Энэ булан нь эротик материал агуулж байгаа бѳгѳѳд хэрвээ та 18 нас хvрсэн бол "18нас хүрсэн" товчон дээр дарах, эс бѳгѳѳс "хаах" товчон дээр дарна уу!
Ямар хосуудыг жаргалтай гэх вэ? Мэдээж хоёр биенээ илүү ойлгодог зангидсан гар шиг бат бэх харилцаатай хүмүүсийг хэлнэ. Тэгвэл тэдэн шиг харилцаатай байхын тулд яах хэрэгтэй вэ гэж үү? Үүний хариултыг бид та бүхэндээ дэлгэж байна.
Зарим хосууд яагаад аз жаргалтай, хайр халамжаар дүүрэн байдаг гээч? Энд нууц гээд байх сүртэй зүйл байхгүй. Зүгээр л өдөр бүхнийг аз жаргалаар дүүрэн өнгөрүүлдэг. Өмнөх өдөр нь муудалцсан байж болно. Гэвч тэд маргааш нь юу ч болоогүй мэт нэгнээ халуун дулаан үгээр угтах, хором мөч бүрийг жаргалтай байлгах хатан ухаантай байдаг юм.
Аз жаргалтай, сайхан хосууд өөрсдөө алдаж биш бусдын алдаанаас суралцаж, сайн сайхан яваа хосуудаас үлгэр дуурайл авдаг. Тэд өөрсдийн харилцааг сайжруулах, илүү гал халуун романтик болгохын тулд бүхнийг хийдэг. Тиймээс ч тэд хийж байгаа зүйлсдээ үргэлж сэтгэл хангалуун, ханамжтай байдаг байна.
Гэр орны аар саархан ажил, том жижиг гэлтгүй бүхнийг эв найрамдалтай хамтдаа хийдэг хосууд бусад хосуудыг бодвол аз жаргалтай байдаг. Учир нь тэд эдгээр зүйлсийг дарамт, ядаргаатай зүйл мэтээр хүлээн авалгүй, харин ч өөрсдийнх нь харилцааг амттай, адал явдалтай болгодог гэдэгт итгэдэг.
Ялангуяа ихэнх хосууд муудалцахаараа нэгийхээ тухай өөрийн найзууддаа хэлж, сэтгэлээ онгойлгодог гэхэд болно. Гэвч цаг хугацаа өнгөрөхөд чи мартаж, эргээд л түүнтэйгээ эвлэрнэ. Харин найзууд чинь мартахгүй шүү дээ. Тэгэхээр яаж ч муудалцсан өөрсдийнхөө талаар бусдад муу зүйлс хэлэх хэрэггүй.
Муудалцах, хэрэлдэхдээ ч биенээ хайрлаж, чанга хатуу үгсээр сэтгэлийг нь зовоох зүйлийг хэлж болохгүй. Амнаас гарч буй үг бүхэн хүний сэтгэлд хүрч, басхүү сэтгэлийн зовлонд унагаж байдаг. Тиймээс хэлэх үгээ сайтар бодож, уурлаж бухимдахдаа ч хайртдаа хорон муу үгийг битгий хэлж байгаарай.
Заавал яагаад тэмдэглэлт өдөр, төрсөн өдрөөр бэлэг өгөх ёстой гэж? Зүгээр л энгийн нэгэн өдрийг онцгой болгох, бага гэлтгүй гэнэтийн бэлгийг нэгэндээ барьж байх нь таны төсөөлснөөс ч илүү харилцааг романтик болгоно. Мөн бие биедээ хайрын үгсийг харамгүй хэлж, түүнд ямар их хайртайгаа мэдрүүлж байгаарай.
Ямар хосууд аз жаргалтай, сайн сайхан явдаг гээч? Тэд ердөө л хошин шогийн мэдрэмжтэй учраас тэр шүү дээ. Нэгэндээ хөөрхөн гэнэтийн бэлэг, хошин зурвас, илгээж цагийг хөгжилтэй, басхүү аз жаргалтай өнгөрүүлдэг. Тиймдээ ч тэдний дунд үргэлж инээд хөөр, баяр баясал цалгиж байдаг.
Хэдий 6 жил, 6 сар болсон хосууд ч гэсэн маш романтик, харилцаа нь шинэхэн, яг л шинээр болзож байгаа мэт бол тэднээс суралцаарай. Учир нь тэд үргэлж хамтдаа романтик болзоонд явж, цаг мөч бүрийг аз жаргалтай өнгөрүүлж чаддаг учраас тэр юм. Болзоо бүхэн шинэ, сэтгэл хөдлөл дүүрэн учраас тэдний харилцаа 60 жил болсон ч энэ хэвээр байх болно.
Мэдээж төгс хүн гэж үгүй шүү дээ. Тиймдээ ч хосууд өөрсдийн давуу болоод дутагдалтай талуудаа хүлээн зөвшөөрдөг. Нэгэнт бүхнээ мэдэлцэж, хүлээн зөвшөөрсөн хосуудад ямар саад учирна гэж? Ийм хосууд цаг хугацаа урсан өнгөрөхийн хэрээр хүчирхэгжин, хайр сэтгэл нь нэмэгдэж байдаг.
Хостой байна гэдэг өөрөө гайхамшиг юм. Тэд ганц бие байх, хостой байхын аль нь илүү болохыг мэддэг. Хостой байснаар гайхалтай бүхэн 2 дахин үржигдэх болно шүү дээ. Тиймээс гаргах амжилт, үр дүн нь ганц бие хүнээс хавь илүү гэсэн үг. Тэд хүнийг хайрлах, ойлгох тал дээр бусдаас илүү. Тиймээс ч хамтран ажиллахад илүү хялбар байдаг юм.
