1
Хажуу талаараа унтах
Дээшээ харж унтахаар хэл тагнаа, хоолойнд наалдаж, амьсгалахад саад учруулдаг тул хүн хурхирдаг ажээ. Тиймээс хажуу тийшээ харж хэвтсэнээр хоолойнд саад учрахгүй болж хурхирахаа больдог.
2
Жин хасах
Жин нэмснээр хүний уушги, хүзүүнд очих агаар боогдож хүн хурхирч эхэлдэг бөгөөд түүгээр ч зогсохгүй унтаж байхад амьсгаа тасалддаг болдог муу нөлөөтэй юм.
3
Гэрээ цэвэрлэх
Харшлаас болж хурхирах тохиолдол тун элбэг байдаг тул гэрээ ойр ойрхон цэвэрлэж байх хэрэгтэй. Хөшиг, орны даавуугаа байнга цэвэр байлгаарай.
4
Эрүүл аргаар эмчлэх
Хэрэв харшлаас болж та хурхирдаг бол байгалийн гаралтай харшлын эсрэг бүтээгдэхүүн олон байдаг билээ. Жишээ нь халгай буцалсан усанд хандалж, унтахын өмнө уувал хурхирахаа больдог аж. Гаатай цай ч мөн ижил үйлчилгээтэй гэнэ шүү.
5
Эмчид хандах
Хэрэв дээрх аргууд үйлчлэхгүй байвал та эмчид хандаарай. Ужиг өвчнөөс болоод та хурхирдаг байж магадгүй юм.
6
Хоолны дэглэм
Итгэхэд хэцүү ч хурхирахад хоол хүнс нөлөөлдөг байна. Унтахын өмнө хүнд хоол идэх хэрэггүй бөгөөд согтууруулах ундаа ууж ч болохгүй. Согтууруулах ундаа хоолойн булчингуудыг суллаж орхидог тул хурхирах магадлал өндөрсдөг ажээ.
7
Хамраа цэвэрлэх
Амаараа амьсгалах нь хурхирахад хүргэдэг тул хамраараа амьсгаа авах нь чухал юм. Харин унтаж байхдаа хамраараа чөлөөтэй амьсгаа авахын тулд та хэвтэхээсээ өмнө хамраа сайтар цэвэрлээрэй.
8
Хамрын наалт
Хамар битүүрснээс болж хурхирдаг бол та хамрын суваг нээж, чөлөөтэй амьсгалахад тусладаг зориулалтын наалт наагаарай.
9
Чихээ бөглөх
Хамтрагч тань хурхираад сайн амарч чадахгүй байгаа бол та зориулалтын чихний бөглөө хийж унтаарай. Гэхдээ шөнө бүр хэрэглэлгүй, чихээ амрааж байгаарай.
10
Ганцаараа унтах
Эвгүй, хачин санагдаж болох ч, ямар ч аргагүй болсон бол хурхирдаг хүнээс тусдаа өрөөнд унтах хэрэгтэй юм. Тэгвэл та хоёрт хоёуланд нь чөлөөтэй амрах боломж гарч ирэх бөгөөд нойр хичнээн чухал болохыг та хэлүүлтгүй мэдэх биз ээ.
