1
Түүний ихэр нь маш царайлаг
Та түүнийг ийм царайлаг ихэртэй гэдгийг мэдэх үү? Түүний ихэрийг Хантер Йоханссен (Hunter Johansson) гэдэг юм. Скарлет ихэр дүүгээсээ гурван миунтын өмнө төрсөн байна. Хантер нэгэн үе кинонд тоглож үзсэн боловч эгчид нь байдаг шиг авьяас байгаагүй тул улс төрд орохоор шийдсэн юм. Тэрээр 2008 онд ерөнхийлөгч Барак Обамагийн сонгуулийн ажилд оролцож байсан аж.
2
Телевизээр анх 8 настайдаа гарч байсан
Төрөлхийн жүжиглэх авьяастай тэрээр бага насаа эрхэлж тоглож биш их карьераа эхлүүлж өнгөрүүлсэн юм. Дөнгөж 8 настай байхдаа анх телевизээр гарч өөрийн жүжигчний замналаа эхлүүлж байсан түүхтэй.
3
“Parent Trap” киноны дүрээ Линдсей Лоханд алдсан
Түүний жүжигчний карьер үргэлж дардан байгаагүй. Хүнд хэцүү үеүд ч ихээр тохиолдож байлаа. 1998 онд “Parent Trap” кинонд 13 настай Скарлетт тоглохоор байсан боловч гэнэт түүнийг тоглуулахаа больсноо мэдэгдэж, оронд нь Линдсей Лохан (Lindsay Lohan)-ыг тоглуулж байсан юм. Энэхүү бүтээл нь Линдсейг дэлхий нийтэд таниулж өгсөн аж.
4
20 насны төрсөн өдрөө Диснейд тэмдэглэсэн
Насанд хүрсэн бүсгүй төрсөн өдрөө Диснейд тэмдэглэсэн гэхээр хүн бүрийн гайхшралыг төрүүлнэ. Яагаад шөнийн цэнгээний газар, ресторан эсвэл гэртээ тэмдэглэж болохгүй гэж? Үнэн хэрэгтээ Скарлетт одоо ч чөлөөт цаг гарвал цэцэрлэгт хүрээлэн орж тоглон, эрч хүчээ сэлбэх дуртай гэнэ. Олон хүн холхих Диснейг сонгох шалтгаан нь хүмүүс бүгд хөгжилдөн баясаж, түүнийг анзаарах сөхөөгүй байдаг тул амар байдаг хэмээжээ. 20 насны төрсөн өдрөө Диснейд тэмдэглэх нь түүний хүүхэд насных нь мөрөөдөл байжээ.
5
Еврей, Данийн эрлийз бүсгүй
Хэдийгээр Нью-Йорк хотод төрсөн боловч тэрээр Орос, Дани цус холилдсон эрлийз бүсгүй юм. Түүний аав Карстен Йоханссон (Karsten Johansson) нь Данийн нэрт жүжигчин бөгөөд охиндоо тэр их авьяасаа залгамжлуулж өгсөн байдаг. Харин түүний ээж нь Еврей гаралтай төдийгүй одоо Скарлетийн менежерийн ажлыг гүйцэтгэдэг билээ.
6
Өсвөр наснаасаа тамхинд орсон "архаг тамхичин"
Тэрээр бүтээсэн дүр бүртээ тамхи татаж буйгаар дүрслэгддэг. Энэ нь ч түүнийг илүү халуухан харагдуулдаг юм. Гэвч тэрээр амьдрал дээр ч мөн тамхи татдаг төдийгүй 15 наснаасаа эхэлж, ийн хорт зуршилтай болсон гэдэг. Тэрээр өдгөө ч гэсэн тамхи татдаг бөгөөд гарах гэж оролдож байсан удаа байхгүй байна.
7
Арьсандаа анхаарал ихээр хандуулдаг
Жүжиглэх авьяасаас гадна харц булаам үзэсгэлэнтэй төрх заяагаагүй бол дэлхийн хэмжээний од болох боломжтой гэж үү? Мэдээж хэцүүхэн л байх. Тиймдээ ч тэрээр чөлөөт цагаа арьс арчилгааны тухай судалж, туршиж өнгөрүүлдэг гэнэ. Мөн нүүрэндээ элдэв янзын мэс хүргэх, физик эмчилгээ хийлгэхээс илүүтэй эрүүл аргаар, байгалийн гаралтай бүтээгдэхүүн ашигладаг байна. Тэр ч бүү хэл бүсгүй өөрөө нүүрэндээ тавих маскаа бэлтгэдэг гэнэ шүү.
