1 Нүүрээ хэт тулгаж зураг дарах

Хэрвээ та яг л нэг аварга үлэмж биет мэт харагдахыг хүсээгүй бол нүүрээ хэт ойрхоноос, тулгаж авах хэрэггүй. Ингэснээр таны царай зурган дээр мэлгэр том гарах талтай.

2 Хаанаас илүү үзэсгэлэнтэй харагддагаа мэдэх

Юун түрүүнд, та өөрийн зургийг тал бүрээс дарж үзээрэй. Үүнийхээ дараа зургуудаа харьцуулан үзэж, аль талаасаа илүү үзэсгэлэнтэй харагддагаа олж мэдэх боломжтой. 

3 Эрүүгээ хэт өргөх хэрэггүй

Зургаа авахуулахдаа эрүүгээ ийнхүү өргөж авахуулах нь таныг илүү жин ихтэй, махлаг харагдуулах талтай. Ялангуяа давхар эрүүтэй , шанаа томтой харагддаг.

4 Хацраа хонхойлгох

Зарим бүсгүйчүүд зурган дээр хацраа илүү туранхай, жижигхэн харагдуулахын тулд ийнхүү хацраа сорж, хонхойлгодог. Ингэснээр та харин ч хиймэл, онцгүй харагдах болно шүү.

5 Нүдээ бүлтийлгэх

Бүлтгэр том нүдтэй харагдахыг тулд хүчээр том харах хэрэгтэй гэж үү? Харин түүний оронд илүү хөмсгөө бага зэрэг өргөж өгвөл, та илүү нууцлаг, үзэсгэлэнтэй харагддаг.

6 Духаараа харах

Бүсгүйчүүдийг анзаараад байхад тэд зурган дээр духаараа харах гээд байдаг. Ингэснээр таны үзэсгэлэнтэй, зөөлөн дөлгөөн царай тань ширүүсч, их түрэмгий харагдах болно.

7 Толгой цэх, харц дээгүүр

Энэ нь мэдээж эрүүгээ хэт өндөр, эсвэл нам байлгахын нэр биш юм. Та цэх, харц дээгүүр байвал илүү жавхаалаг, үзэсгэлэнтэй харагдаж чадна шүү.

8 Уруулаа түмбийлгэх

Төрөлхөөс заяагаагүй бумбагар уруулыг яаж л түмбийлгээд сайхан харагдахгүй. Харин ч таныг ил хиймэл, таагүй харагдуулах талтай. Түүний оронд нүдээрээ мишээж, сайхан инээмсэглэхэд л хангалттай юм. 

9 Ярзайтлаа инээх хэрэггүй

Чин сэтгэлээсээ сайхан инээмсэглэхэд зурган дээр маш үзэсгэлэнтэй харагддаг. Гэвч буйлаа гялалзуулаад шүдээ ярзайтал инээх нь тохиромжгүй. Харин түүний оронд мишээх, энгийн сайхан инээмсэглээрэй.