1 Биеийн галбир засах дасгал

Биеийнхээ галбирыг засахын тулд, эрчимтэй дасгал хөдөлгөөн хийх хэрэгтэй. Та өдөр бүр 10-20 минутыг дасгал хийхэд зарцуулах хэрэгтэй бөгөөд гол нь өөрийгөө хэт ядрааж болохгүй. Хэрэв та оффисын ажилтан бол тогтмол нуруу, хүзүү болон мөрөө хөдөлгөж, халааж байхаа мартуузай. 

2 Ажиллахад хамгийн тохиромжтой байрлал

Та компьютерийн өмнө олон цаг сууж ажилладаг бол сандал, ширээгээ тохируулж, зөв суугаарай. Сандал дээр суухдаа хөлөө газар бүтэн хүрэхүйц тавих ёстой бөгөөд компьютерынхоо эгц харалдаа байхаар суугаарай. 

3 Гар утсаа зөв барих

Бид гар утас, таблетаа ашиглахдаа ямар байрлалтай зогсож байгаагаа мартаж орхидог. Үүнээс болж бөгтийж байгаагаа мэдэлгүй, энэ нь бусдын нүдэнд таагүй харагдуулдаг. Харин та гар утсаа ашиглахдаа болж өгвөл яг нүүрнийхээ урд байхаар барьж байгаарай. Харин алхаж явахдаа болж өгвөл гар утас ашиглахгүй байсан нь дээр юм.

4 Аппликейшн суулгах

Та нуруугаа тэгш байгаа эсэхийг хянахын тулд төрөл бүрийн аппликейшн суулгаж болох юм. Тэдгээрийн нэг болох "Nekoze" аппликейшнийг та утсандаа суулгаж, ашиглаарай. Танд үр дүнгээ үзүүлж, бөгтийхөөс сэргийлэх бөгөөд таныг бөгтийж суумагц дохио өгч, тэгш суухыг сануулах аж. 

5 Зөв амьсгалах

Зөв амьсгалах нь биеийн харьцааг зөв болоход тусладаг. Та гүнзгий амьсгаа авч, аль болох тайвширч байгаарай. 

6 Үргэлж анхаарлаа хандуулах

Та цаг тутамд нуруугаа цэх байлгаж байгаарай. Хаана ч байсан ямар байрлалаар зогсож, нуруу цэх байгаа эсэхээ бодож, бөгтийхөөс сэргийлэх хэрэгтэй. Зөвхөн ажиллаж байхдаа ч бус унтаж, машин барьж явахдаа хүртэл нуруугаа цэх байлгах нь чухал юм. 

7 Зөв суух

Та үргэлж 135 хэмийн өнцөг үүсгэж сууж байгаарай. 

8 Йог хийх

Йог нь бие болон сэтгэлийг тайтгаруулж, зөв зүйтэй байлгах шидтэй билээ. Ингэснээр та дотоод амар амгаланг олоод зогсохгүй цэх нуруутай, гоолиг биетэй болох боломжтой. 

9 Зөв зогсох

Цэх зогсох гэсэндээ нуруугаа хэт хотойлгох нь буруу юм. Таны хөл, мөр, толгой нэг шугамд байх ёстой бөгөөд болж өгвөл халаасандаа гараа хийж явах хэрэггүй.