1 Жастин Тимберлайк (Justin Timberlake) болон Райн Гослинг (Ryan Gosling)

20 жилийн өмнөөс бие биенийгээ таних болсон залуучууд 1990-ээд оны үед үзэгчдийг байлдан дагуулж байсан "The Mickey Mouse" ТВ-ийн шоуны үеэр анх танилцацгааж байжээ.

2 Лив Тайлер (Liv Tyler) болон Кэйт Хадсон (Kate Hudson)

2000 онд "Dr. T and the Women" кинонд цугтаа тоглосноосоо хойш сайн найзууд болцгоосон үзэсгэлэнтэй бүсгүйчүүдийг бусдад зөв үлгэр дуурайлал үзүүлдэг хэмээн үзэх хүмүүс олон байдаг аж.

3 Леонардо ДиКаприо (Leonardo DiCaprio) болон Тоби Магир (Toby Maguire)

25 жилийн өмнө анх тэд танилцаж байсан бөгөөд энэ талаар нэрт жүжигчин Леонардо ДиКаприо (Leonardo DiCaprio) хэлэхдээ "Би Тобиг хараад, шууд л найзууд болохыг хүссэн. Би түүн дээр очоод, Тоби надад дугаараа өгөөч гэхэд тэр чи чинь хэн билээ гэж асууж билээ. Би хариуд нь Лео гэж хариулсан" хэмээн дурсамжаасаа хуваалцжээ.

4 Кира Найтли (Keira Knightley) болон Сьен Миллер (Sienna Miller)

Холливуудын үзэсгэлэнт бүсгүйчүүд анх "The Edge of Love" киноны үеэр танилцаж, өнөөдрийг хүртэл сайхан нөхөрлөцгөөж байгаа бөгөөд амралтаараа уулзалдаж, цугтаа дэлгүүр хэсч, кафед сууж, цагийг өнгөрөөдөг гэнэ.

5 Мел Гибсон (Mel Gibson) болон Роберт Доуни Жр. (Robert Downey Jr.)

Кино урлагийн салбар дахь томоохон одууд болох нэрт жүжигчид 1990 онд "Air America" гэх киноны үеэр танилцаж байсан бөгөөд тэдэн шиг нэгнийхээ эрүүл мэнд, бие организмд анхаардаг сайн найзууд тун ховор биз ээ.

6 Ким Кардашьян (Kim Kardashian) болон Николь Ричи (Nicole Richie)

Цахим ертөнцийг шуугиулагч Кимийг мэдэхгүй хүн гэж бараг байхгүй болов уу. Тэгвэл та түүний хамгийн сайн найз хэн болохыг мэдэх үү? Түүнийг Николь Ричи гэдэг бөгөөд тэд 12 настай байхаасаа эхлэн өнөөдрийг хүртэл найзлаж байгаа юмсанж.

7 Селена Гомез (Selena Gomez) болон Деми Ловато (Demi Lovato)

"Barney & Friends" шоуны үеэр танилцаж байсан үзэсгэлэнтэй бүсгүйчүүд нэг нэгэндээ анхаарал халамж тавьж, хүнд хэцүү зүйл тохиолдох үед нь үргэлж хамт байдаг гэнэ шүү.

8 Кара Делевинь (Cara Delevingne) болон Рианна (Rihanna)

Дуучин Рианна болон загвар өмсөгч Кара нарыг дотны сайн найзууд гэдгийг та мэдэх үү? Төрөл бүрийн үдэшлэг, цэнгүүн, шоу, арга хэмжээнүүд дээр тэд байнга шахуу хамт явж харагддаг нь ямар сайн найзууд болохыг нь гэрчлэх биз ээ.

9 Роберт Паттинсон (Robert Pattinson) болон Том Старриж (Tom Sturridge)

Ахлах сургуульд байхаасаа авахуулаад өнөөдрийг хүртэл нөхөрлөлдөө үнэнч байсаар ирсэн тэднийг энэ дэлхий дээрх хамгийн сайн найзууд гэж фэнүүд нь үздэг байна. Энэ нь ч аргагүй бөгөөд тэд папарацичдын дуранд инээлдэж, хөгжилдөж байгаагаар буудаг аж.

10 Сандра Баллок (Sanda Bullock) болон Райн Рейнолдс (Ryan Reynolds)

Эрэгтэй, эмэгтэй найзууд байдаг гэдгийг илтгэсэн гэлтэй Холливуудын алдартай жүжигчид маань үнэхээр сайн найзууд гэнэ шүү. Тэднийг зарим эх сурвалжаар хайр сэтгэлийн холбоотой гэж байсан ч, энэ талаар үгүйсгэцгээсэн юм.

11 Женнифер Анистон (Jennifer Aniston) болон Кортни Кокс (Courteney Cox)

Алдарт "Friends" цувралын үеэр дотно найзууд болсон тэдний хувьд цаг хугацааны эрхээр улам сайн найзууд болцгоосон бөгөөд ихэнх цагийг хамтдаа өнгөрүүлдэг гэнэ.