1 Линдсей Лохан (Lindsay Lohan)

Улбар үс, үзэсгэлэнт сэвхтэй царайгаараа олны танил болсон жүжигчин бүсгүйг Холливууд цагтаа нилээдгүй дээгүүр үнэлдэг байлаа. Нэгэн үе хар тамхи, архины эмчилгээнд явж, уран бүтээлээ завсардаад байсан ч, удахгүй гарах шинэ уран бүтээлийнхээ ажилд ханцуй шамлан орсон сурагтай. Түүнийг эргүүлэх залуусын тоо маш их. Тиймдээ ч жүжигчин бүсгүй өөрт таалагдсан, эргүүлсэн залуус, бүсгүйчүүлтэй болзчихдог болохоор түүнийг нилээдгүй явдалтай бүсгүй хэмээдэг аж. Тэрээр жүжигчин Риан Филлипп (Ryan Phillipe), реппер 50 Цент (50 Cent), жүжигчин Жерард Батлер (Gerard Butler), жүжигчин Бенисио Дель Торо (Benicio Del Toro), дуучин, жүжигчин Жаред Лето (Jared Leto), жүжигчин Жюд Лав (Jude Law) гэх мэт алдартнуудтай амрагийн харьцаатай байжээ. Мөн жүжигчин Хит Леджер (Heath Ledger)-ийг нас барахаас нь өмнө болзож байсан байна. Харин сүүлийн үед тэрээр Оросын тэрбумтан Егор Тарабасов (Egor Tarabasov)-той болзож байгаа юм.

2 Кейт Хадсон (Kate Hudson)

Жүжигчин бүсгүй олон эрчүүдтэй болздог ч удалгүй салчихдаг. Түүний аав нь нэг бус удаа дурлалын харилцаандаа хөнгөмсөг биш, нухацтай хандаж байхыг захиж байж. Тэрээр хамгийн анх рок дуучин Крис Робинсон (Chris Robinson)-той гэрлэж, хүүтэй болсон юм. Гэвч тэд жүжигчин бүсгүйн хууралтаас болж хамтын амьдралдаа цэг тавьсан байна. Дараа нь тэрээр хөгжимчин Мэттью Беллами (Matthew Bellamy)-тэй гэрлэж, хүүтэй болсон ч мөн л удалгүй салсан юм. Одоогоор тэрээр ганц бие байгаа билээ.

3 Челси Хэндлер (Chelsea Handler)

Алдартай инээдмийн жүжигчин бүсгүйг мөн л хувийн харилцааны тал дээр асуудалтай, маш хөнгөмсөг гэлцдэг. Учир нь тэрээр нэг харахад л шинэ найз залуутай, ахиад нэг мэдэхнээ өөр залуутай болзсон явж харагддаг. Ямар сайндаа түүнийг ганц шөнийн бүсгүй гэх вэ дээ. Реппер 50 Цент (50 Cent), дуучин Сиара (Ciara) нарын салалтын шалтгааныг жүжигчин бүсгүйтэй холбон тайлбарлах нь бий.

4 Ким Кардашьян (Kim Kardashian)

Реалити шоуны од, өдгөө 2 хүүхдийн ээж тэрээр реппер нөхрөөсөө өмнө маш олон залуустай нэр холбогдож, секс бичлэг нь хүртэл задарч нилээдгүй шуугианыг тариад байсан. Тэрчлэн “Keeping up with the Kardashians” шоуны үеэр, сагсан бөмбөгийн тамирчин Крис Хамфрис (Kris Humphries)-аас гэрлэх саналыг авч, хэсэгтэй л олны анхаарлын төвд байсан юм. Тэр ч утгаараа хүмүүс тэдний богино гэрлэлтийг хүмүүсийн анхаарал татах гэж оролдсон, нэр хүндээ өсгөх гэсэн явуулга гэлцдэг.

5 Дрю Бэрримор (Drew Barrymore)

Хүүхэд наснаасаа Холливуудын ертөнцөд эргэлт буцалтгүйгээр орж, төдий чинээгээр олон эрчүүдтэй нэр холбогдож, болзож явсан бүсгүйчүүдийн нэг бол Дрю Бэрримор юм.  Саяхны жишээгээр тэд өнгөрсөн онд, 3 жил ханилсан нөхрөөсөө салсан байдаг. Тэрээр 3 удаа гэрлэж, хоёр ч удаа сүй тавьсан билээ. Гэвч харамсалтай нь түүний гэрлэлтүүд төдийлөн удаан үргэлжилдэггүй. Түүний болзож явсан эрчүүдийг дурдвал, бөмбөрчин Фабрицио Моретти (Fabrizio Moretti), жүжигчин Жастин Лонг (Justin Long), жүжигчин Сэм Рокуэлл (Sam Rockwell), жүжигчин Люк Уилсон (Luke Wilson) нар юм.

