1 Сургааль үгс

Хүүхдээ ухаантай, аливаа зүйлсийн сайн мууг ойлгодог нэгэн болгохыг хүсч байвал та сургааль үгс хэлж өгч байгаарай. Зүгээр ч нэг хэлэх бус тайлбарлаж, ойлгуулах хэрэгтэй. 

2 Тэврэлт, үнсэлт

Бяцхан үрсэд өгч болох хамгийн гайхалтай бэлэг бол тэврэлт, үнсэлт билээ. 

3 Хамтдаа хооллох

Та хүүхэдтэйгээ орой бүр хамт хоол идэж чаддаг уу? Хэдийгээр бид үүнийг чухалчилж үздэггүй боловч хамтдаа идсэн амттай хоол бүхэн тэдэнд жаргалтай дурсамж болон үлддэг байна. 

4 Инээд хөөр

Хүүхдийн инээд шиг сайхан зүйл гэж хорвоо дээр үгүй болов уу? Иймд та өдөр бүхэн хүүхдээ инээлгэж, аз жаргалыг бэлэглээрэй. 

5 Аливаа зүйлсийн сайхан чанарыг олж харах чадвар

Аливаа зүйлсийн хар бараан тал гэхээс илүүтэй тэдгээрээс авч болох гайхалтай чанарууд, гоо сайхан зүйлсийг хүүхэддээ харуул. Таны хэлсэн үг үйлдлээс хүүхдийн тань ирээдүй хамаардаг юм. 

6 Алдааг нь ойлгох

Алдаа гаргахгүй хүүхэд байтугай хүн гэж үгүй. Тиймээс багахан алдаа гаргасан үрээ зэмлэхээс илүүтэй зааж зааварлаж, энэ нь асар том боломж гэдгийг ойлгуулаарай. 

7 Тууштай байдал

Аливаа зүйлд тууштай байснаар хүүхдүүд ирээдүйдээ амжилт бүтээлээр дүүрэн байх нөхцөл бүрддэг юм. Хүүхдээ багаас нь тууштай байдалд сургах нь хамгийн том бэлгийг өглөө гэсэн үг аж. 

8 Зорилго, мөрөөдөлтэй болгох

Мэдээж хүүхэд бүр бага байхаасаа мөрөөдөж ирсэн зүйл гэж байдаг. Харин эцэг эхийн эрхэм үүрэг бол тэдний хүслийг дэмжиж, хамтдаа зүтгэх явдал юм шүү. 

9 Цаг гаргах

Хүүхдэд үнэтэй тоглоом, идэх зүйлсээс илүү ажил ихтэй аав ээжтэйгээ хамт оройг өнгөрүүлж, хөгжилтэй зүйлс хийх сайхан байдаг гэдгийг та мэдэх үү? 

10 Анхаарлаа төвлөрүүлэх чадвар суулгах

Анхаарлаа сайн төвлөрүүлэх чадварыг хүүхдэд суулгаж өгөх нь тэдний ирээдүйд хийж байгаа хамгийн том хөрөнгө оруулалт юм. 

11 Бусдыг хайрлах сэтгэлтэй болгох

Хүн болж төрсний учир нь нэгнээ хайрлаж, тус дэм болох билээ. Харин энэхүү үзэл бодлыг хүүхдэд багаас нь суулгаж өгснөөр тэд ирээдүйд олны дунд нэр хүнд сайтай, хүн чанартай нэгэн болж төлөвшинө. 

12 Өөртөө сэтгэл хангалуун байж сургах

Ингэхийн тулд та хүүхдийнхээ хийсэн үйлдэл бүрийг магтан сайшааж, өөртөө сэтгэл хангалуун байх боломжыг гаргаж өгөх хэрэгтэй билээ. 

13 Сониуч

Хүүхэд гэдэг юу ч бичигдээгүй цэвэрхэн цаастай ижил. Харин тэднийг ямар хүн болгож хүмүүжүүлэх нь таниас хамааралтай юм. Аливаа зүйлсэд сонирхолтой, бүтээлч болгохын тулд үргэлж хамтдаа сонин содон зүйлсийг илэрхийлэх ёстой.

14 Өөртөө итгэлтэй байдал

Бүхнийг хийж чадна гэх итгэл нь ирээдүйд амжилттай байхад хамгийн чухал нөлөө үзүүлдэг. Харин хүүхдээ хэрхэн өөртөө итгэлтэй болгох вэ? Ердөө л тэднийг урамшуулж, чөлөөтэй ярилцахад хангалттай. 

15 Шийдэмгий болгох

Өөрийн гаргасан шийдвэртээ бат зогсох хүчтэй нэгэн болгохын тулд багаас нь хийж байгаа үйлдлийг нь хэт шүүмжилж болохгүй. Үнэхээр буруу зүйл хийсэн бол эвээр хэлж ойлгуулаарай. 

16 Урам зориг хайрлах

Хүүхэд гэдэг дэндүү өхөөрдөм, гэнэн. Тэдэнд багахан урам зориг өгөхөд л бүхнийг хийх хүч чадалтай болдог юм. 

