Мандарин ямар ач тустай вэ?
Мандаринд витамин C их хэмжээгээр агуулагддаг гэдгийг мэдэхгүй хүн үгүй биз ээ. Тэгвэл дүн өвлийн хүйтэнд витамин C нь хүний биеийн дулааныг нөхөж, нян бактеритай тэмцдэг аж. Мөн зүрх судасны үйл ажиллагааг дэмжиж, судасны хананаас холестролыг ховхолдог. Тэгвэл ийм их ач тустай жимсний хальсыг ч бас олон янзаар ашиглаж болдог байна. Ингээд хэрхэн ашиглаж болохыг хамтдаа харцгаая.
1
Эрүүл мэнд
- Ханиад хүрч, ханиалгаад байгаа бол мандарины хальсыг час халуун усанд хийн, хэдэн цаг дэвтээгээд, жаахан зөгийн бал нэмж уугаарай.
- Нэг литр усанд 3 ширхэг мандарины хальсыг хийн буцалгаад, өдөрт 30 мг уувал цусан дахь сахарын хэмжээ тогтворждог.
- Нэг аяга архинд мандарины хальс хийгээд, харанхуй газар 7 хоног хадгалаарай. Дараа нь өдөр болгон хоолныхоо өмнө 20 дуслыг уувал дотоод эрхтний тогтолцоо, хоолны шингэцэнд сайн нөлөө үзүүлж, юм идэх дуршлыг нэмдэг.
2
Гоо сайхан
- Нэг аяга хүйтэн усанд мандарины хальс хийж, нэг хонуулна. Дараа нь үүгээрээ нүүрээ угаавал хар батга арилж, нүхжилт багасдаг.
- Мандарины хатаасан хальсыг нунтаглаж, багахан хэмжээний ус хийгээд нүүрний скраб болгон ашиглаж болно. Ингэснээр арьс өнгөлөг, сайхан үнэртэй болдог ажээ.
- Мандарины хатаасан хальсыг халуун усанд дэвтээгээд, биеэ угааж болно.
- Мандарины хальсаар хумсаа арчвал хумс бэхжиж, цайрдаг. Мөн хумсны мөөгөнцрөөс сэргийлдэг ажээ.
3
Хоол хүнс
- Мандарины хальс болон чихэрлэг жимсийг хольж, чанамал хийвэл тун амттай болдог.
- Хатааж, нунтагласан мандарины хальсаар шарсан мах амталбал гайхалтай амттай болдог.
- Мандарины хальсаар бялуу чимэглэж болно.
4
Засал чимэглэл
- Баярын өдрүүдээр мандарины хальсаар төрөл бүрийн дүрс хийж, гэрээ чимж болдог.
- Мандарины хальсыг болгоомжтой хуулж, сарнай хийж болно.
- Мандарины хатаасан хальсыг будаж, төрөл бүрийн чимэглэл хийж болно.
5
Бусад
- Мандарины хальсыг гэртээ тавьж, сайхан үнэр шингээж болно.
- Мандарины хатаасан хальсыг хувцасны шүүгээнд хийвэл эрвээхий орохоос сэргийлдэг.
- Муураа ойртуулмааргүй газраа мандарины хальс тавиарай.
- Мандарины хатаасан хальсаар гал асааж болдог.
