1
Эдийн засагт хэмнэлттэй
Итгэх эсэх нь таны мэдэх хэрэг ч гэлээ, шүршүүрт орж байхдаа шээх нь эдийн засгийн хэмнэлтэнд ихээхэн ач тустай байдаг байна. Учир нь 00-доо бие засвал ус татах хэрэг гарна шүү дээ. Сүүлийн үед орон сууцууд усны тоолуур тавиулж, усны мөнгө төлдөг болсон энэ үед 00-ынхоо усыг хамаагүй татаад байх нь тийм ч оновчтой шийдвэр биш болов уу. Тэгэхээр шүршүүр орж байхдаа шээх нь нэг сумаар хоёр туулай буудаж байгаа хэрэг гэж ойлгоход төдийлөн буруудахгүй аж.
2
Ямар ч асуудалгүй
Шүршүүрт орж байхад таны дэргэд хэн ч байхгүй. Тиймээс хэнээс санаа зовж, айж, эмээнэ гэж? Бие организм цаанаасаа шээхийг шаардаж байгаа л бол хорьсны хэрэггүй. Тэгээд ч дээрээс тань ус гоожиж байхад эргэн тойрон бохирдчих вий гэж санаа зовох шаардлага байхгүй шүү дээ.
3
Сөрөг нөлөөгүй
Хүмүүс шүршүүрт орж байхдаа чухам яагаад шээдэг талаараа янз бүрийн хариулт хэлдэг. Харин дийлэнх нь усны хоржигносон чимээ шээс хүргэдэг гэдэг ажээ. Энэ нь ч үнэний ортой бөгөөд бие организм цаанаасаа шингэнээ гадагшлуулахыг хүсч байгаа үед түүнийг хорьж, бариад байх нь эрүүл мэндэд харин ч эсрэгээрээ муу нөлөө үзүүлдэг гэнэ шүү.
4
Эмэгтэйчүүд төрөлхийн цэвэр, ариухан хүмүүс шүү дээ
Эмэгтэйчүүд төрөлхийн цэвэр, ариухан хүмүүс байдаг гэдэгтэй маргах хүн төдийлөн гарахгүй болов уу. Тэр ч үүднээсээ эмэгтэй хүний үнэр хүртэл цаанаа л нэг анхилуун сайхан байдаг шүү дээ. Тиймээс охид, бүсгүйчүүдийн хувьд шүршүүрт орж байхдаа шээлээ гээд бохирдчихлоо, заваан болчихлоо гэж бодсоны хэрэггүй болов уу.
5
Байх л ёстой асуудал
Хэрвээ урьд өмнө нь шүршүүрт орохдоо шээчихээд, түүнээсээ санаа зовж байсан бол тэгэх хэрэггүй гэдгийг сануулъя. Учир нь та ариун цэврийн өрөөнд, ганцаараа байх үедээ, бие организмынхаа хүсэл шаардлагын дагуу шингэнээ гадагшлуулсан болохоос биш, ямар нэгэн байдлаар хууль, дүрэм зөрчөөгүй шүү дээ.
6
Анхаарлаа төвлөрүүлдэг болно
Шээсээ хорьж, бариад байх нь эрүүл мэндэд сөрөг нөлөө үзүүлдэг гэдгийг дээр дурдсан. Харин хорихгүй байх нь эсрэгээрээ хүний анхаарлаа төвлөрүүлэх чадварт тустай байдгийг эрдэмтэд баталжээ.
7
Хөгжилтэй санагддаг
Мэдээж хэрэг хөгжилтэй биш гэж үү? Таныг үүнтэй санал нийлнэ гэдэгт 100% итгэлтэй байна. Та томоожиж, эцэг, эх болсон байж болох ч, хүн бүрийн сэтгэлд дэггүйтээд авах нууцхан хүсэл байдгийг үгүйсгэж чадахгүй биз ээ.
8
Бодож байсан шиг муухай биш
"Today Show"-ийн зүгээс хийсэн судалгааны үр дүнд нийт санал асуулгад оролцсон хүмүүсийн 80% нь шүршүүрт орж байхдаа шээх нь тийм ч таагүй мэдрэмжийг төрүүлдэггүй гэж хариулсан байна. Тэдний ингэж хариулсан шалтгааныг нь асуухад шүршүүрээс гоожиж буй ус шээсийг тэр дорхноо л урсгачихдаг шүү дээ хэмээн хариулжээ.
Та шүршүүрт орохдоо яадаг вэ?
