1 Давстай шөл

Та амттай шөл уухын тулд олон орц бэлтгэж, цагаа гарздах шаардлагагүй. 

Үүнийг бэлтгэх их энгийн юм.

• Та тахианы тунгалаг шөлийг буцалгаарай.
• Үүн дээрээ улаан лооль болон бага зэрэг бор гурил нэмж, сайтар хутгана.
• Ингэснээр таны амттай шөл бэлэн болох аж. Та шөлөндөө бага зэрэг давс, перец хийж, хоолныхоо амтыг нэмэгдүүлж болно. 

2 Халуун ногоотой хоол

Та халуун ногоотой хоолны амтыг хадгалж, тэнцвэржүүлэхийг хүсвэл:

• Сахар буюу элсэн чихэр бага зэргийг хийж, хурц амтыг нь дарж болно.
• Сүү болон сүүн бүтээгдэхүүнийг хоолныхоо орцонд нэгтгэж, амтыг нь тэнцвэржүүлээрэй.
• Цагаан цуу эсвэл нимбэгний шүүсийг халуун ногоотой хоолонд хийж, амтыг нь хадгалах боломжтой.  

3 Шарсан элэг

Та элгээ сонгинотой шарж бэлтгээд, бага зэрэг давсаар амтлаарай. Харин үүнийгээ цөцгийтэй хольж, идсэнээр, улам бүр амтыг нь нэмэгдүүлэх боломжтой. Хэрэглэхээс өмнө цөцгийгөө 15-20 минут буцалгаж, өтгөрүүлээрэй. Мөн цөцгий нь таныг таргалуулахгүй.

4 Амтат зутан

Та өглөөний цайндаа хялбархан хийж болох амтат зутанг бэлтгэж, идээрэй. 

• Төмсний цардуулыг, сүү эсвэл тахианы тунгалаг шөлтэй хольж бэлтгэнэ.
• Үүнийгээ зөөлөн гал дээр буцалгаснаар, зутан бэлэн болох аж. 

5 Хүүхдийн будаа

Хүүхдийн будааг чанаж, сүү хийн буцалгаарай. Үүндээ бага зэрэг масло, элсэн чихэр хийж, сайхан амт оруулна. Харин хүүхдийн будааг бөөгнөрсөн тохиолдолд, шүүлтүүр ашиглан, шүүж болох юм. 

6 Амтат бялуу

Бялууг жигнэж болгосны дараа, зарим хэсэг нь савны ирмэгт наалдсан байх нь бий. Энэ тохиолдолд та бялуугаа муухай болголгүйгээр, цэвэрхэн гарган авч болох юм.

• Бялуугаа хөргөөд, хүйтэн алчууранд боож, хэсэг байлгаж болох бөгөөд энэ нь наалдсан хэсгийг салгах болно.
• Мөн халуун усыг бялууны дор байрлуулж, хэсэг байлгаад үзээрэй.  

7 Шоштой зутан шөл

Орц:

• Цагаан шош - 500 гр
• Сонгино - 100 гр
• Оливын тос - 50 гр
• Ус - 500 мл
• Давс, амтлагч

Хийх арга:

Шошоо усанд хийж, 30-40 минут чанаарай. Дараа нь оливын тосоо хайруулын тавганд хийж халаагаад, нарийн хэрчсэн сонгиноо хийж хуурна. Үүн дээрээ шошоо нэмж, давс, амтлагчаа хийгээд, 5 минут буцалгасны дараа блендэрт хийж, өтгөрүүлнэ. Ингээд л таны амттай шөл бэлэн болох аж. 

Мөн шошны зутан шөл тань хэт шингэн буюу хоолшихгүй санагдвал, дээр нь бага зэрэг агшаасан будаа хийж, идэж болно. 

8 Шарсан будаа

Орц: 

• Масло- 1 халбага
• Өндөг- 2 ширхэг
• Масло- 1 халбага
• Хэрчсэн сонгино- 1/4 аяга
• Хэрчсэн ногоон чинжүү- 1/4 аяга
• Агшаасан будаа- 2 аяга
• Чанаж бэлтгэсэн гахайн мах- тал аяга
• Соё соус- 1/4 аяга
• Вандуй- тал аяга

Хийх арга: 

Хайруулын тавгаа халааж, 1 халбага маслоо хийх бөгөөд үүндээ өндгөө хийж, салгаж хуурсаны эцэст гаргаж авна. Дахин хайруулын тавгаа халааж, үлдсэн 1 халбага масло хийж, үүндээ сонгино, чинжүү зэргээ 3 минут хуурах аж. Харин үүндээ шарж бэлтгэсэн өндөг, будаа болон махаа хийж хуурах төдийгүй соё соусаар амтлах байна. Ингээд л таны хоол хормын төдийд бэлэн болох юм.

Харин та будаагаа шарах явцдаа ёроолыг нь түлж, хоолонд тань түлэнхий амт орсон бол маш энгийн аргаар үүнийг шийдвэрлэж болно. 

• Та хоолоо өөр тогоонд хийж, дээр нь бага зэрэг сүү болон давсыг нэмж хийгээд, буцалгахад хангалттай. Ингэснээр хоолны түлэнхий амт арилдаг. 

9 Шингэн соус

Таны бэлтгэсэн соус хэт шингэн болоод байвал доорх аргыг хэрэглэж, өтгөрүүлж болох юм.

• Та соустай ижил хэмжээний төмсний цардуул хийж, хутгаарай.
• Эсвэл соусаа шарах шүүгээнд хийж, хэсэг хугацаанд байлгахад хангалттай. 

Та гэртээ амтат соус хэрхэн бэлтгэх аргыг ЭНД дарж үзээрэй. 

Та сайхан хооллоорой!