1
Харанхуйлах
Нүдээ алгаараа дараад, сайн гэгч нь амраа. 3-5 минут үргэлжлүүлээрэй.
2
Хоёр тийшээ харах
Цэх суугаад, баруун зүүн тийш тус тус 5 удаа ээлжилж хар. Үүнийгээ 3 удаа давтан хийгээрэй.
3
Дээш доош харах
Яг дээрх шиг, харцаа тултал нь дээш доошоо харах хэрэгтэй. Мөн 5 удаагийн давтамжтай, 3 удаа хийгээрэй.
4
Диагональдаж харах
Урагшаа цэх харж суугаад, баруун дээд булангаас зүүн доод булан хүртэл, дараа нь зүүн дээд булангаас баруун доод булан хүртэл 5 удаагийн давтамжтай, 3 удаа хийгээрэй.
5
Нүдээ эргэлдүүлэх
Эхлээд нар зөв 5 удаа, дараа нь нар буруу 5 удаа хийгээрэй.
6
Ойр ба холын хараа
Нүднээсээ 20-30 см-ийн зайд харандаа юмуу хуруугаа аваачаад хэдэн секунд тогтож хар. Дараа нь шууд хол байгаа зүйлийг хараарай. Дараа нь ахиад харандаа руу, ахин холын зүйл рүү гэх мэт энэ дасгалыг 5 удаа давтаж хийнэ.
7
Долир харах
Хөмсөгнийхөө гол руу хүүхэн хараагаа төвлөрүүлж, хэдэн секунд тогт. Дараа нь урагш харж нүдээ амраагаарай. Ахин долир харж, ахин амраах маягаар 5 удаа давтана.
8
Хамрын үзүүрээ ширтэх
Хөмсөгнийхөө гол руу хараагаа төвлөрүүлсэн шигээ хамрынхаа үзүүр рүү харж хэсэг байлгаад амарч, үүнийгээ 5 удаа давтаж хийгээрэй.
9
Нүдээ чанга аних
Нүдээ аниад 4 секунд болсны дараа ахин 4 секунд чанга анина. Амраагаад, энэ маягаар 5 удаа хийгээрэй.
10
Массаж хийх
Нүдээ аниад, зовхио хуруугаараа тойрог хөдөлгөөн хийх маягаар массажлаж, амраагаарай.
