“-Өнөөдөр APU компанийн хамт олон Чингисийн талбайд цугласан олон мянган хүүхдүүдийн хамт Дэлхийн сүүний өдөр болон Олон улсын хүүхдийн эрхийг хамгаалах өдрийг тэмдэглэн өнгөрүүлж байна. “Дэлхийн сүүний өдөр”-т төрийн болон төрийн бус байгууллагууд, аж ахуй нэгжүүд уг үйл ажиллагаагаар дамуулан иргэддээ хүнс, хүнсний бүтээгдэхүүн тэр дундаа сүү, сүүн бүтээгдэхүүний хэрэглээг таниулах, нэмэгдүүлэх, хүүхэд бүрийн эрүүл мэндийн төлөө дуу хоолойгоо нэгтгэн хамтран ажиллаж байгаад таатай байна. Энэ ч утгаараа фермерүүдийнхээ сүүн сэтгэлээр хандивласан сүүг бид бүтээгдэхүүн болгон хүүхэд багачууддаа дээжлэн хүргэлээ...” 

APU компанийн Сүүний бизнес эрхэлсэн захирал Г.Энхбилэг

Фермерүүд, үйлдвэрлэгчид нэгдэн хүүхэд багачуудаа баярлууллаа

Уг арга хэмжээнд зориулан Монголын сүүний нэгдсэн холбооны фермерүүд сүү хандивлаж, түүгээр нь хүүхэд багачууддаа APU компанийн сүүний үйлдвэр үнэ төлбөргүй боловсруулан “Маамуу” брэндийн сүүгээ үйлдвэрлэж, төв талбайд цугласан 10,000 хүүхдэд бэлэг болгон өгсөн нь онцлогтой байлаа. Мөн идэвх санаачилгатайгаар оролцсон хүүхэд багачуудаа өөрсдийн сүү, сүүн бүтээгдэхүүнийхээ дээжээр урамшуулсан юм.

Энэ өдөр цугласан хүүхэд бүр инээд хөөрөөр цалгиж, тэдэнд зориулан бэлтгэсэн урлагийн тоглолтуудыг шимтэн үзэж, олон олон хөгжөөнт тэмцээн уралдаануудад хамрагдаж, “Маамуу” сүүгээ амтархан ууж, аав ээжтэйгээ нэгэн өдрийг дурсамж дүүрэн өнгөрүүлсэн гэдэгт итгэлтэй байна.

Монголын маань мянга мянган үрсийн ирээдүй сүүн зам адил гэгээлэг, дардан байх болтугай!