14
“Flag” - 119,400,000 доллар
2 Солонгос улсын дайн дууссанаас жилийн дараа буюу 1954 оны нэгэн шөнө, зураач Жаспер Жоннс (Jasper Johns) төрийн далбаа зурж байна гэж зүүдэлжээ. Тэрээр маргааш өглөө нь сэрээд юу ч бодолгүй шууд л АНУ-ийн төрийн далбааг зурсан байна. Энэ зураг нь түүний зурж байсан хамгийн үнэтэй зураг аж.
13
“Scream” - 119,900,000 доллар
Зураач Эвдард Мүнч (Edward Munch)-ийн 1983 онд зурсан “Хашгираан” бүтээл нь орчин үеийн уран зургийн охь дээж юм. Мэдээж тус зургийг үнэтэй зурагнуудын жагсаалтанд орсонд гайхах зүйл огт алга. Энэхүү бүтээлийг хараал, ямар нэг далдын хүч шингэсэн ч гэж хүмүүс ярьдаг.
12
“Salvator Mundi” - 127,500,000 доллар
Алдарт зураач Леонардо Да Винчи (Leonardo da Vinci)-ийн 1506-1513 оны хооронд зурсан тус зураг нь хэдэн зуун жилийн турш чимээ аниргүй байсан байна. Харин 2005 онд Да Винчигийн шавийн танил гэх хөгшин эр тус зургийг олонд дэлгэн алдаршуулжээ.
11
“Bal du moulin de la Galette” - 141,500,000 доллар
Зураач Пеирэ Аувгустэ Рэниор (Pierre-Auguste Renoir) нь тус бүтээлийг 1976 онд зуржээ. 1977 онд тэрээр өөрийн анхны уран зургийн үзэсгэлэнгээ гаргасан ба үүнд нь “Bal du moulin de la Galette” бүтээл нь ч бас багтсан юм.
10
“Three Studies of Lucian Freud” - 144,700,000 доллар
Энэ бол уран зургийн хөгжлийн төлөө хамтран зүтгэж байсан өрсөлдөгч, зураач Лүсиан Фрэүдэд зориулан, зураач Франчис Бэкон (Francis Bacon)-ы 1969 онд зурсан бүтээл юм. Хүн төрөлхтний оюуны хосгүй үнэт өв, хүнд байж болох бүхий л мэдрэмжийг багтаасан жинхэнэ урлагийн бүтээл гэж хэлж болно.
9
“Portrait of Dr. Gachet” - 149,900,900 доллар
Уран зураач гэхээр хамгийн түрүүнд санаанд ордог хүн бол мэдээж Винсент Ван Гог (Vincent Van Gogh) билээ. Тус зургийг алдарт зураач маань өөрийг нь эмчилж, асарч байсан эмч Гэйчэтэд зориулан 1890 онд зурсан аж. Ван Гогийн алдар нэрд гарсан зурагнуудын нэгд энэхүү бүтээл зүй ёсоор багтдаг байна.
8
“Portrait of Adele Bloch-Bauer I” - 158,500,000 доллар
Зураач Густов Климт (Gustav Klimt) өөрийн баян найз агаад ивээн тэтгэгч Аделе Блөүч-Баер (Adele Bloch-Bauer)-т зориулан үүнийг 3 жилийн турш зурсаар, 1907 онд дуусгажээ. Одоогоор тус зураг нь Нью-Йорк хотын “Neue” галлерэйн хананд өлгөөтэй байдаг.
7
“Les Femmes d’Alger” - 179,400,000 доллар
“Мэтиссагийн энэ зурагт хэн ч над шиг хамаг анхаарлаа хандуулж чадахгүй байх...” хэмээн алдарт зураач Пабло Пиккасо (Pablo Picasso) нэгэнтээ хэлсэн байдаг. Пикассогийн бүтээлүүд дундаас хамгийн алдартай зураг нь “Les Femmes d’Alger” юм. Тэрээр үүнийгээ 1955 онд зурж байсан аж.
6
“Pendant portraits of Maerten Soolmans and Oopjen Coppit” - 180,000,000 доллар
1634 онд 2 хосын хуриманд зориулан зураач Рэмбрэнт (Rembrandt) зурж байжээ. Тус зураг нь хоёр хосын үүрдийн хайрыг бэлгэддэг гэнэ.
5
“No. 6 (Violet, Green and Red)” - 186,000,000 доллар
Тус зургийг 1951 онд зураач Марк Ротко ( Mark Rothko) зурсан аж.
4
“Number 17A” - 200,000,000 доллар
Зураач Жэйсон Поллок (Jackson Pollock) 1948 онд тус зургийг зурж дуусгасан байна. Тэрээр хийсвэр сэтгэлгээт зураач учраас түүний зургийг сонирхох хүмүүс чамгүй олон байдаг юм.
3
“The Card Players” - 272,000,000 доллар
Тус зургийг зураач Паул Цезани (Paul Cézanne) 1983 онд зурж байжээ. Хэдийгээр энэ зураг нь нилээдгүй шүүмжлэл дагуулж байсан ч маш их үнэ хүрч чадсан юм.
2
“When Will You Marry” -300,000,000 доллар
Зураач Паул Гаугейн (Paul Gauguin) 1891 онд тархиа амрааж, зургийн шинэ санаа олохоор Тахати арал руу аялсан байна. Тэнд байх хугацаандаа “When Will You Marry” гэх зургийн санаагаа олж 1892 онд зурж дуусгасан аж.
1
“Interchange” - 300,000,000 доллар
Бүх цаг үеийн хамгийн үнэтэй энэхүү бүтээлийг зураач Виллиам Дэ Күүнинг (Willem de Kooning) 1955 онд зурж байжээ. Уг зургаараа ирээдүйн дэлхий ертөнц хэрхэн өөрчлөгдөх талаар дүрсэлжээ. Гэвч зөвхөн хүрээлэн буй орчин ч биш, хүний сэтгэлгээний өөрчлөлтийг ч гэсэн давхар харуулсан мэт. Одоогоор тус зураг нь Чикагогийн их сургуульд түр хугацаанд байгаа аж.
Уншигч та уран зургийн цаад мөн чанар, утга учрыг тайлж уншихыг хүсвэл өөрт тань заяасан хэд дэх мэдрэхүйгээрээ ч харж басхүү сонсож ч болно...