17 Аливааг хийх хүсэл эрмэлзлэлтэй болгох

Хүсэл эрмэлзлэл гэдэг хамгийн чухал билээ. Юуг ч хийж бүтээхэд хүсэл хэрэг болдог. Харин үүнийг та хүүхэддээ суулгаснаар маш том бэлгийг өгч байгаа хэрэг юм. 

18 Өглөгч

Хүүхэд эцэг эхийнхээ толь гэдэг. Хэрэв та бусдад тусламжын гараа сунгаж, үргэлж бусдыг хүндэтгэж харьцдаг бол хүүхэд тань ч мөн тийм л болж хүмүүжнэ. 

19 Чөлөөтэй сэтгэдэг

Элдэв зүйлсэд баригдалгүй чөлөөтэй сэтгэдэг хүүхэд том болоод асар их амжилтын эзэн болдог жамтай. 

20 Шударга

Бага байхаасаа л шударга байж сурвал том болох тусам улам бүр мундаг, хүнлэг нэгэн болж төлөвшдөг. Харин та хүүхдээ шударга болгохын тулд өөрөө үлгэр дууриалал болж, шударга байх хэрэгтэйг анхаараарай. 

21 Мөрөөдлийн ертөнцөд амьдардаг болгох

Дээр дурдсанчлан хүүхэд бүрт мөрөөдөл байдаг. Харин тэрхүү мөрөөдөлд нь амьдруулж, улам бүр дэмжээрэй. 

22 Итгэл хайрлах

Хүүхэддээ итгэж, чадна гэдгийг нь ямагт мэдрүүлж байгаарай. Тэдэнд итгэл хүлээлгэж байгаагаа сайтар ойлгуулах хэрэгтэй. Гэхдээ итгэлийг тань алдлаа гээд зэмлэх нь хамгийн буруу үйлдэл юм шүү. 

23 Хүүхдүүдээ ялгаварлахгүй байх

Хүмүүс олон хүүхэдтэй болох тусмаа өөрийн мэдэлгүй аль нэгийг нь гомдоож орхидог. Энэ нь тэдний сэтгэлд арилашгүй толбо үлдээдэг тул үг үйлдлээ хянаж, үрсээ ижил хайрлаж байгаарай. 

24 Байгаль орчноо хайрлаж сургах

Бидний хоол тэжээл, амьсгалах агаар зэргийн үндэс болсон эх дэлхий, байгаль орчноо ямагт хайрлаж явахыг зааж сургаарай. Энэ нь хүүхдийг тань зөөлөн дулаан сэтгэлтэй нэгэн болгоно. 

25 Боломж гаргаж өгөх

Хүүхэддээ өсөж дэвших боломжыг нь гаргаж өг. Энэ нь эцэг эхчүүдийн эрхэм үүрэг билээ. Хүсч тэмүүлж  байгаа зүг рүү нь чиглүүлж, түлхэц нь болж өгөх хэрэгтэй юм. 

26 Өөдрөг үзэл

Хэдий амьдрал хар бараан байсан ч энэ бүхнийг өөдрөг үзлээр даван туулж болдог гэдгийг ухаан орсон цагаас нь ойлгуулах нь таны түүнд барьж буй гайхалтай бэлэг болно.

27 Амьдралаас суралцах

Мэдээж хүүхдүүд сургуулиас маш олон зүйлсийг сурч мэддэг боловч амьдрал үүнээс нь өөр болохыг ойлгуулах ёстой. Уран зохиолын гайхалтай ном уншуулж, утга агуулгатай кино үзүүлж, түүх ярьж өгөх гэхчлэн зөвхөн хичээл бус өөр зүйлсэд ч анхаарлыг нь хандуулаарай. 

28 Хүчтэй

Ирээдүйд тулгарах хүнд хэцүү бүхэнд эртнээс бэлдэж, хүчтэй, сэтгэлийн хаттай болгох хэрэгтэй. 

29 Бусдаас өөр байлгах

Хүн бүрт бусдаас ялгарах онцлог давуу чанар гэж байдаг. Харин үүнийг нь улам бүр хөгжүүлж, өвөрмөц нэгэн болгоорой. 

30 Өвөрөө өг

Та хүүхдэдээ ямар бэлэг авч өгөх вэ? гэж толгойгоо гашилгаж явна уу? Тийм бол зүгээр л түүнийг тэвэрч, өвөр дээрээ суулга. Энэ нь хүүхдэд тань юутай ч зүйрлэшгүй сайхан бэлэг болно. 

31 Амар тайван гэр

Хүүхдүүдийн авахыг хүсдэг бэлэг бол амар тайван гэр орон байдаг юм. Тэдний хувьд хичээлээ тараад гэртээ ирэхэд ээж нь орой хоолоо бэлдээд, аав нь намбайгаад сууж байх шиг жаргал гэж үгүй. 

32 Аз жаргалтай гэр бүл

Аав ээж нь хоорондоо харилцаа сайтай байхад тухайн гэр аз жаргалаар бялхдаг. Харин энэ нь таны хүүхэддээ барьж байгаа юутай ч зүйрлэшгүй том бэлэг гэдгийг ойлгоорой. 

33 Хайр

Хүүхдээ хайрладаггүй эцэг эх гэж хаана ч байхгүй. Гэхдээ та зөв хайрлаж чаддаг болов уу? гэдгээ сайтар бодоод үзээрэй.