойрон дахь хүмүүстэй холбоотой, цаашид үргэлжлүүлэх ямар ч шаардлагагүй болсон харилцааг бүтэн сар гарахаас өмнө эцэслэж, цэг тавиарай. Бүтэн сар гарахаас өмнө сэтгэл санаагаа өөдрөг байлгаж, бүгдийг гэрэл гэгээлгээр харах нь таны ирээдүйг сайхан зүйлсээр дүүргэх юм. 

5 Өр, зээлээ буцааж төлөх

Бүтэн сар гарахын өмнө хэн нэгэнд өр, зээлтэй байж хэрхэвч болохгүй. Учир нь бүтэн сар гарах үед гараг ертөнцийн нөлөөллөөр сар мөнгийг урин дууддаг байна. Иймд та хэрэв өр, зээлтэй байх аваас тухайн сардаа ашиг орлого муутай байхыг үгүйсгэхгүй ажээ. 

6 Гэртээ шинэ цэцэг тавих

Гэртээ цэцэг тавих эсвэл тарьж ургуулах нь маш чухал ач холбогдолтой зүйл юм. Цэцэг нь гэр дэх сөрөг, муу энергийг үлдэн хөөдөг. Харин үхсэн эсвэл хиймэл цэцгийг гэртээ байлгаж болохгүй бөгөөд бүтэн сар гарахаас өмнө гэртээ амьд, шинэ цэцэг тавиарай гэж зөвлөе. 

7 Муу, сөрөг бодлуудаа хаях

Таны амьдралд магадгүй онцгүй ямар нэгэн үйл явдал болсон байж мэдэх юм. Тэгвэл та бүтэн сар гарахаас өмнө уг зүйлтэй холбоотой сөрөг бодлуудаа мартаж, бодлоо цэгцлээрэй. Ингэснээр бүтэн сарын нөлөөгөөр таны сэтгэл санаа эргээд өөдрөг, амар амгалан болох учиртай.

Бүтэн сар гарах үед юу хийж болохгүй вэ?

Бүтэн сар гарахаас өмнө хийх ёстой зүйлсийг танд бид дуулгасан. Тэгвэл бүтэн сар гарах үед хийж болохгүй зүйлсийг мөн хүргэе. Бүтэн сарын нөлөөгөөр ордуудын зан байдал хувьсан өөрчлөгддөг. Жишээ нь, матар харьцангуй тайван, амар амгалан болж, загас хэт их мөрөөдөж, хилэнцүүдийн зан, төлөв байдалд өөрчлөлт ордог. Иймд өөрт гарах өөрчлөлтийг эергээр хүлээж авч, асуудалд нухацтай, хүлцэнгүй хандахыг хичээх хэрэгтэй юм. Мөн бүтэн сар гарах үед мөнгөтэй болгоомжтой харьцаж, томоохон төсөл, шинэ ажлыг яарч эхлэх хэрэггүй.