1
Халамжлагч
Айл бүрт л бусдыг халамжилдаг, хайр халамжаа гэрийнхэндээ түгээдэг хүн байдаг. Магадгүй бидний ээжүүд л үүнтэй дөхөж очих болов уу. Тэрээр хүн бүрийн зовлонг анхааралтай сонсож, туслахад хэзээд бэлхэн байдаг. Мөн өвдсөн үед аяга халуун шөл уулгаж, чадах чинээгээрээ бөөцийлөн торддог юм.
2
Хянагч
Тэд бол бүхнийг хяналтандаа байлгадаг. Хэн гарч орж байгаа, үүргэт ажлаа хийсэн эсэхийг ямагт шалгадаг. Мөн гэр бүлийн зугаалга, ямарваа нэгэн арга хэмжээг зохион байгуулж, бүхнийг удирдан зохицуулдаг аж.
3
Энхтайвныг цогцлоогч
Гэрт болж буй бүхий л зөрчилдөөн, маргааныг тасалж, энхтайвныг сахиулдаг. Зөрчилдөөний учир, шалтгаан, хэрхэн дахин үүсэхгүй байх тал дээр анхаарч ажилладаг байна. Тэдгээр хүмүүсгүйгээр гэр бүл салж бутран, таагүй харилцаатай болох нь бий.
4
Будлиан таригч
Айл бүрт л нэг будлиан таригч байдаг. Тэдгээр хүмүүс хүмүүсийн хооронд яс хаях, талцуулах, хооронд муудалцуулж ч болдог байна. Гэвч тэд үнэндээ өөрийн юу хийж буйдаа төдийлөн итгэлтэй биш, бодлогогүй үг, үйлдлээсээ болж үргэлж асуудалд орж байдаг.
5
Чимээгүй нэгэн
Тэд бол маш чимээгүй. Тэдний юу бодож байгаа нь үнэхээр сонирхол татмаар... Ямар нэгэн байдлаар айл бүрт иймэрхүү нууцлаг, маш дуугүй, даруухан нэгэн байдаг. Тэдэнтэй харилцахад хүндрэлтэй боловч, нэг учраа олсон байхад үнэхээр сайн найзууд байж чаддаг ажээ.
6
Бүхнийг инээлгэгч
Үргэлж л бусдыг инээлгэж, гэрт инээд цалгиан бэлэглэж байдаг хүмүүс байдаг шүү дээ. Тэд алиалагчтай тун төстэй. Хормын дотор хүмүүсийг инээлгэж, түүнийг байхгүй үед амьдрал үнэхээр уйтгартай санагддаг. Танай гэрт ийм нэгэн байдаг л биз дээ..
7
Ёжлогч
Бусдыг үгээр идэж, ёжлон таагүй хандалагатай хүмүүс айл бүрт л байдаг. Тэдэнтэй харилцахад үнэхээр бэрх юм. Учир нь инээж байгаад ч эсрэг хүнээ үгээр ёжлон, таагүй хандах нь бий. Гэвч энэ нь ердөө л тэдний хандлага гэдгийг санаж байх нь зүйтэй.
8
Бусдыг холбогч
Уурлаж бухимдсан, гэрээсээ явсан, гомдол эрсэн бүхнийг учруулан, уур гомдлыг тайлж байдаг хүн ч мөн айлд байдаг. Тэд айлын хэрүүл маргааныг шийдвэрлэж, бүхнийг эв зүйд нь оруулахад тусалдаг юм.
9
Чанга дуутай нэгэн
Яг л чанга яригчыг санагдуулам, чанга дуутай нэгэн танайд байдаг уу?. Энгийн үедээ ярьж байгаа нь ч үнэхээр чанга, стресстүүлмээр тийм хүмүүс айл бүрт л байдаг биз. Маш шуугиантай, чимээ ихтэй хүмүүс юм. Тэд өөрийн дуу нь бусдад тэгтлээ хүндрэл учруулдгийг төсөөлөх ч үгүй байгаа...
10
Сайхан хоол хийдэг
Гэрт тань үнэхээр сайхан хоол хийдэг хүн байх л ёстой. Айл бүрт ямар нэгэн байдлаар сайхан хоол хийдэг, ажилсаг нэгэн байдаг. Гэрийнхнийхээ буулгаж, сүйтгэсэн зүйлсийг цэвэрлэж, үргэлж тогоо барьдаг юм. Энэ нь яг л тэдний үүрэг гэлтэй...
11
Гэрийнхээ алдаа, үүрэг хариуцлагыг үүрэгч
Энэ нь магадгүй бидний эцэг, аавуудыг хэлэх болов уу. Эцэг хүний бүхий л зүйлс гэр бүлийнх нь боловч, зөвхөн алдаа нь л өөрийнх байдаг. Тэд гэрийнхээ бүхий л зовлон, хүнд хүчир зүйлсийг биеээрээ үүрч, туулсаар ирсэн юм. Тэднийгээ хайрлаж яваарай!
12
Залхуу нэгэн
Үргэлж л залхуурч, өрөөний аль нэг буланд хэвтээд, компьютер ширтээд суугаа хүн байдаг уу. Ажил хийлгэх гэсээр хамаг тамираа барж, хэл үгний гарз болдог хүмүүс айл бүрт л байдаг юм.
