10
Бартаат замын гүйлт
Энэхүү спортоор хичээллэснээр үсрэх, харайх болон гүйх чадварыг эзэмших бөгөөд энэ нь төдий чинээ хүүхдийн эрүүл мэндэд ач тустай байдаг байна. Бартаат замын гүйлт нь бусад спортуудыг бодоход олон жилийн өмнө үүссэн бөгөөд төдий чинээ олон сая хүн хичээллэдэг спортын төрөл юм. Хүүхдүүдээ таргалах, хөдөлгөөний дутагдалд орохоос сэргийлэх үүднээс уг спортоор хичээллүүлэхэд нэн тохиромжтой юм.
9
Талбайн теннис
Талбайн теннис нь нэгийн эсрэг нэг болон хоёрын эсрэг хоёр гэсэн төрлүүдээр хоорондоо өрсөлдөх боломжтой спорт юм. Тэр ч үүднээсээ хүүхдийг багаар ажиллах чадварт сургахаас гадна авхаалж самбаа, хурдан хөдөлгөөнтэй болгодог байна. Өнөөдрийн байдлаар АНУ-д хамгийн алдартай спортын 7 дугаар байрт талбайн теннис жагсаж байгаа аж.
8
Байт харваа
Байт харвааны спорт нь хүний анхаарлыг дээд цэгт нь төвлөрүүлж, аливаа зүйлсийг хийхэд илүү хянамгай, гярхай болгодог байна. Сонирхуулж хэлэхэд "The Archery" гэх үг нь Латин хэлний "Arcus" гэх үгнээс гаралтай, нум сум харвах гэсэн утгатай үг юм байна.
7
Унадаг дугуй
XIX зууны үед үүссэн дугуйн спортоор өнөөдөр дэлхий даяар ойролцоогоор нийт 1 тэрбум хүн хичээллэдэг гэсэн судалгаа байдаг байна. Хүүхдүүдийн хамгийн ихээр сонирхдог зүйлсийн нэг болох унадаг дугуй нь тэдэнд баяр баяслыг авчрахаас гадна цагийг зугаатай өнгөрөөхөд нь хамгийн ихээр эерэг нөлөө үзүүлдэг болохыг эрдэмтэд судлаж, тогтоожээ.
6
Гар бөмбөг
1964 оноос эхлэн Олимпийн их наадмын нэг төрөл болсон гар бөмбөгийн спортоор хичээллэх нь өндөр болох, үсрэлт сайжрах зэрэг олон давуу талтай байдаг байна. Хэрвээ та хүүхдийнхээ өсөлтөнд санаа зовж байгаа бол хүүхдээ гар бөмбөгийн дугуйланд явуулаарай гэж зөвлөе.
5
Бүжиг
Бүжиглэх гэдэг өнөөдөр бүхэл бүтэн спорт болтлоо хөгжинө гэж хэн санах билээ. Хүний биеийн уян хатан хөдөлгөөн, эвсэл шаарддаг бүжгийн спортоор хичээллэснээр таны хүүхэд өөртөө итгэлтэй, тэсвэр тэвчээртэй болохоос гадна дээр дурдсанчлан уян налархай хөдөлгөөнтэй болох аж. Мөн энэхүү спортоор хичээллэх нь давхар гимнастикаар хичээллэснээс өөрцгүй биеийн хөгжилд сайнаар нөлөөлдөг юмсанж.
4
Сагсан бөмбөг
Багаар ажиллахад сургаж, аливаа зүйлд төвлөрүүлж, амжилтанд хүрэхийн тулд эцсээ хүртэл тэмцэх чадварыг хүүхдэдээ эзэмшүүлэхийг хүсч байгаа бол сагсан бөмбөгийн спортоор хүүхдээ хичээллүүлэхийг танд санал болгож байна. Өнөөдөр худлаа хэлсэн хүнд бараг дэлхийн өнцөг булан бүрт уг спортоор хичээллэж буй хүмүүсийн тоо хэдэн саяар тоологдох аж. Мөн сагсан бөмбөгийн спортоор хичээллэх нь өсөлтөнд хамгийн сайнаар нөлөөлдөг гэдгийг бүү мартаарай.
3
Гимнастик
Уян хатан хөдөлгөөн, тэсвэр тэвчээрийг гимнастикийн спорт таны хүүхдэд бий болгох болно. Тэр ч үүднээсээ өнөөдөр олон улс оронд эцэг эхчүүд хүүхдүүдээ гимнастикийн дугуйланд явуулж байгаа юм. Түүнчлэн уг спортоор хичээллэснээр зөв тэгш, бие галбиртай болдог гэж ярих нь ч бий.
2
Хөл бөмбөг
Өнөөдөр дэлхий даяар 250 сая гаруй мэргэжлийн хөл бөмбөгчин улс орнуудын лигт тоглодог гэсэн судалгаа байдаг байна. Энэ нь уг спортыг сонирхон хичээллэж буй хүмүүсийн тоо ямар их байгааг харуулж байгаа хэрэг юм. Түүнээс гадна дэлхийн 200 улс оронд хөл бөмбөгийн спорт үндэс сууриа тавьж, хөгжсөн байна. Тийм ч учраас дэлхийн хамгийн алдартай, олон үзэгчидтэй спортын 5 дугаар байранд жагссан биз ээ. Хурд, хүч, авхаалж самбаа, багаар ажиллах чадварыг хүүхдэдээ эзэмшүүлэхийг хүсч байвал хөл бөмбөгийн спортоор хичээллүүллэх нь хамгийн тохиромжтой юм шүү.
1
Усанд сэлэлт
Усанд сэлэлтээр хичээллэснээр зөв тэгш бие галбиртай болох давуу талтай байдаг бөгөөд тэсвэр тэвчээр, хатуужлыг бий болгодог байна. Дэлхийн хэд хэдэн улс орнуудад хийсэн судалгаагаар эцэг, эхчүүд хүүхдээ усанд сэлэлтийн спортоор түлхүү хичээллүүлэх хүсэл сонирхолтой байна гэсэн үр дүн гарчээ.
Өөр ямар спортоор хүүхдээ хичээллүүлбэл тохиромжтой вэ?
