1
Хаваастай куртик
Нэгэн үе охид бүсгүйчүүдийн дунд моодонд ороод, гарсан хаваастай, нугалаа, хуниас ихтэй куртик нь энэ хавар намрын чухал загваруудын нэг болоод байна. Ур богино, өргөн нарийн гээд өөрт таалагдсан загварыг сонгоорой.
2
Өнгө, өнгийн хилэн хувцас
Яг үнэндээ хилэн хувцас нь бидний хувцаслах хэв маягаас бараг л хасагдаад байсан гэхэд хилсдэхгүй билээ. Тэгвэл энэ намар, тэдгээр хувцаснууд хүч түрэн орж ирж байна. Энгийн этгээд загварыг хослуулсан өнгө, өнгийн хилэн хувцаснаас имижээ бүрдүүлээрэй.
3
Өргөн том цамц, дэрэвгэр урт юбка
Өргөн хэлхгэр, сул ноосон цамцан дээр, энгийн эмэгтэйлэг загварлаг юбка өмсөх моод дэлгэрчээ. Магадгүй та эдгээрээс санаа аваад туршаад үзэж болно шүү дээ.
4
Гялгар материалтай цув
Гялгар материалтай цув, өмд гээд л борооны ус нэвтрэхгүй, гял цал өнгө төрх энэ намрыг илэрхийлэх гэнэ. Хотын гудамжаар охид бүсгүйчүүд ийнхүү хувцаслаад явбал та битгий гайхаарай.
5
Тоног ихтэй хувцас
Бид урьд нь энд тэндээсээ унжиж санжганасан, тоног ихтэй хувцаснаас аль болох татгалздаг байсан шүү дээ. Харин энэ жилийн хувьд эдгээр загварууд охидын шинэ трэнд болоод байгаа юм.
6
Нэхий хүрэм
Саяхныг болтол моодонд орж, дэлгэрээд байсан нэхий хүрэмнүүд энэ жилийн хавар, намар дахин орж ирлээ. Хуучин хүрмээ гаргаад, хотын гудмаар итгэл төгс алхаарай бүсгүйчүүдээ...
7
Цэцгэн хээтэй даашинз
Зун цагийг илтгэх өнгөлөг, гоёмсог цэцгэн хээтэй даашинзууд, загварын ертөнцөд хүч түрэн орж ирлээ. Цэцгэн хээ нь хэзээд охид бүсгүйчүүдийн хувьд, сонгодог загваруудын нэг байсаар ирсэн билээ.
8
Жинсэн хүрэм
Бидний эртний танил, эрхэм анд болсон жинсэн хүрэмнүүд энэ хавар, намар ч гэсэн зонхилох нь ээ. Өнгө, загварын хувьд харилцан адилгүй бөгөөд, урт богино, өргөн нарийн нь таны сонголтоос шалтгаалах юм.
9
Хүзүүний алчуур
Хүзүүний алчуур нь хэзээд охид бүсгүйчүүдийн дотны анд байсаар ирсэн. Гадаад үзэмж нэмэхээс гадна, сэвэлзүүр салхинаас хүзүү нүүрийг хамгаалах шидтэй билээ.
10
Мөр гарсан цамц
Энэ зуны охид бүсгүйчүүдийн таашаалд нийцээд байсан, мөр гарсан даашинз, цамц нь мөн л энэ намар таны сонголт болох нь ээ.
11
Цэрэг загвартай хүрэм
Цэрэг загварын дэгжин хүрэм нь энэ хавар намрын өнгө төрхийг тодорхойлж байна. Үнэхээр содон, гайхалтай харагдаж байгаа биз.
12
80-аад оныг санагдуулам өргөн, том мөр
Яг л 80-аад оныг санагдуулам том, өргөн мөр нь энэ жил таныг хувцасны чиг хандлагыг тодорхойлох ажээ. Магадгүй ийнхүү хувцасласан бүсгүйчүүд гудманд тааралдвал та нэг их гайхахгүй болов уу.
13
Торгон хувцас
Дэндүү эмэгтэйлэг, сэтгэл татам торгомсог даашинзууд энэ намар таныг чимэх юм. Бага зэрэг сонин санагдах ч урт цув, цамцан дээр үнэхээр гайхалтай харагдах болов уу.
14
Мөр гарсан хүрэм
Мөр гарсан цамц давамгайлаад байсан бол, энэ төрлийн цув, гадуур хүрэмнүүд дэлгэрэх ажээ. Эсвэл хувцасныхаа мөрийг ийн гаргаад явж ч болох шүү дээ.
15
Өндөр өсгийтөн дээр оймс өмсөх
Бид саяхан л оймсон дээр сандаал өмсдөг бүсгүйчүүд үнэхээр муухай, онцгүй харагддаг хэмээж байсан бол, энэ жилийн тухайд эдгээр загвар нь хүч түрэн орж ирж байна. Цаг цагаараа байдаггүй ээ гэж...
16
Бөмбөлөгөн мөртэй цамц
Нэгэн үе ийм төрлийн цамцнууд ихээхэн моодод ороод байсан. Харин энэ намрын тухайд эдгээр загварууд эргэн ирэх нь ээ.
17
Үдээстэй гутал
Үдээстэй гутал нь хэзээд охид бүсгүйчүүдийн маань үнэнч сонголтуудын нэг байсаар ирсэн билээ. Энэ намар, хаврын тухайд ч хэвээрээ байгаа юм.
18
Урт бээлий
Урт бээлий, богино ханцуйтай хүрэм энэ хаврын сонгодог загвараар нэрлэгдээд байна. Хэрэгжүүлээд үзээрэй бүсгүйчүүдээ.
19
Шагайны оруулгатай өмд
Шагайн оруулгатай тирко байдгийг мэдэхээс, өмдний тухайд бидний дунд тийм ч түгээмэл загваруудын нэг биш шүү дээ. Харин энэ намрын тухайд тэдгээр загварууд моодонд орох ажээ.
20
Өрөөсөн ээмэг
Зурагт үзүүлсэн шиг өрөөсөн том, жижиг ээмгүүд энэ намрыг чимэх гэнэ шүү. Охид бүсгүйчүүд минь ээмгээ хаясан бол битгий сэтгэлээр унаарай.
