1
Өвөрмөц шатахуун түгээх станц
Японы шатахуун дамжуулах хоолой таазнаас өлгөөтэй байдаг. Ингэснээр машины банкинд хүрэхгүй гэх зовлон байдаггүй байна.
2
Онцгой автомат машин
Япончуудын хувьд цаг хугацаа бол алт л гэсэн үг. Тиймээс цаг хэмнэх зорилгоор тус автомат машин ердийн чипс, шоколадаар зогсохгүй шарсан төмс, чанасан өндөг, паста, тэжээвэр амьтдын хоол зэргийг зардаг ажээ.
3
Зай хэмнэсэн авто зогсоол
Япон 127 сая хүн амтай учраас зай талбай хэмнэх нь яахын аргагүй чухалд тооцогддог. Харин тэд зураг дээрх шиг хоёр давхар зогсоолтой болсноор уг асуудлаа бага ч атугай шийдэж чаджээ.
4
Хараагүй хүмүүст зориулсан лааз
Хараагүй хүмүүст уух ундаагаа сонгоход хүндрэл учрах нь гарцаагүй. Харин Японд бүх төрлийн ундааны лаазан дээр "Braille" цагаан толгойгоор тэмдэглэсэн байдаг гэнэ.
5
Цүнхний тавиуртай сандал
Сандлын түшлэгэнд тохсон цүнх байн байн унаад төвөг болдог шүү дээ. Үүнийг ердөө л зурагт харуулсан шиг хялбар, эвтэйхнээр шийдчихэж болдог ажээ.
6
Хөлийн спатай галт тэрэг
Та ийм зүйл өөр хаана ч харахгүй болов уу. Японд зорчигчид өдрийн турш хуримтлагдсан стрессээ тайлж, хөлөө амраах зориулалттай халуун ус бүхий тусгай галт тэрэг явдаг гэнэ.
7
Үнэгүй сальфетка
"Та ханиад хүрээ юу? Энэ сальфеткыг аваад хурдан эдгээрэй" гэсэн уриа Японд үйлчилдэг бөгөөд гудманд үнэгүй сальфетка тараадаг ажээ.
8
Олон үйлдэлтэй суултуур
Японы суултуурууд олон янзын үйлдэлтэй байдаг. Хүмүүст илүүдлээ гаргахад туслаад зогсохгүй өөрийгөө цэвэрлэж, бүр халаадаг гэнэ шүү.
9
Дуусашгүй под под
Япон хүмүүс хөдөлмөрч гэдгийг мэдэхгүй хүн үгүй биз ээ. Харин их ажиллана гэдэг хүнийг стресстэхэд хүргэдэг гэж тэд үздэг бөгөөд стрессээс ангижрах хамгийн хөгжилтэй арга бол под под болохыг тогтоожээ.. Тиймээс л Японд дуусашгүй под под бүхий түлхүүрийн оосор үйлдвэрлэдэг байна.
10
Автомат таксины хаалга
Япончуудын автомат хэрэглээнд дуртай гэдгийн бас нэг илэрхийлэл бол автомат таксины хэрэглээ юм. Тус улсын таксинууд ихэнх нь автоматаар онгойж, хаагддаг хаалгатай байдаг. Та хаалгаа дэндүү чанга хаалаа гэж зэмлүүлэхгүй гэхээр сайхан биш гэж үү?
11
Нойр авахад зориулсан зочид буудал
Хэрэв та хангалттай нойр авч чадаагүй бөгөөд тухтайхан газар очиж нам унтмаар байвал Японы давхар зочид буудлыг зориорой. Тус зочид буудал нь хүмүүсийг сайтар амраахад зориулагдан тоноглогдсон байдаг ажээ.
12
Хөгжимт зам
Японы зарим замаар явахад чихэнд таатай хөгжим эгшиглэдэг ажээ. Учир нь жолооч нарыг хурд бүү хэтрүүлээсэй гэсэндээ тодорхой хэмжээний хурдаа барин явахад уг хөгжим дуугардаг байна. Дээрээс нь урт удаан аян замд хөгжим шиг сайн хань гэж байхгүй шүү дээ.
13
Муурны кафе
Муур гэдэг үгийг сонсонгуут л ая тух, халуун дулаан байдал санаанд ордог. Тиймээс Япончууд олон тооны мууртай кафе байгуулсан ажээ. Та нэг л удаа ийшээ орсон бол гармааргүй санагдах гэнэ.
14
Котацү буюу халдаг хөнжилтэй ширээ
Котацү бол хөнжилтэй ширээ бөгөөд доороо халаагууртай байдаг ажээ. Япончууд котацүг анх XIV зуунд зохион бүтээсэн ба манай монгол шиг уур амьсгалтай оронд ийм хөнжилд шургаад хичээл хийх шиг сайхан зүйл гэж үгүй биз ээ.
15
Зарлалын тогтолцоо
Японд бүх улс орныг хэрэн тархсан чанга яригчийн бүхэл бүтэн тогтолцоо ажилладаг ажээ. Эдгээр чанга яригчийг газар хөдлөлт, цунами зэрэг гэнэтийн ослыг цаг алдалгүй мэдээллэх зорилгоор ашигладаг ба харин жирийн үед уянгалаг хөгжим эгшиглэдэг аж. Бас цаг орой болсныг зарлаж, хүүхдүүдийг гэртээ хариарай гэж сануулдаг гэнэ шүү.
16
Ажил дээрээ унтах
Хүн болгонд үдийн цайныхаа дараа дугхийгээд авмаар санагддаг. Харин Япончууд нойртойгоо тэмцэлдэн ажлын бүтээмжээ бууруулах шаардлагагүй хэмээн үздэг ба ажил дээрээ унтаж болно гэж хуульчилжээ. Үүнийг "инемүри" гэж нэрлэдэг ба хэрэв та Японд байдаг бол даргынхаа хажууд суугаад дугхийж болно гэсэн үг юм.
