Юунаас болж хамар битүүрдэг вэ?
Хамар битүүрэх нь олон шалтгаантай байдаг бөгөөд ихэнх тохиолдолд харшил, дутуу эдгэсэн ханиад, томуу, хамраа хэт дааруулснаас болж битүүрдэг. Түүнээс гадна хүрээлэн буй орчны нөлөөлөл болох тоос, тоосонцор, химийн найрлага бүхий бүтээгдэхүүнүүд, тамхины утаа зэргээс болж хамар битүүрдэг аж.
Илрэх шинж тэмдэг
- Халуурах
- Хоолой хуурайших
- Найтаах, ханиалгах
- Толгой өвдөх
- Нүднээс нулимс гарах
- Сульдах
Хамрын арьсаа арчлах
Хамрын дусаалгаа хэрэглэсний дараа хамрын арьсаа арчлах хэрэгтэй бөгөөд хэтэрхий хуурай байснаас болж битүүрэхэд хүргэдэг байна. Ингэхийн тулд вазелин болон чийгшүүлэгч хэрэглэвэл тохиромжтой ажээ. Харин үүний дараа нойтон салфеткаар хамрын битүүрсэн хэсгийг зөөлөн дарж, массаж хийгээрэй.
Хэт хурц гэрэл ашиглах
Хурц гэрэлд байх нь хамар битүүрэх хэд хэдэн хүчин зүйлүүдийн нэг бөгөөд нүд маш ихээр ядраадаг байна. Улмаар нүд ядарснаар хамар битүүрэх бөгөөд энэ нь нүд болон хамар гэсэн эрхтнүүд хоорондоо холбогдсон байдагтай холбоотой юм.
Зарим хүнсний бүтээгдэхүүнээс татгалзах
- Сүү
- Цавуулаг бүтээгдэхүүн
- Буурцаг
- Дун
- Төрөл бүрийн самар
- Царцаамаг
Хурц үнэрээс хол байх
- Тамхины утаа
- Сүрчигний үнэр
- Агаар чийгшүүлэгч
- Агаарын бохирдол
Хамрын дусаалга хийх
Хамрын дусаалга бэлтгэхийн тулд танд ердөө давс болон ус байхад л хангалттай. Далайн болон хүнсний зориулалттай давснууд хоёул тохирох бөгөөд өмнө хэрэглэж байсан ямар ч хамаагүй хамрын дусаалганы сав бэлдэхээ мартуузай. Хэрвээ та иодын харшилтай бол энэ уусмалыг хийсний хэрэггүй ажээ.
Хийх заавар:
- Саванд усаа хийж, буцалгана
- Буцлаад ирмэгц 1/2 хоолны халбагаар давсаа хийж, үргэлжлүүлэн өндөр температураар буцалгана
- Ингэснээр усан доторх элдэв нян бактери устана
- Буцалгасны дараа хамрын дусаалганы савандаа хийнэ
Хужир нэмж хийх
1/2 хоолны халбага хужир дээрээс нь хийж, сайтар хольно. Бэлэн болсон хамрын дусаалгаа хөргөгчинд хийж, хоёр хоног хонуулсны дараа хэрэглэвэл тохиромжтой.
Хамрын дусаалгаа хэрэглэх
Энэхүү хамрын дусаалга нь цүнх болон халаасандаа хийж, авч явж болохуйц жижигхэн хэлбэртэй учраас санаа зовох хэрэггүй бөгөөд хаана, хэдийд ч хэрэглэж болох юм. Түүнээс гадна амьсгалахад хүндрэлтэй болж, хамар битүүрэх үед уг дусаалгыг хэрэглэх хэрэгтэй бөгөөд хамар битүүрээгүй байхад хэрэглэх нь үр дүнгүй байдаг байна. Мөн бусад хамрын дусаалгыг бодвол хоолой хорсгохгүй байх ач тустай ажээ.
Хоолойгоо чийглэг байлгах
Уг дусаалгыг хэрэглэхийнхээ хажуугаар хоолойгоо чийглэг байлгах хэрэгтэй бөгөөд үүний тулд буцалсан ус хөргөж уувал тохиромжтой юм. Мөн халуун цай болон тахианы шөл уух нь үр дүнтэй байдаг гэнэ. Өдөрт 8-10 аяга уус ууснаар хамар битүүрэхийг зогсооход тодорхой хэмжээний үр дүнтэйгээс гадна дотор эвгүйрхэх, гэдэс өвдөхгүй байлгах ач холбогдолтой байна.
Эмчид хандах
Хэрвээ энэхүү хамрын дусаалга үр дүнгээ өгөхгүйгээр барахгүй таны хамар бусад эмийн сангуудаар зарагдаж байгаа хамрын дусаалганд онгойхгүй байвал эмчид хандах хэрэгтэй гэдгийг анхаарна уу. Учир нь удаан хугацаанд хамар битүүрч явснаас болж толгой өвдөх, амьсгал бөглөрөх, ханиад, томуу тусах аюултай ажээ.
