Энэ талаар 6IX төслийн менежер Б.Анхбаяраас цөөн асуултад хариулт авлаа.

-Монголын анхны насанд хүрэгчдэд зориулсан дижитал сэтгүүл өөрийн нэрээр нэрлэсэн реалити шоутай болж байгаа юм байна. Энэ шоуг хамтран зохион байгуулах болсон шалтгаан юу байв.

-Монголын анхны +18 шоу болох “Playmate 2015-г өнгөрсөн жил Отв зохион байгуулж байсныг та бүхэн санаж байгаа байх. Тухайн үед шоу залуусын анхаарлыг татаж, оролцогчдын зургийг маш олон хүн үзсэн байдаг юм. Энэ бол Монголдоо анхны энэ төрлийн шоу байсан. Шоу манай 6IX брендийн бодлого зорилготой нийцэж байсан учир хамтарч ажиллахаар болсон. Тун удахгүй үзэгчдийн хүртээл болох гэж байна.

-Тэмцээнд оролцогчдыг хэрхэн сонгож авдаг вэ? Энэ удаагийн тэмцээнд хичнээн бүсгүй бүртгүүлснээс хэд нь шалгарч оролцов?

-Оролцогчидоо янз бүрээр бүртгэсэн. Заримд нь оролцох санал тавьсан бол зарим нь өөрсдөө бүртгүүлсэн гэх мэт 40 гаруй оролцогчоос сонгон шалгаруулт хийсэн. Ингээд найман бүсгүй реалити шоунд оролцож байна. Олон төрлийн зураг авалт, зураг авалтын дундуурх охидын харилцаа, тэдний үзэл бодол гээд олон зүйлийг шоу маань харуулна. Тиймээс аравдугаар сарын 10-наас сувгаа Отв дээр тааруулаарай.

-Бүтэн сарын хугацаанд шоу Отв-гээр гарна. Харин цаашид энэ төрлийн контентийг цаг харгалзалгүй үзэх боломжийг бас олгох байх?

-Тэгэлгүй яах вэ. “6IXmate 2016” шоу маань Отв-гээр цацагдахын хамтаар Mobiplay үйлчилгээгээр зэрэг цацагдана. Өнгөрөн жил телевизээр үзэж амжаагүй хүмүүс хэрхэн үзэх талаар санал хүсэлт тавьсны дагуу бид Mobiplay үйлчилгээнд шоуныхаа бүх дугаарыг тавихаар болсон. Тиймээс үзэгчид хүссэн цагтаа хүссэн дугаараа үзэх боломжтой болж байгаа юм.

Мөн дижитал сэтгүүлийн шинэ дугаараас найман гоо бүсгүйн зураг, видеог ч хүлээн авах боломжтой болж байна.

-Хэдхэн хоногийн дараа тэгвэл бид залуусын дунд “бүүм” болох нэвтрүүлгээ хүлээж авах нь. Харин 6IX төсөл цаашид ямар төлөвлөгөөтэй ажиллах вэ?

-Төслийн хүрээнд олон олон шинэ контент бүтээхээр ажиллаж байна. Удахгүй эхнээс нь танилцуулаад явна.