1 Зөөлөн өнгийн цамц

Зуны улиралд та аль болох зөөлөн, гэгээлэг өнгийн хувцсыг сонгож өмсөөрэй. Үүнийгээ жинсэн шорттой хослуулж, өмсөж болох бөгөөд таныг дур булаам, дэгжин харагдуулна. 

2 Урт торон нөмрөг

Та бусдаас содон, дэгжин харагдахыг хүсвэл урт торон нөмрөгийг тохируулж өмсөөрэй. Энэ нь цагаан өнгөтэй байвал илүү үзэмжтэй харагдах аж. 

3 Мөр гарсан загвартай цамц

Тэгш сайхан мөрөө ил гаргаж, бусдын нүдийг хужирлах сайхан биш гэж үү? Зуны өдрүүдэд таны гоо үзэсгэлэнг тодотгох мөр гарсан цамцыг заавал авч өмсөөрэй. 

4 Нимгэн урт нөмрөг

Та заавал торон гэлтгүй өнгөлөг, урт нимгэн цамцыг сонгож өмсөөрэй. Энэ нь таныг бусдаас өвөрмөц, загварын мэдрэмж өндөртэй болохыг хүн бүхэнд гайхуулна. 

5 Торон цамц

Энэ жил торон оруулгатай хувцаснууд охидын сонголт болж, хувцасны шүүгээг нь чимж байна. Та ч бас тэдний адил тансаг торон хувцас худалдан авч, зуны халуун өдрүүдийг өөртөө итгэлтэй өнгөрүүлээрэй. 

6 Цээживч, өмдний хослол

Бусадтай адил хувцаслахаас татгалзаж, зөвхөн өөрийнхөөрөө байхыг хүсвэл, цээживч өмдний хослолыг сонгож өмсөөрэй. Таныг илүү өөртөө итгэлтэй, хүчтэй харагдуулах болно. 

7 Урт ханцуйтай даашинз

Урт, нэвсгэр ханцуйтай цамц, даашинзнууд энэ жил трэнд болж, охидын дунд алдаршиж байгаа билээ. Та ч бас энэхүү хувцаслалтыг сонгон өмсөж, зуны өдрүүдэд хүн бүрийн харцыг булаагаарай. 

8 Жинсэн хослол

Хэзээ ч моодноос гарахгүй хувцас бол яахын аргагүй жинс билээ. Тиймдээ ч та жинсэн хослолыг өмсөж, өөрийн загварын мэдрэмжээ бусдад гайхуулж болох юм. 

9 Цэцгэн хээтэй хувцас

Цэцгэн хээтэй даашинзгүйгээр зуны налгар өдрүүдийг төсөөлөхийн аргагүй. Энэ жил том цэцгэн хээтэй даашинз, юбка, нимгэн цамц болон өмднүүд трэнд болж, охидын тэргүүн сонголт болоод байна. Тус төрлийн хувцаснууд нь таны эмэгтэйлэг төрхийг илүүтэй тодотгож, дур булаам харагдуулна. 

10 Савхин юбка, богино загвартай цамц

Энэ зун хамгийн трэнд болж байгаа хувцаслалт бол яахын аргагүй савхин юбка болон богино загвартай цамцны хослол билээ. Энэ нь эмэгтэйлэг байдлыг илүүтэй тодотгож, эрчүүдийн харцыг булаах аж. 

11 Сул загвартай, нимгэн даашинз

Зуны улиралд сул загвартай атлаа нимгэн материалтай даашинз хамгийн тухтай болоод өдөр тутмын гоёл байдаг. Та аль болох гэгээлэг өнгийн даашинзыг сонгож өмсөөрэй. 

12 Гүн ухлаадастай цамц

Энэ зуны бас нэгэн трэнд бол гүн ухлаадастай майк, цамц болон даашинзууд юм. Эмэгтэйлэг байдлыг илүүтэй гаргаж, дэгжин болоод халуухан харагдуулна. 

13 Үргэлжилсэн загвартай хувцас

Үргэлжилсэн загвартай хувцас буюу "jumpsuit" нь зуны улиралд хамгийн сайхан тохирдог. Та богино загвартай "jumpsuit"-ийг өмсөж, сайхан биеэ гайхуулаарай. 

14 Зөөлөн өнгийн даашинз

Зөөлөн ягаан, шар өнгийн даашинз өмсөж, зуны гоёлоо болгоорой. Таны эмэгтэйлэг байдлыг улам бүр тодотгох бөгөөд дур булаам харагдуулах аж. 

15 Чокертой даашинз

Сүүлийн үед чокертой даашинз нь трэнд болж, охидын дунд эрэлт өндөртэй байгаа юм. Энэ нь таны цээжин хэсгийг халуухан харагдуулах бөгөөд хэний ч харцыг булаах нь гарцаагүй. 

16 Нэг мөр гарсан загвартай даашинз

Зөвхөн нэг мөрөө гаргасан загвартай даашинз нь таныг эрхэмсэг, бардам, өөртөө итгэлтэй харагдуулна.