8
Хүн бүхний анхаарлыг татах түүний хөх
Хэн ч байлаа гэсэн түүнийг хараад цээжнээс нь харцаа салгаж чадахгүй л болов уу? Тиймдээ ч секс бэлэг тэмдэг гэгддэг билээ. Түүний төрөлхийн сайхан хөхийг хиймэл хэмээн гоочлох хүмүүс бишгүй боловч үргэлж л олны харцыг булаадаг юм.
9
Өөрөөсөө ах залууст дуртай
Түүний болзож, гэрлэж байсан залуусыг харвал бүгд түүнээс ах байдаг. Тэр өөрөө ч ах залуус сонирхдог гэдгээ нуулгүй дурдсан байдаг юм. Скарлеттийн болзож байсан жүжигчин Бенисио Дель Торо (Benicio del Toro) түүнээс 17 насаар, Шон Пенн (Sean Penn) 14 насаар, харин хуучин нөхөр Ромен Даурэйк (Romain Dauriac) нь түүнээс 2 насаар ах байсан билээ.
10
Жоомноос үхтлээ айдаг
Нэгэн өглөө сэрэхэд түүний нүүрэн дээр хаанаас ч унасан юм бүү мэд, нэг жоом байсан бөгөөд Скарлетт үүнээс сүнсээ зайлтал айсан гэдэг. Үүнээс хойш тэр жоомноос үнхэлцгээ хагартал айдаг болж, зургийг нь харах төдийд л хамаг биеэр нь хүйт даадаг хэмээн хэлсэн удаатай.
11
Жирэмсэн байхдаа кинонд тоглосон
Тэрээр жирэмсэн байхдаа “Avengers: Age of Ultron” киноны “Black Widow” тулаанч бүсгүйн дүрийг бүтээсэн юм. Тухайн үед түүний гэдэс бага зэрэг мэдэгдэж байсан тул комьпютерын аргаар засварласан байдаг. Ийн бие тулгар атлаа тэгж гайхалтай жүжиглэснийг нь хүмүүс ихээр үнэлж, сайшаадаг билээ.
12
Хөөрхнөөсөө болж гологдож байсан
Үнэхээр гайхмаар хэдий ч түүний төгс сайхан царай, галбирлаг бие зэргээс нь болж кинонд тоглохыг зөвшөөрөхгүй, голж байсан тохиолдол цөөн хэд байдаг. “The Girl With the Dragon Tattoo” буюу "Луун шивээст охин" киноны гол дүрд Скарлеттийг тоглуулахаар товлож байсан ч "Хэт хөөрхөн, ялдам царайтай байна" гэсэн шалтгаанаар татгалзаж байсан удаатай.
13
“Home Alone 3” кинонд тоглосон
Хэрэв та анзаарч байсан бол Скарлетт “Home Alone 3” кинонд дүрсгүй хүүгийн эгчийн дүрийг бүтээдэг билээ. Багаасаа л авьяас нь тодорсон тэрээр хүүхэд байхдаа олон кинонд дүрээ мөнхөлсний нэгээхэн хэсэг нь энэ юм.
14
Түүний өгзөгтэй жигнэмэг
Секс бэлэг тэмдэг гэддэг Скарлеттийн нүцгэн зургууд цөөнгүй хэд бий. Өдгөөгөөс 10 жилийн өмнө тэрээр жүжигчин Кера Найтли (Keira Knightley)-ийн хамтаар тус зургийг авхуулсан нь “Vanity Fair” сэтгүүлийн нүүрэнд нийтлэгдэж байсан юм. Энэхүү сэтгүүлээс жил болгон зохион байгуулагддаг үдэшлэгт хүрэлцэн ирсэн бүх зочдод Скарлеттийн нүцгэн өгзөгтэй эл зургийг хэвлэсэн амтат жигнэмэгийг тарааж байв. Хүмүүст их л таалагдаж, амаа олохгүй идэж байсан гэдэг.
15
Кэйти Перри түүнээс санаа авч дуугаа бүтээсэн
Дуучин Кэти Перри (Katy Perry)-ийн хит дуу болох “I Kissed A Girl” дууг Скарлеттийн дур булаам уруулнаас сэдэвлэн зохиожээ. Перри нэгэн удаа найз залуутайгаа салон ороход Скарлеттийн зураг байсан бөгөөд түүний уруул маш сайхан харагдаж, шууд л үнсмээр санагдсан байна. Үүнээс улбаалан тус гайхалтай уран бүтээлийн санаа орж ирэн, Кэтиг амжилтанд хүргэсэн юм.
