1 Спортын талаарх мэдлэгээ тэл

Эрэгтэй хүн бүр спортод хайртай байдаг юм. Тиймдээ ч өөртэйгээ адил сонирхолтой бүсгүйд өөрийн эрхгүй татагдаж байдаг жамтай. Хэрэв та үнэхээр л түүнд таалагдаж, яриа нийлэхийг хүсч байвал спортын талаарх мэдлэгээ тэлээрэй. Спортод нэг л дурлах аваас хичнээн гайхалтай зүйл болохыг мэдэрч, хэзээ ч хөндийрч чадахааргүй болдог байна. 

2 Бүхий л зүйлсийг оролдож үз

Бүхий л зүйлсд идэвхитэй, дайчин бүсгүйд дурлахгүй залуу гэж үгүй. Үүнийг дагаад таны өөртөө итгэл итгэл нэмэгдэж, ойртох төдийд сүрдэм сайхан харагдах юм. Зөвхөн тухайн залуу амьдралын тань хамгийн чухал зүйл биш, танд өөр чухал олон зүйлс байдаг гэдгийг харуулах хэрэгтэй юм шүү. Ингэснээр залууд таныг таньж мэдэх гэсэн сонирхол төрж эхлэх аж.

3 Цэвэрч

Цэвэр цэмцгэр бүсгүй хүн хамгаас үзэсгэлэнтэй, дур булаам харагддаг билээ. Та өөрийн энэхүү чанараа дурлалт залуудаа ч мөн харуулж, давуу талуудаа гайхуулаарай. Эрэгтэй хүн бүр сайн гэрийн эзэгтэйг хүсч мөрөөддөг бөгөөд түүний хүслийг биелүүлэх хүн зөвхөн та гэдгийг түүнд мэдрүүлэх хэрэгтэй. Харин бохир, задгай бүсгүйн тухайд амжилт тун багатай байдаг нь нууц биш юм.

4 Устаараа оролдох хэрэггүй

Энэ нь яг л тухайн залууг хүндлэхгүй байгаа мэт сэтгэгдэл төрүүлэх болно. Тиймээс та түүнтэй хамт байхдаа утсаа оролдож, бүдүүлэг аашлах хэрэггүй юм. Энэ нь түүнийг өөрт тань дурлуулах биш харин ч үргээж мэдэх байна. 

5 Найзуудтай нь нөхөрлө

Хэрэв та үнэхээр л тус залууг өөрийн болгохыг хүсч байвал найз нөхөдтэй нь дотносож, найзлахыг хичээ. Хүн бүр л найзынхаа үг, үзэл бодлыг хүндэтгэж үздэг тул таныг сайхнаар харахад тэдний тусламж хэрэг болох аж. Бусдад сайхан сэтгэгдэл төрүүлж, өөрийгөө онцгой нэгэн гэдгээ мэдрүүлэх хэрэгтэй бөгөөд энэ нь явсаар өнөөх залуугийн чихэнд хүрч өөрт тань дурлуулах болно.

6 Шударга бай

Ямар ч харилцаанд хамгийн чухал зүйл бол яалтчгүй шударга, үнэнч байдал юм. Түүнд таалагдах гэж хуурамч дүр эсгэж, хээнцэр нэгэн болох гэсний хэрэггүй. Зүгээр л өөрийнхөөрөө шударга байх нь илүүтэй үр дүнтэй билээ. Нүүрэндээ баг зүүж, худал аашилж байгаа тань түүнд хормын төдийд л мэдэгдэх бөгөөд хайрлах гэхээсээ илүүтэй холдон одох хүслийг төрүүлэх байна.

7 Төгс бай

Нүүрээ будаж, хүчирхэгжин, хумсаа будаж өнгөлөг нэгэн болохыг хичээх хэрэгтэй юм. Эрэгтэй хүнээс ялгарах гол онцлогуудаа илүүтэй тодотгож өгөөрэй. Эрчүүд бүсгүйчүүдийг дур булаам хүчирхэг байхад дуртай бөгөөд өөрийн мэдэлгүй л хайлан урсдаг билээ. 

8 Түүнийг дэмж

Хийж байгаа зүйлсэд нь чадахаараа тусалж, хайр халамжыг мэдрүүлж байгаарай. Эр хүнд ердөө л таны сайхан сэтгэл, халамж хайр л хэрэгтэй байдаг тул тэдний хүслийг гүйцэлдүүлж урам зориг хайрлаж байвал зохилтой. Ийн явсаар нэг л мэдэхэд тэр танд уусан шингэсэн байх болно. 

9 Цоглог бай

Эрч хүчээр дүүрэн эмэгтэй хүн бол эрдэнэс л гэсэн үг юм. Харин энэхүү эрдэнэсийг алдахыг хүсэх эр хүн гэж үгүй билээ. Тиймээс одооноос сэргэж, өөртөө онцгой анхаарал хандуулж, хайртай залуугаа араас тань гүйтэл хажуугаар нь дэгжин алх. 

10 Дур булаам төрх

Мэдээж дур булаам төрх нь эмэгтэй хүн бүрт зайлшгүй байх ёстой юм. Энэ нь эрчүүдийг өөртөө татах нууц зэвсэг болдог бөгөөд эгэлгүй тансаг байдал тань эрчүүдийн зүрхийг соронзон мэт татах аж. 

11 Хөгжилтэй бай

Эрэгтэй хүн бүр хөгжилтэй бүсгүйчүүдийн төлөө юугаа ч өгөхөөс буцахгүй. Тэд хором мөч бүрийг хөгжилтэй, хамгаас зугаатай, мартагдашгүй болгож чаддаг төдийгүй хэнийг ч өөртөө дурлуулах чадвартай байдаг билээ. Тиймээс та ч мөн дурлалт залуугаа өөртөө татахыг хүсвэл аль болох хөгжилтэй, өхөөрдөм нэгэн байхыг зориод үзээрэй. 

12 Түүнийг өөрийнхөө ертөнцөд оруул

Та түүнийг өөрийнхөө онцгой, нууцлаг ертөнцөд татан оруулаарай. Хүнд хэцүү, хөөр баяртай мөчүүдээ түүнтэй хуваалцаж, амьдралынхаа салшгүй нэгэн хэсэг болгоод нэг үзэх ёстой аж. Гарцаагүй тэр таниас ганц хором ч холдож чадахааргүй болох юм. 

13 Сайхан хоол

Эрчүүдийг ходоодоор нь татдаг гэгчээр сайхан хоол хийдэг бүсгүйчүүд хэнийг ч өөртөө дурлуулах бүрэн боломжтой. Эрэгтэй хүн бүр ирээдүйн эхнэрээ яг л ээж шигээ байгаасаа хэмээн хүсдэг тул та түүнийг сайхан хоолоор урхидаж, сайн халамжилж өөрийн болгоорой. 

14 Түүнийг сонс

Та ямагт түүний сайн хамтрагч, ярилцагч нь байх хэрэгтэй. Ярьж байгаа бүхнийг нь чих тавин сонсож, яаралгүй ярианд нь уусан шингэ. Таны ийн түүнийг анхааралтай сонсож байгаа нь залууд гайхалтай сэтгэгдэл, мэдрэмжийг төрүүлж, өөр өнцгөөс харах боломжыг олгох аж. Хайрлана гэдэг хүндлэхийн нэр бөгөөд хэрэв та үнэхээр л тухайн залуудаа хайртай бол хүндлэл үзүүлж, үүнийгээ ч мэдрүүлэх хэрэгтэй юм.