1 Кактус

Ази болон Ойрх дорнодын ихэнх улс орнуудад сарнайнаас бусад бүх төрлийн өргөстэй цэцэг, ургамлыг гэртээ тавих нь муу энергийг хуримтлуулж, азгүйдлийг дууддаг гэж үздэг байна.

2 Үхсэн ургамал, цэцэг

Хүмүүсийн гаргадаг хамгийн түгээмэл алдаануудын нэг бол баяр ёслол, тэмдэглэлт өдрийн үеэр дотны хүмүүсийнхээ өгсөн цэцгийг гэртээ удаан хугацаагаар байлгадаг явдал бөгөөд энэ нь буруу юм. Учир нь баглаа цэцгийг үхсэн л бол, тэр дор нь гаргаж хаях хэрэгтэй ажээ. Эс бөгөөс тухайн гэрт ямар нэгэн муу зүйл тохиолдоод зогсохгүй, хэрүүлийн бузар шингэдэг гэнэ.

3 Ногоон өнгийн хана

Та магадгүй гайхаж байж болох юм. Учир нь ногоон өнгө хүнд тайвшрал өгдөг шүү дээ. Хэдий тийм ч гэлээ, гэрийнхээ ханыг ногоон өнгөөр будах юм уу, эсвэл ногоон өнгийн обой нааж огтхон ч болдоггүй аж. Эртний ном сударт ногоон өнгө нь могойг илэрхийлдэг гэж үздэг бөгөөд гэр бүлийн гишүүдийг хордуулж, сэтгэл санааг тайван байлгадаггүй хэмээдэг байна. 

4 Модон сандал

Хэрвээ танай гэрт төдийлөн хэрэглээд байдаггүй түшлэгтэй модон сандал байдаг бол эртхэн гаргаж хаяхыг зөвлөе. Учир нь эзэнгүй энэ мэтийн сандлууд нь буг чөтгөр, сүнсийг урин дууддаг байна. Олон хүнийг айдаст автуулсан аймшгийн кинонууд дээрээс та энэ тухай сонсож, харж байсан биз ээ.

5 Хар өнгийн хаалга

Хар өнгийн хаалга нь азгүйдлийг дуудахаас гадна, буг чөтгөрийг нэвтрүүлдэг гэж үздэг ажээ.

6 Хугацаа нь дууссан хуанли

Хугацаа нь дууссан хуанлиг гэртээ байлгах ямар нэгэн шалтгаан байхгүй шүү дээ. Хэрвээ гаргаж хаяхгүй байлгасаар байвал тухайн гэр бүлийн гишүүдийн аз харьж, ажил үйлс нь бүтэхээ больж, өвчин зовлон ороодог сөрөг, муу нөлөөтэй юмсанж.