1
Эргэн тойронд байгаа хүмүүсийг аз жаргалтай болгох
"Framingham Heat Study"-ийн зүгээс хүнийг ямар нөхцөлд аз жаргалтай байдаг тухай бүтэн 20 жилийн турш судалгаа явуулахад хариуд нь хүн эргэн тойрондоо инээмсэглэл тодруулан, аз жаргалтай хүмүүс байгаа нөхцөлд бусад үетэй харьцуулахад илүү аз жаргалтай байдаг болохыг нотложээ. Тэгэхээр инээмсэглэл нь ганц таны бус, бусдын уйтгар гунигийг ч бас үлдэн хөөх ач тустай байдаг аж.
2
Сайхан мэдрэмж төрүүлэх
Сэтгэл санаа тавгүй, бухимдаж явах үед нүүрэндээ инээмсэглэл тодруулан, аз жаргалтайгаар алхаж яваа хүмүүсийг хараад өөрийн эрхгүй сайхан мэдрэмж төрдөг шүү дээ. Таны инээмсэглэл магадгүй хэн нэгэнд урам зориг, итгэл найдвар төрүүлэх ч юм билүү?
3
Авъяас чадвараа хөгжүүлэх
Хүн ихэвчлэн стресстсэн эсвэл сэтгэл түгшсэн үедээ өөрийгөө тасралтгүй хөгжүүлж байх гэсэн бодлоосоо ухарч, няцахад хүрдэг байна. Харин энэ бүгдээс ангижрах ганц арга зам бол нэгэнт болоод өнгөрсөн зүйлийг ардаа үлдээж, нүүрэндээ инээмсэглэл тодруулан урагшлах явдал болохыг судлаачид хэлж байна.
4
Ямар ч үед өөдрөг үзэлтэй байх
Ямар нэгэн зүйл танд таалагдахгүй ч юм уу, аль эсвэл дургүйг чинь хүргэж байгаа үед зүгээр л инээмсэглээд өнгөрөөх хэрэгтэй бөгөөд энэ нь таныг амьдралд тохиолдох хэр баргийн асуудлуудад амархан шантралгүй, давж гарах үндэс болж өгдөг аж.
5
Амжилттай байх
Амжилтын оргилд гарч, бусдаас хэдэн алхмын урд яваа хүмүүсийн энэ өндөрлөгт хүрсэн хамгийн том шалтгаануудын нэг бол үргэлж инээмсэглэх болохыг судлаачид мөн олж тогтоосон байна. Тэд үргэлж бусдын сэтгэлийг инээмсэглэл тодруулан эелдэг, боловсон харьцах зан чанараараа өөртөө татдаг бөгөөд тэдний зорьсон зорилго төдий чинээ ногоон гэрлээр бүтэх магадлал хамаагүй өндөр байдаг ажээ.
6
Амьдралыг бэлэг хэмээн хүлээн авах
Байнга инээмсэглэж явдаг хүмүүс нь хамгийн өөдрөг үзэлтэнгүүд байдаг аж. Тэд амьдралд тохиолдох элдэв саад бэрхшээлүүдэд амархан өвдөг сөхөрдөггүй бөгөөд эдгээр зүйлсийг байх л асуудал хэмээн үздэг аж. Энэ нь ч амар юм. Учир нь хэрэгтэй, хэрэггүй зүйлд гутарч, сэтгэл санаагаар унаж, амьдралынхаа үнэт цагаасаа хумслах хэрэггүй шүү дээ.
7
Өөрт байгаа зүйлээрээ бусдад туслах
Бурхан хүнд олон сайхан зан чанарыг өгсөн бөгөөд тэдгээрээс бусдад туслах нь буян хураах сайн үйлд тооцогддог билээ. Хэн нэгэнд ямар нэгэн зүйл дээр тусламж хэрэг болж байдаг билээ. Бусдад тусалсны хариуд ирэх талархал танд өөрийн эрхгүй сайхан мэдрэмжийг төрүүлж, өөрийн эрхгүй нэг л мэдэхэд нүүрэнд тань инээмсэглэл тодруулах нь гарцаагүй юм.
8
Бусдыг сэтгэл санаагаар дэмжих
Инээмсэглэж явдаг хүмүүс нь ихэвчлэн сайхан сэтгэлтэй хүмүүс байх бөгөөд үргэлж бусдад туслахыг хичээнгүйлэн эрмэлзэж байдаг ажээ. Амьдралд сэтгэл санаагаар унаж, гуниж гутрах үе бишгүй дээ л олон тохиолддог шүү дээ. Тэр бүрт дорхноо юу ч болоогүй юм шиг хандах хүмүүс цөөн байдаг учраас хэн нэгэнд таны тусламж дэмжлэг хэрэг болох нь дамжиггүй юм.
9
Амьд харилцааг эрхэмлэх
Сайхан инээмсэглэлийг нүүрэндээ тодруулдаг болсноор илүү амьд харилцааг эрхэмлэх бөгөөд энэ нь бусадтай харилцах харилцааг тань илүү эелдэг, боловсон болгох ач тустай байдаг аж. Сүүлийн үед интернетээс үүдэж хүмүүс ихэвчлэн зайнаас хоорондоо харилцаж байгаа нь амьд харилцааг үгүй хийж буй гол шалтгаан болоод байгаа юм. Таныг сайхан инээмсэглэл тодруулан хэн нэгэнтэй харилцахад дургүйцэх хүн бараг л байгүй болов уу.
10
Сэтгэл зүрхээрээ мэдрэх
Чин сэтгэлээсээ инээмсэглэх нь танд эргүүлээд аливаа зүйлийг сэтгэл зүрхнээсээ мэдэрдэг, ойлгодог болоход тусалдаг аж. Өмнө нь аливаа зүйлд өнгөцхөн хандаж, чухал зүйлсийг мэдэлгүй, үл ойшоодог байсан бол инээмсэглэж хэвшсэнээр аливаад чин сэтгэлээсээ ханддаг болох нь ээ.