6 Женнифер Лопес (Jennifer Lopez)

Алдартай дуучин, жүжигчин бүсгүйг гайхалтай сайхан өгзөг, бие, дуу хоолойгоор нь хүмүүс таних билээ. Өөлөх зүйлгүй, авьяаслаг үзэсгэлэнтэй бүсгүйг эргүүлэх залуус дэндүү олон. Тэр ч утгаараа тэрээр үргэлж л олны танил, алдартай, чинээлэг эрчүүдтэй нэр холбогддог юм. Тэрээр өөрийн бүжигчин Крис Жадд (Cris Judd)-тэй гэрлэсэн боловч, тэдний гэрлэлт төдийлөн урт настай байсангүй. Үүнээс удалгүй Холливуудын хамгийн халуухан залуусын нэг Бен Аффлек (Ben Affleck)-тай болзсон боловч хуримын ёслолоосоо дөнгөж 1 цагийн өмнө салсан байдаг. Үүний дараагаар дуучин Марк Энтони (Marc Anthony)-той гэрлэж, мөн л удалгүй хоёр тийш болсон аж. Дуучин бүсгүй одоогоор ганц бие, нам жим байгаа юм.

7 Скарлетт Йоханссон (Scarlett Johansson)

Холливуудын үзэсгэлэнтэй, авьяаслаг жүжигчдийн нэг тэрбээр амьдрал дээрээ ч, уран бүтээлдээ ч үргэлж явдалтай бүсгүйчүүдийн дүрд тоглодог. Хэд хэдэн алдартай сэтгүүл, брэндийн нүүрийг чимж, энэ зууны хамгийн үзэсгэлэнтэй бүсгүйчүүдийн нэгт тооцогддог тэрээр жүжигчин Райан Рейнольдс (Ryan Reynolds), Ромен Дауриак (Romain Dauriac) нартай гэрлэж, жүжигчин Жош Хартнетт (Josh Hartnett), дуучин, жүжигчин Жаред Лето (Jared Leto), жүжигчин Шон Пенн (Sean Penn), Нейт Нейлор (Nate Naylor) нартай болзож байсан билээ.

8 Анжелина Жоли (Angelina Jolie)

Өнөө цагийн хамгийн үзэсгэлэнтэй бүсгүйчүүдийн нэг, жүжигчин Анжелина Жолиг мэдэхгүй хүн ховор бизээ. Тэрээр өдгөө нөхөр, 7 хүүхдийн хамт амьдарч байгаа бөгөөд сүүлийн жилүүдэд эрүүл мэндийн хүндхэн асуудалтай тулгарч, үхэл сэхлийн ирмэг дээр ирээд байгаа гэхэд болно. Тэрээр жүжигчин Брэд Питт (Brad Pitt)-тэй гэрлээд хэдийн 11 жилийг ардаа үджээ. Жүжигчин бүсгүйн нөхрөөсөө урьдаар маш олон залуустай нэр холбогдож, хоёр ч удаа гэрлэсэн юм. Тэр ч бүү хэл нэгэн ёслолын үеэр өөрийн төрсөн дүүтэйгээ янагаар үнсэлцэн хүмүүст эргэлзээг төрүүлсэн билээ. 

9 Mадонна (Madonna)

Өдгөө 60 насны босгыг шүргэж яваа, дуучин Мадоннаг дуучид дундаа нилээдгүй явдалтай, хөдөлгөөнтэй эмэгтэйгээр нэрлэдэг. Мөн тэрээр үргэлж л өөрөөсөө үе мултарсан, хүү шигээ залуустай нэр холбогддог бөгөөд энэ нь ч түүнийг залуу сайхан харагдахад дам нөлөөлдөг байж болох юм. Тэрээр найруулагч Гай Ричи (Guy Ritchie)-тэй 9 жилийн турш хамран амьдарсан боловч, дуучин бүсгүйн хууралтаас болж хоёр тийш болсон байдаг.

10 Пaрис Хилтон (Paris Hilton)

Алдарт "Хилтон" зочид буудлын өв залгамжлагч, өдгөө 35 настай модель бүсгүйг маш олон алдартай, чинээлэг залуустай нэр холбогдсон гэлцдэг. Түүний уулзаж, болзож явсан залуусын тоо 50 хол давах биз ээ. Тэдгээр жагсаалтад алдартай хөл бөмбөгийн тамирчин Криштиану Роналду (Cristiano Ronaldo), реппер 50 Цент (50 Cent), дуучин, жүжигчин Жаред Лето (Jared Leto), хөгжимчин Трэвис Баркер (Travis Barker), хөгжимчин Фред Дерст (Fred Durst), хөгжимчин Бенжи Мэдден (Benji Madden), дуучин Ник Картер (Nick Carter) нар багтаж байгаа юм.

11 Камерон Диаз (Cameron Diaz)

Авьяаслаг үзэсгэлэнтэй жүжигчин бүсгүй, өдгөө хөгжимчин Фред Дерст (Fred Durst)-тэй гэрлэж, хамтдаа амьдарч байгаа бөгөөд өмнө нь маш олон залуустай нэр холбогдож байсан юм. Тэрээр дуучин, жүжигчин Жаред Лето (Jared Leto), дуучин, жүжигчин Жастин Тимберлейк (Justin Timberlake), Келли Слэйтер (Kelly Slater), Брэдли Купер (Bradley Cooper), Элон Маск (Elon Musk) нар багтаж байх юм.