1
Хоол хийх
Сарын тэмдгийн үеэр өлсөж үхэх шахдаг. Гэхдээ өөрийгөө зовоож хүнд хоол хийх гэсний хэрэггүй. Сарын найзаа ирэхээс өмнө урьдчилан дэлгүүр ороод хүнснийхээ материалыг авчих хэрэгтэй. Тэгээд 10 минутад бэлэн болох амар хялбар хоол түргэхэн шиг хийж идээд буцаад хөнжилдөө шургасан нь танд амар.
2
Дасгал хөдөлгөөн
Бие махбодь идэвхитэй байснаар сарын тэмдгийн өвдөлт багасдаг боловч хэтрүүлж орхивол усан хулгана болтлоо хөлөрч, сунаж унатлаа ядрахаас өөр үр дүн гарахгүй. Хэт их хөдөлснөөр сарын тэмдгийн хэмжээ ихэсдэг тул танд бүр ч тавгүй санагдах вий.
3
Их идэх
Их идэх буруу. Гэхдээ сарын тэмдгийн үеэр хэтрүүлж идэж бүр хэрхэвч болохгүй. Энэ үеэрээ хэмжээнээсээ илүү идвэл бүр их таргалдаг. Сарын тэмдэг хэд хоноод яваад өгөх ч, хэтрүүлж орхисон калори, таргалалт мөд арилахгүйг санаж яваарай.
4
Болзоонд явах
Болзоонд явахдаа бүсгүйчүүд сайхан харагдахгүй бол болохгүй. Гэхдээ бариу жинс өмсөөд болзоо дуустал биеэ барьж сууна гэдэг амаргүй ажил. Болзоот хархүү чинь хичнээн сайхан залуу байх нь хамаагүй, дахиад хэд хоног хүлээлгэсэн нь дээр.
5
Романтик кино үзэх
Охид бүсгүйчүүд маань энэ онцгой өдрүүдээрээ маш эмзэг мэдрэмтгий сэтгэл хөдлөл ихтэй болчихдог. Тиймээс энэ үеэрээ уянгын халилтай кино үзээд хэрэггүй л болов уу. Киноны сэтгэл хөдөлгөсөн мөчийг хараад та тэсэлгүй нулимс унагаж, толгойгоо өвтгөж орхивол байдал улам л дордоно шүү дээ.
6
Шүршүүр
Сарын тэмдэг ирснийгээ далимдуулж та өөрөө өөртөө цаг гаргаарай. Дуртай уух юмаа шимээд, хөгжим сонсон, шүршүүрт ороорой.
7
Түргэн хоол идэх
Шөнийн 2 цагт хачиртай талх идмээр санагдана. Гэхдээ биеэ сайтар тордох хэрэгтэй. Жирийн үед хийхээргүй байсан зүйлээ эдгээр өдрүүдэд ч хийх хэрэггүй. Бүтэн сарынхаа хөдөлмөрийг ганцхан өдрийн дотор үрэн таран хийж яах вэ дээ.
8
Зугаалах
Гэрээс гарах гэж өөрийгөө хүчлэх хэрэггүй. Таны бие тааруу байгаа шүү дээ. Бусад хүмүүс "сүртэй юм, ердөө л сарын тэмдэг шүү дээ" гэж хэлж магадгүй ч, та л өөрөө өөртөө санаа тавих хэрэгтэй юм. Тиймээс төлөвлөгөөнүүдээ санаа зоволгүй цуцалж орхиод гэртээ үлдээрэй.
9
Ажил
Бүсгүйчүүд маань нүд гялбам, хэн нэгнээс хараат бус амьдрахын тулд ажил хийх хэрэгтэй нь мэдээж. Гэхдээ эдгээр хүнд өдрүүдийнхээ нэгэнд чөлөө авлаа гээд дэлхий сөнөчихгүйг битгий мартаарай.
10
Шөнөжин сэрүүн байх
Эрт босвол таны сэтгэл санаа өөдрөг байх учраас ядаж сарын тэмдгийнхээ үеэр эрт орондоо орж, сайтар амарч байх хэрэгтэй юм.
