1 Биеийн дулаанаа хадгалах

Тэд биеийн температураа хадгалж, үргэлж халуун хоол идэхийг эрхэмлэдэг. Тиймдээ ч гоолиг сайхан биетэй, хүчтэй дархлааны системтэй байж чаддаг аж. Тэдний хувьд идэж байгаа хоол хүнс нь эрч хүчийг бэлэглэж, эерэг хандлагыг бий болгодог. Мөн биеийн дулаанаа хадгалах нь эрүүл амьдралын үндэс болдог хэмээн итгэдэг тул, үргэлж шим тэжээл сайтай, халуун хоолыг сонгодог байна.

2 Халуун ууранд суудаг

Халуун ууранд суух нь алжаал ядаргааг тайлж, булчинг амраах төдийгүй цусны эргэлтийг сайжруулдаг байна. Тиймдээ ч Япончууд тогтмол халуун ууранд сууж, халуун шүршүүрт ордог бөгөөд үүнийхээ ачаар урт удаан, эрүүл саруул амьдарч чаддаг аж. Энэ нь эрүүл мэндэд тустай төдийгүй арьсыг сайхан болгодог. Усны температур нь 37.7-40 хэмд байхад хангалттай. 

3 Зөв хооллох

Тэд хооллолтондоо маш их анхаарал хандуулж, аль болох зөв зүйтэй хооллохыг хичээдэг. Хоолоо маш сайн, удаан зажилж иддэг бөгөөд энэ нь хоолыг түргэн шингээж, илүүдэл жингээс хамгаалдаг байна. Ийнхүү удаан идэх нь гэдэс аль хэдийн цадсан гэх мэдээлэл тархинд өгч, их идэхээс сэргийлдэг юм. Мөн их идэхгүй, илүүдэл жингүй байх нь тэдний урт удаан амьдралын нууц аж. 

4 Хоол идэж байхдаа шингэн зүйл уудаггүй

Япон хүмүүс хооллож байхдаа хэзээ ч ус, цай уудаггүй. Учир нь шингэн зүйл уух нь таны идсэн зүйлийг царцааж, биед маш их өөхийг хуримтлууж, турахад хүндрэлтэй болгодог аж. Харин түүний оронд шөлтэй халуун хоолыг сонгож иддэг байна. Тиймдээ ч дээрх зовлонгоос ангид эрүүл, туранхай байдаг юм.